Telangana: తెలంగాణ ఐ-హబ్, గుజరాత్ వీ-హబ్ మధ్య అవగాహన ఒప్పందం.. మంత్రి కేటీఆర్ కీలక కామెంట్స్..
Telangana: దేశంలో మహిళా ఇన్నోవేషన్ బలోపేతమే లక్ష్యంగా తెలంగాణ-గుజరాత్ రాష్ట్రాల మధ్య అవగాహన ఒప్పందం కుదిరింది.
Updated on: Jan 16, 2021 | 9:59 PM
Telangana: దేశంలో మహిళా ఇన్నోవేషన్ బలోపేతమే లక్ష్యంగా తెలంగాణ-గుజరాత్ రాష్ట్రాల మధ్య అవగాహన ఒప్పందం కుదిరింది. మహిళా ఒన్నోవేషన్లో గుజరాత్ ఐ-హబ్కి తెలంగాణకు చెందిన వీ-హబ్ సహకారం అందించనుంది. ఆమేరకు ఇవాళ ఐ-హబ్, వి-హబ్ మధ్య అవగాహన ఒప్పందం కుదిరింది. ఈ కార్యక్రమంలో తెలంగాణ రాష్ట్ర ఐటీ పరిశ్రమల శాఖ మంత్రి కేటీఆర్, గుజరాత్ మంత్రులు భూపేంద్రసింగ్ చుదాసమా, విభవారి బెన్ దేవ్ సమక్షంలో ఈ ఒప్పందం జరిగింది. ఈ ఒప్పందంలో భాగంగా ఇరు రాష్ట్రాల్లోని 240 మంది ఔత్సాహిక మహిళా స్టార్ట్ అప్లను గుర్తించి వారికి చేయూత అందిస్తారు.
ఒప్పంద కార్యక్రమం సందర్భంగా మంత్రి కేటీఆర్ ప్రసంగించారు. వీ-హబ్ ద్వారా ఇప్పటికే విమెన్ ఇన్నోవేషన్కి దేశ వ్యాప్తంగా గుర్తింపు లభించిందన్నారు. ఇలాంటి భాగస్వామ్యం ద్వారా దేశంలో మహిళా ఇన్నోవేషన్ మరింత బలోపేతం అవుతుందని అభిప్రాయపడ్డారు. ఇన్నోవేషన్ రంగంలో దేశానికి తెలంగాణ దిక్సూచిగా, ఒక ఆదర్శంగా నిలిచిందని మంత్రి కేటీఆర్ పేర్కొన్నారు. కాగా, ఈ ఒప్పందం సందర్భంగా వీ-హబ్కి గుజరాత్ రాష్ట్ర విద్యాశాఖ, శిశు సంక్షేమ శాఖ మంత్రులు అభినందనలు తెలిపారు. ఈ కార్యక్రమంలో తెలంగాణ ఇండ్రస్టీస్ అండ్ కామర్స్ ప్రిన్సిపల్ సెక్రటరీ జయేష్ రంజన్, గుజరాత్ ప్రభుత్వ ఉన్నత సాంకేతిక విద్యాశాఖ ప్రిన్సిపల్ సెక్రటరీ అంజుశర్మ పాల్గొన్నారు.
Also read:
