TS PECET 2023 Results: తెలంగాణ పీఈసెట్ 2023 ఫలితాలు విడుదల.. టాపర్లు వీరే
తెలంగాణ పీఈసెట్-2023 ఫలితాలను ఉన్నత విద్యామండలి ఛైర్మన్ ప్రొఫెసర్ లింబాద్రి, శాతవాహన విశ్వవిద్యాలయం వీసీ ప్రొఫెసర్ మల్లేష్ తదితరులు విడుదల చేశారు. ఫలితాలు అధికారిక వెబ్సైట్ లో డౌన్లోడ్ చేసుకోవచ్చని టీఎస్ పీఈసెట్..
Updated on: Jun 25, 2023 | 1:55 PM
తెలంగాణ పీఈసెట్-2023 ఫలితాలను ఉన్నత విద్యామండలి ఛైర్మన్ ప్రొఫెసర్ లింబాద్రి, శాతవాహన విశ్వవిద్యాలయం వీసీ ప్రొఫెసర్ మల్లేష్ తదితరులు విడుదల చేశారు. ఫలితాలు అధికారిక వెబ్సైట్ లో డౌన్లోడ్ చేసుకోవచ్చని టీఎస్ పీఈసెట్ కన్వీనర్ ప్రొఫెసర్ రాజేశ్ కుమార్ తెలిపారు. మొత్తం 1769 (96.50 శాతం) మంది ఉత్తీర్ణత సాధించారని ఆయన తెలిపారు.
కాగా బీపీఈడీ పరీక్షకు మొత్తం 1193 మంది హాజరుకాగా వీరిలో 96.65 శాతం ఉత్తీర్ణత పొందారు. అలాగే యూజీ డీపీఈడీ పరీక్షకు 576 హాజరైతే వారిలో 96.18 శాతం ఉత్తీర్ణత సాధించారు. జనగాంకు చెందిన జీ దేవ, నల్గొండకు చెందిన ఎన్ ప్రవళ్లిక టాపర్లుగా నిలిచారు. రాష్ట్ర వ్యాప్తంగా ఉన్న 16 బీపీఈడీ కాలేజీల్లో మొత్తం1660 సీట్లు ఉండగా, 4 డీపీఈడీ కాలేజీల్లో 350 సీట్లు అందుబాటులో ఉన్నాయి.
తెలంగాణ రాష్ట్రంలోని బీపీఈడీ, యూజీ డీపీఈడీ కోర్సుల్లో ప్రవేశాలకు టీఎస్ పీఈసెట్ నిర్వహిస్తున్న విషయం తెలిసిందే. దీనిలో వచ్చిన ర్యాంకు ఆధారంగా 2023-24 విద్యా సంవత్సరానికిగానూ ఫిజికల్ ఎడ్యుకేషన్ కోర్సులయిన బీపీఎడ్, డీపీఎడ్ ప్రవేశాలు కల్పిస్తారు.
మరిన్ని తెలంగాణ వార్తల కోసం క్లిక్ చేయండి.
