Andhra Pradesh: ఏపీ అసెంబ్లీ బడ్జెట్ సమావేశాల షెడ్యూల్ ఖరారు.. పూర్తి వివరాలివే..
ఆంధ్రప్రదేశ్ అసెంబ్లీ బడ్జెట్ సమావేశాల షెడ్యూల్ ఖరారైంది. మార్చి 14వ తేదీ నుంచి శాసనసభ బడ్జెట్ సమావేశాలు ప్రారంభం కానున్నాయి. ఈ మేరకు అసెంబ్లీ కార్యదర్శి నోటిఫికేషన్ రిలీజ్ చేశారు.
Updated on: Mar 04, 2023 | 8:20 AM
ఆంధ్రప్రదేశ్ అసెంబ్లీ బడ్జెట్ సమావేశాల షెడ్యూల్ ఖరారైంది. మార్చి 14వ తేదీ నుంచి శాసనసభ బడ్జెట్ సమావేశాలు ప్రారంభం కానున్నాయి. ఈ మేరకు అసెంబ్లీ కార్యదర్శి నోటిఫికేషన్ రిలీజ్ చేశారు. అయితే, సమావేశాలు ఎన్ని రోజులు నిర్వహిస్తారనేది క్లారిటీ రాలేదు. ఈ నెల 14వ తేదీ నుంచి 24వ తేదీ వరకు అసెంబ్లీ సమావేశాలు జరిగే అవకాశం ఉందని ప్రభుత్వ వర్గాలు చెబుతున్నాయి. అయితే, బీఏసీ సమావేశంలో సభ ఎన్ని రోజులు నిర్వహించాలనే దానిపై నిర్ణయం తీసుకోనున్నారు. అలాగే, బడ్జెట్‌ను ఏ రోజున ప్రవేశపెట్టాలనేదానిపైనా ప్రభుత్వం నిర్ణయం తీసుకోనుంది.
తొలిరోజు ఉభయసభల సంయుక్త సమావేశంలో రాష్ట్ర నూతన గవర్నర్ జస్టిస్ అబ్దుల్ నజీర్ ప్రసంగించనున్నారు. రెండవ రోజు గవర్నర్ ప్రసంగానికి ధన్యవాదాలు తెలిపే తీర్మానంపై చర్చిస్తారు. ఇక శాసనమండలి సభ్యులు చల్లా భగీరథరెడ్డి, బచ్చుల అర్జునుడు మృతిపై సభలో సంతాప తీర్మానం అనంతరం సమావేశం వాయిదా పడనుంది. ఇక మూడవ రోజు నుంచి సభ యధావిధిగా జరుగనుంది. అయితే, బడ్జెట్ ఎప్పుడు ప్రవేశపెట్టాలనే అంశాన్ని బీఏసీ మీటింగ్ లో నిర్ణయం తీసుకోనున్నట్లు ప్రభుత్వ వర్గాలు చెబుతున్నాయి.
మరిన్ని ఆంధ్రప్రదేశ్ వార్తల కోసం ఈ లింక్ క్లిక్ చేయండి..
