విషాదం.. ఎనిమిది నెలల గర్భవతిని తుపాకీతో కాల్చిన రెండేళ్ల కొడుకు
అమెరికాలో ఘోర విషాదం చోటు చేసుకుంది. గర్భంతో ఉన్న తన తల్లిని రెండేళ్ల కొడుకు ప్రమాదవశాత్తు తుపాకీతో కాల్చాడు. దీంతో గర్భంలోని శిశువుతోసహా మహిళ మృతి చెందింది. బొమ్మ తుపాకీగా భావించి అసలైన తుపాకీతో కాల్చడంతో ఈ దుర్ఘటన..
వాషింగ్టన్‌: అమెరికాలో ఘోర విషాదం చోటు చేసుకుంది. గర్భంతో ఉన్న తన తల్లిని రెండేళ్ల కొడుకు ప్రమాదవశాత్తు తుపాకీతో కాల్చాడు. దీంతో గర్భంలోని శిశువుతోసహా మహిళ మృతి చెందింది. బొమ్మ తుపాకీగా భావించి అసలైన తుపాకీతో కాల్చడంతో ఈ దుర్ఘటన చోటు చేసుకుంది. అమెరికాలో గత శుక్రవారం (జూన్‌ 16) జరిగిన ఈ సంఘటన ఆలస్యంగా వెలుగుచూసింది.
అమెరికాలోని ఒహియోలో లారా ఇల్గ్ అనే 32 ఏళ్ల మహిళ భర్తతో కలిసి ఉంటోంది. ఈ జంటకు రెండేళ్ల కొడుకు ఉన్నాడు. రెండోసారి గర్భందాల్చిన లారా ఎనిమిది నెలల గర్భవతి. భర్త ఉద్యోగానికి వెళ్లగా కొడుకుతో ఒంటరిగా ఇంట్లో ఉంటోంది. ఈ క్రమంలో మంగళవారం బాలుడు తండ్రి డ్రాయర్‌ నుంచి తుపాకీ తీసి ఆడుకుంటున్నాడు. బాలుడు ఆడుకుంటూ వెళ్లి ఇంటి పనుల్లో నిమగ్నమైన తల్లి లారాను వెనుక నుండి కాల్చాడు.
కిందపడిపోయిన లారా వెంటనే తన భర్తకు ఫోన్ చేసింది. అలాగే ఎమర్జెన్సీ విభాగానికి ఫోన్ చేసింది. ఘటనాస్థలికి చేరుకున్న పోలీసులు రెండేళ్ల బాలుడి నుంచి తుపాకీని స్వాధీనం చేసుకున్నారు. బొమ్మ తుపాకీ అనుకుని తన కొడుకు తనను కాల్చాడని బాధితురాలు పోలీసులకు వివరించింది. అనంతరం ఆమెను ఆసుత్రికి తరలిస్తుండగా కడుపులో బిడ్డతో సహా మార్గమధ్యలోనే మృతి చెందింది. పోలీసులు కేసు నమోదు చేసుకొని, దర్యాఫ్తు చేపట్టినట్లు నార్వాక్ పోలీస్ డిపార్ట్‌మెంట్ మీడియాకు వెల్లడించింది.
మరిన్ని అంతర్జాతీయ వార్తల కోసం క్లిక్‌ చేయండి.
