అహ్మదాబాద్ విమాన ప్రమాదం

అహ్మదాబాద్ నుంచి లండన్ గాత్విక్ వెళుతున్న ఎయిర్ ఇండియా విమానం జూన్ 12, 2025 గురువారం కుప్పకూలింది. టేకాఫ్‌ అయిన కొద్దిసేపటికే అహ్మదాబాద్‌-లండన్‌ ఎయిర్‌ ఇండియా విమానం కుప్పకూలిపోయింది. ప్రయాణికులు, కేబిన్‌ క్రూలో ఒక్కరు తప్ప అందరు మరణించారు. ఏఐ171 విమానంలో ప్రయాణించిన 242 మందిలో 241 మంది మృతి చెందినట్లు ఎయిర్ ఇండియా ప్రకటించింది. మృతుల్లో 229 మంది పాసింజర్స్ కాగా.. 12 మంది సిబ్బంది అని వెల్లడించింది. 169 మంది భారతీయులు, 53 మంది బ్రిటన్‌ పౌరులు, ఏడుగురు పోర్చగీస్‌ వాసులు, ఒకరు కెనడాకు చెందినవారు ప్రాణాలు కోల్పోయినట్లు తెలిపింది. భారత విమానయాన చరిత్రలోనే, ఇది అత్యంత ఘోరమైన ప్రమాదం. ఈ ప్రమాదంపై తీవ్ర దిగ్భ్రాంతి వ్యక్తం భారత ప్రధాని మోదీ.. ఘటనాస్థలానికి వెళ్లి అక్కడి పరిస్థితిని పరిశీలించారు. ప్రమాద వివరాలను అధికారుల నుంచి అడిగి తెలుసుకున్నారు. ఆ తర్వాత బాధితులను పరామర్శించారు.