AP Municipal Elections 2021: ఏపీలో ముగిసిన మున్సిపల్‌ పోలింగ్‌.. కుప్పంలో టీడీపీ-వైసీపీ మధ్య హోరా హోరీ..

కొడితే ఏనుగు కుంభస్థలాన్నే కొట్టాలి.. ఇదే స్ట్రాటజీ ఫాలో అయింది అధికార వైసీపీ. మెయిన్‌గా కుప్పం మున్సిపాల్టీపై ఫోకస్‌ పెట్టింది ఫ్యాన్‌ పార్టీ. చంద్రబాబుకు దిమ్మదిరిగిపోయేలా రిజల్ట్‌ రావాలని భారీగా ప్లాన్‌ చేసింది. అటు టీడీపీ కూడా ఇజ్జత్‌కా సవాల్‌గా తీసుకుంది. దాంతో కుప్పంలో టీడీపీ-వైసీపీ మధ్య హోరా హోరీ పోరు నడిచింది. ఉదయం నుంచి పెద్దసంఖ్యలో పోలింగ్‌ కేంద్రాల వద్ద బారులు తీరి తమ ఓటు హక్కును వినియోగించుకున్నారు.

ఏపీలో మున్సిపల్‌ పోలింగ్‌ ముగిసింది. నెల్లూరు కార్పొరేషన్‌, 12 నగర పంచాయతీల్లో ఓటింగ్‌ పూర్తయింది. 5 గంటల వరకు క్యూలైన్‌లో ఉన్న వారికి ఓటేసేందుకు అనుమతి ఇచ్చారు. ఎల్లుండి ఉదయం కౌంటింగ్‌ జరుగుతుంది. కీలకమైన కుప్పంలో ఉదయం నుంచి టెన్షన్‌ కొనసాగింది. దొంగ ఓట్లు వేయించారని వైసీపీ, టీడీపీ పరస్పరం ఆరోపణలు చేసుకున్నారు. కొన్ని చోట్ల ఘర్షణ కూడా జరిగింది. పోలీసులు లాఠీఛార్జి చేశారు.

కుప్పంలో దొంగ ఓట్లు కలకలం రేపాయి. కుప్పం మున్సిపాల్టీలోని 16 వార్డులో టెన్షన్‌ వాతావరణం నెలకొంది. వైసిపి చైర్మన్‌ అభ్యర్థి డాక్టర్‌ సుధీర్‌ పోటీలో ఉన్న 16 వార్డు పోలింగ్‌ బూత్‌లో వైసిపి దొంగ ఓటర్లను దింపిందని టీడీపీ నేతలు ఆందోళనకు దిగారు. ఐతే కావాలనే రాద్ధాంతం చేస్తున్నారంటూ వైసిపి కార్యకర్తలు ఆరోపించారు.

దాంతో ఇరువర్గాల మధ్య ఘర్షణ వాతావరణం నెలకొంది. టీడీపీ ఫిర్యాదుతో పోలీసులు పలు పోలింగ్‌ కేంద్రాల దగ్గర ఓటర్ల ఐడీ కార్దులను పరిశీలించారు. సమస్యాత్మక ప్రాంతాల్లోని పోలింగ్‌ కేంద్రాల దగ్గర పలువురు అనుమానితులను గుర్తించారు. వారిని పోలీస్‌స్టేషన్‌కి తరలించారు. చిత్తూరుజిల్లాలోని పలు ప్రాంతాలతోపాటు తమిళనాడు, కర్నాటక నుంచి స్థానికేతరులు కుప్పం వచ్చినట్లు విచారణలో తేలింది.

కుప్పం మున్సిపాల్టీ ఎన్నికలపై టిడిపి-వైసిపి నేతలు పరస్పరం ఆరోపణలు చేసుకున్నారు. వైసిపి నేతలే దగ్గరుండి దొంగ ఓట్లు వేయించారని చంద్రబాబు ఆరోపించారు. ఐతే బాబు ఆరోపణలు అర్థరహితమ ని కౌంటరిచ్చారు సజ్జల రామకృష్ణారెడ్డి.

ఇవి కూడా చదవండి: AP Municipal Elections: కుప్పంలో ఏం జరిగిందంటే.. వీడియోలను విడుదల చేసిన సజ్జల రామకృష్ణా రెడ్డి

Malaika Arora: హీరోయిన్ చెంపలు పట్టుకుని లాగిన బాలుడు.. షాక్‏లో మలైకా.. చివరకు ఏం చేసిందంటే..