T20 World Cup 2026 Schedule: టీ20 ప్రపంచకప్ షెడ్యూల్ వచ్చేసిందిగా.. భారత్, పాక్ మ్యాచ్ ఎప్పుడంటే?

T20 World Cup 2026 Schedule: టీ20 ప్రపంచ కప్‌ 2026కు భారతదేశంతోపాటు శ్రీలంక ఆతిథ్యం ఇవ్వనున్నాయి. ఈ టోర్నమెంట్‌లో మొత్తం 20 జట్లు పాల్గొంటాయి. చివరి టీ20 ప్రపంచ కప్‌ను అమెరికా, వెస్టిండీస్ నిర్వహించిన సంగతి తెలిసిందే. ఇక్కడ రోహిత్ శర్మ నాయకత్వంలో భారత జట్టు టైటిల్‌ను గెలుచుకుంది. ఈసారి, సూర్యకుమార్ యాదవ్ నాయకత్వంలో టీం ఇండియా తమ టైటిల్‌ను కాపాడుకునేందుకు బరిలోకి దిగనుంది. ఈ టోర్నమెంట్ లో అందరి చూపు భారత్, పాకిస్థాన్‌ మ్యాచ్ పైనే ఉన్నాయి. ఈ టోర్నమెంట్ షెడ్యూల్‌ను అంతర్జాతీయ క్రికెట్ కౌన్సిల్ నేడు విడుదల చేసింది.

2026 టీ20 ప్రపంచ కప్ షెడ్యూల్ ఇదే..

ఇండియా vs. USA, ఫిబ్రవరి 7, ముంబై

ఇండియా vs నమీబియా, ఫిబ్రవరి 12, ఢిల్లీ

ఫిబ్రవరి 15, కొలంబో, భారత్ vs. పాకిస్తాన్

ఫిబ్రవరి 18, అహ్మదాబాద్, ఇండియా vs నెదర్లాండ్స్.

ఈ టోర్నమెంట్ లో 20 జట్ల మధ్య పోరు..

2026 టీ20 ప్రపంచ కప్ ఫిబ్రవరి 7న ప్రారంభమై మార్చి 8 వరకు జరగనుంది. ఈ కాలంలో పాకిస్తాన్ తన అన్ని మ్యాచ్‌లను శ్రీలంకలోనే ఆడనుంది. ఆతిథ్య భారత్, శ్రీలంకతో పాటు, టోర్నమెంట్‌లో పాల్గొనే 18 జట్లు ఆఫ్ఘనిస్తాన్ , ఆస్ట్రేలియా, బంగ్లాదేశ్, ఇంగ్లాండ్, దక్షిణాఫ్రికా, యునైటెడ్ స్టేట్స్, వెస్టిండీస్, న్యూజిలాండ్, పాకిస్తాన్, ఐర్లాండ్, కెనడా, ఇటలీ, నెదర్లాండ్స్, నమీబియా, జింబాబ్వే, నేపాల్, ఓమన్, యూఏఈ జట్లు ఉన్నాయి.

2026 T20 ప్రపంచ కప్‌లో ఇరవై జట్లు పాల్గొంటాయి. ఐదు జట్లు ఉన్న నాలుగు గ్రూపులు లీగ్ మ్యాచ్‌లు ఆడతాయి.

గ్రూప్ వన్‌: భారతదేశం, నమీబియా, నెదర్లాండ్స్, పాకిస్తాన్, యునైటెడ్ స్టేట్స్.

గ్రూప్ టూ: బంగ్లాదేశ్, ఇటలీ, ఇంగ్లాండ్, నేపాల్, వెస్టిండీస్.

గ్రూప్ త్రీ: ఆస్ట్రేలియా, ఐర్లాండ్, ఒమన్, శ్రీలంక, జింబాబ్వే.

గ్రూప్ నాలుగు: ఆఫ్ఘనిస్తాన్, కెనడా, న్యూజిలాండ్, దక్షిణాఫ్రికా, యూఏఈ.

టీం ఇండియా మ్యాచ్ షెడ్యూల్..

ఫిబ్రవరి 7న ముంబైలో USAతో టీ20 ప్రపంచ కప్ ప్రారంభ రోజున భారత్ తన మొదటి గ్రూప్ మ్యాచ్ ఆడుతుంది. ఆ తర్వాత ఫిబ్రవరి 12న ఢిల్లీలో నమీబియాతో తలపడుతుంది. పాకిస్థాన్‌తో తలపడిన తర్వాత, ఫిబ్రవరి 18న అహ్మదాబాద్‌లో నెదర్లాండ్స్‌తో చివరి గ్రూప్ మ్యాచ్ ఆడనుంది. గ్రూప్ దశ తర్వాత, ఎనిమిది జట్లు రెండవ రౌండ్‌కు అర్హత సాధిస్తాయి. ఒక్కొక్కటి నాలుగు గ్రూపులుగా విభజించారు. ప్రతి గ్రూప్ నుంచి రెండు జట్లు సెమీ-ఫైనల్‌కు అర్హత సాధిస్తాయి. ఆ తరువాత ఫైనల్‌కు అర్హత సాధిస్తాయి.