Hyderabad: ఫార్ములా ఈ రేస్కు వేదికవుతోన్న భాగ్యనగరం.. నవంబర్ చివరికల్లా ట్రాక్ పూర్తి.. వచ్చే ఏడాది..
అంతర్జాతీయ ఐటీ కంపెనీలు, ఫార్మా కంపెనీలకు కేంద్రంగా మారిన హైదరాబాద్ మహానగరం మరో ప్రతిష్టాత్మక కార్యక్రమానికి వేదిక అవుతోంది. హైదరాబాద్లో ఫార్ములా ఈ రేస్ నిర్వహణకు ఏర్పాట్లు చకచకా సాగుతున్నాయి. ఇప్పటికే అధికారులు హుస్సేన్ సాగర్ వద్ద ట్రాక్ను..
Updated on: Nov 03, 2022 | 6:55 AM
అంతర్జాతీయ ఐటీ కంపెనీలు, ఫార్మా కంపెనీలకు కేంద్రంగా మారిన హైదరాబాద్ మహానగరం మరో ప్రతిష్టాత్మక కార్యక్రమానికి వేదిక అవుతోంది. హైదరాబాద్లో ఫార్ములా ఈ రేస్ నిర్వహణకు ఏర్పాట్లు చకచకా సాగుతున్నాయి. ఇప్పటికే అధికారులు హుస్సేన్ సాగర్ వద్ద ట్రాక్ను పరిశీలించారు. వచ్చేఏడాది ఫిబ్రవరిలో జరిగే ఫార్ములా ఈరేస్ పోటీల్లో ప్రపంచ ఆటోమొబైల్ సంస్థలు పాల్గొననున్నాయి.
ఫార్ములా ఈరేస్ కోసం జరుగుతున్న పనులను స్పెషల్ చీఫ్ సెక్రటరీ అరవింద్ కుమార్ బృందం పరిశీలించింది. హుస్సేన్ సాగర్ దగ్గర వేగవంతంగా జరుగుతున్న ఈరేస్ ట్రాక్ ఈనెల చివరకు పూర్తి అవుతుందని అరవింద్ కుమార్ చెప్పారు. హైదరాబాద్ని గ్లోబల్ సిటీగా ప్రమోట్ చేసేందుకే ఫార్ములా ఈ-రేసును నగరంలో ఏర్పాటు చేస్తున్నట్లు ప్రత్యేక అధికారులు తెలిపారు. ఫార్ములా ఈ రేస్ డెమో కారును కారును ట్యాంక్ బండ్ పై గతనెలలో లాంచ్ చేసిన విషయం తెలిసిందే. వచ్చే ఏడాది ఫిబ్రవరి 11న జరిగే ఫార్ములా ఈ రేస్ కు HMDA ఏర్పాట్లు చేస్తోంది.
నెక్లెస్రోడ్డులోని 2.7 కి.మీ మార్గంలో ట్రాక్ ఏర్పాటు చేస్తున్నారు. తెలుగుతల్లి చౌరస్తా నుంచి ఎన్టీఆర్ గార్డెన్లోకి వెళ్లేవిధంగా ట్రాక్ను రూపొందిస్తున్నారు. ఎన్టీఆర్ గార్డెన్ నుంచి ఇందిరాగాంధీ విగ్రహం మీదుగా ఈ ట్రాక్ను ఏర్పాటు చేస్తున్నారు. మొత్తం 17 మలుపులు వచ్చేవిధంగా ట్రాక్ ప్లాన్ రూపొందింస్తున్నారు. ఈరేస్ లో ప్రపంచంలోని పలు ఆటోమొబైల్ సంస్థలు పాల్గొననున్నాయి. 180 కి.మీ సామర్థ్యంతో పోటీలు నిర్వహించనున్నారు.
మరిన్ని హైదరాబాద్ వార్తల కోసం క్లిక్ చేయండి..
