Telugu News World Southern China experiences heaviest rain in 60 years, experts warn extreme weather will only get worse
China Heavy Rains: 60 ఏళ్లలో చూడని అత్యంత భారీ వర్షాలు.. యావత్ దేశం అతలాకుతలం..
కుండపోత వర్షాలు అతలాకుతలం చేస్తున్నాయి. గత 60ఏళ్లలో అత్యంత భారీ వర్షం జనజీవనాన్ని స్తంభింపజేసింది. భారీ వర్షాలు, వరదల దాటికి ఆ దేశం బెంబేలెత్తిపోతోంది. ఏకదాటికి కురిసిన వర్షాలతో ..
కుండపోత వర్షాలు చైనాను అతలాకుతలం చేస్తున్నాయి. గత 60ఏళ్లలో అత్యంత భారీ వర్షం దక్షిణ చైనాను అతలాకుతలం చేసేసింది. భారీ వర్షాలు, వరదల దాటికి చైనా బెంబేలెత్తిపోతోంది. ఏకదాటికి కురిసిన వర్షాలతో లోతుట్టు ప్రాంతాల్లోని పట్టణాలు, గ్రామాలు జలమయం అయ్యాయి. మధ్య, దక్షిణ చైనాను విపరీతమైన వాతావరణం తీవ్ర భయాందోళనలకు గురిచేస్తోంది. ముంపు ప్రాంతాల్లో పలు కార్లు, బైకులు కొట్టుకుపోయాయి. రహదారులు కోతలకు గురయ్యాయి. పలు గ్రామాలకు రాకపోకలు తెగిపోయాయి. ఇళ్లలోకి వదర రావడంతో నిత్యావసరాలు నీటిపాలయ్యాయి. లక్షలాది మంది ప్రజలు వరదలతో సతమతమయ్యారు. వరద తగ్గడానికి మరి కొన్ని రోజులు పట్టే అవకాశం ఉందని అధికారులు అంచనా వేస్తున్నారు. రాష్ట్ర మీడియా ప్రకారం..కనీసం ఏడు ప్రావిన్సులలో తీవ్రమైన వర్షాల కారణంగా కొండచరియలు విరిగిపడ్డాయి.చాలా రోడ్లు జలమయమయ్యాయి. నైరుతి గుయిజౌ ప్రావిన్స్లో, వరద నీటితో రోడ్లు నదులను తలపించాయి. కార్లు, ఇళ్లు వరద నీటిలో కొట్టుకుపోతున్న దృశ్యాలు సోషల్ మీడియాలో వైరల్గా మారాయి.
రాష్ట్ర వార్తల ప్రకారం, గ్వాంగ్జీ, గ్వాంగ్డాంగ్, ఫుజియాన్లలో 1961 నుండి అత్యధిక వర్షపాతం నమోదైందని స్థానిక వాతావరణ బ్యూరోలు తెలిపాయి. ఏజెన్సీ జిన్హువా నేషనల్ క్లైమేట్ సెంటర్ డేటా ఆధారంగా 2021 మొత్తం దేశవ్యాప్త సగటు 672.1 మిల్లీమీటర్లలో 90% కంటే ఎక్కువ. దేశంలోని దక్షిణాదిలో మరింత భారీ వర్షాలు, ఉత్తరాన వేడిగాలులు వీచే పరిస్థితులు ఉన్నాయని వాతావరణ నిపుణులు అంటున్నారు. మరోవైపు, దక్షిణ ప్రావిన్స్లైన గుయిజౌ, జియాంగ్సీ, అన్హుయ్, జెజియాంగ్, గ్వాంగ్జీలలో మరో 24గంటల పాటు భారీ వర్షం కురుస్తుందని, ఆపై ఉత్తరం వైపు రుతుపవనాలు కదులుతాయని అంచనా. కాబట్టి ప్రజలు అప్రమత్తంగా ఉండాలని వాతావరణ అధికారులు హెచ్చరిస్తున్నారు. ఏప్రిల్లో, దేశంలోని దక్షిణ మరియు నైరుతి ప్రాంతాలు, అలాగే దక్షిణ టిబెట్లోని సాధారణంగా పొడి ఎడారి భూభాగంలో విపరీతమైన కుండపోత వర్షాలు కురుస్తాయని జాతీయ వాతావరణ కేంద్రం హెచ్చరించింది. మరోవైపు అధికార యంత్రాంగం అలెర్ట్ అయింది. బాధితులకు ముందస్తుగానే ప్రత్యేక శిబిరాలను ఏర్పాటు చేసి ప్రజలకు ఆశ్రయం కల్పిస్తున్నారు. వారికి దుప్పట్లు, ఆహారం ప్రభుత్వం అందిస్తోంది. రహదారులను పునర్ నిర్మిస్తున్నారు.
మేలో నేషనల్ క్లైమేట్ సెంటర్ విడుదల చేసిన నివేదిక ప్రకారం, చైనాలో గతేడాది సగటు వార్షిక వర్షపాతం 672.1 మిమీ నమోదైంది.ఇది సాధారణం కంటే 6.7% ఎక్కువ. ముఖ్యంగా వేసవి నెలల్లో వర్షపు తుఫాను తీవ్రత దృష్ట్యా చైనా వాతావరణ వైరుధ్యాలు అధ్వాన్నంగా ఉన్నాయని నివేదిక నిర్ధారించింది. వాతావరణ మార్పులను ఎదుర్కొనేందుకు చైనా చేస్తున్న ప్రయత్నాల మధ్య ఈ రికార్డు వర్షపాతం నమోదైంది. దేశం యొక్క పర్యావరణ, పర్యావరణ మంత్రిత్వ శాఖ గత వారం 2035 నాటికి గ్లోబల్ వార్మింగ్ ప్రభావాలకు వ్యతిరేకంగా స్థితిస్థాపకతను పెంపొందించడానికి ఒక కొత్త జాతీయ వాతావరణ మార్పులకు సంబంధిచిన నివేదికను ప్రకటించింది. దీని ఆధారంగా వాతావరణ మార్పులు, ప్రభావాలను పర్యవేక్షించడంతోపాటు ముందస్తు హెచ్చరిక, ప్రమాదలను నివారించే విధంగా అధికార యంత్రాంగాన్ని అప్రమత్తం చేసింది.
ఇకపోతే, రాష్ట్ర వార్తా సంస్థ జిన్హువా ప్రకారం, మే 28 నుండి జూన్ 11 మధ్య చైనా ఆగ్నేయ ప్రావిన్స్ జియాంగ్జీలో కనీసం 1.1 మిలియన్ల మంది ప్రజలు వరదలు, వర్షాల కారణంగా తీవ్ర అవస్థలు ఎదుర్కొన్నారు. కలప,వెదురు ఉత్పత్తి చేసే ప్రావిన్స్లో 223,000 హెక్టార్ల వ్యవసాయ భూమి నాశనమైంది. జూన్ ప్రారంభంలో, దక్షిణ చైనాలో కుండపోత వర్షాల కారణంగా కనీసం 32 మంది మరణించారు. వరి ఉత్పత్తి చేసే హునాన్ ప్రావిన్స్లో 2,700 కంటే ఎక్కువ ఇళ్లు తీవ్రంగా దెబ్బతిన్నాయి.96,160 హెక్టార్ల వ్యవసాయ భూమి విధ్వంసమైంది.
గత వేసవిలో, సెంట్రల్ హెనాన్ ప్రావిన్స్లో వినాశకరమైన వరదలు సంభవించడంతో 398 మంది మరణించారు . మృతుల్లో సబ్వే లైన్లో మునిగిపోయిన 12 మంది ప్రయాణికులు ఉన్నారు.
