Viral Video: మ్యాచ్ మధ్యలో పిచ్ మీదకు వచ్చిన అభిమాని.. మర్చిపోలేని గిఫ్ట్ ఇచ్చి పంపిన స్టార్ క్రికెటర్.. ఫిదా అవుతోన్న క్రికెట్ ఫ్యాన్స్..
Pak vs WI: క్రికెట్లో అప్పుడప్పుడు కొందరు అభిమానులు మైదానంలోకి పరుగెత్తుకొస్తుంటారు. తమ అభిమాన క్రికెటర్లను కలుసుకోవాలని, వారికి షేక్ హ్యాండ్ ఇవ్వాలని ఆరాటపడిపోతుంటారు. అందుకు తగ్గట్లే క్రికెటర్లు కూడా తమ ఫ్యాన్స్ను ఏ మాత్రం నిరాశపర్చకుండా ..
Updated on: Jun 11, 2022 | 6:19 PM
Pak vs WI: క్రికెట్లో అప్పుడప్పుడు కొందరు అభిమానులు మైదానంలోకి పరుగెత్తుకొస్తుంటారు. తమ అభిమాన క్రికెటర్లను కలుసుకోవాలని, వారికి షేక్ హ్యాండ్ ఇవ్వాలని ఆరాటపడిపోతుంటారు. అందుకు తగ్గట్లే క్రికెటర్లు కూడా తమ ఫ్యాన్స్ను ఏ మాత్రం నిరాశపర్చకుండా వారితో చేయి కలపడాలు, హత్తుకోవడాలు వంటివి చేస్తుంటారు. తాజాగా ఓ పాక్ అభిమాని కూడా అలాగే చేశాడు. సెక్యూరిటీ కళ్లు గప్పి మ్యాచ్ జరుగుతుండగానే మైదానంలోకి దూసుకొచ్చేశాడు. తన ఆరాధ్య క్రికెటర్ వద్దకు వెళ్లి సెల్యూట్ చేశాడు. దీనికి ఆ క్రికెటర్ మొదట షాకైనా అభిమానికి జీవితంలో మర్చిపోలేని బహుమతి ఇచ్చాడు. దీనికి సంబంధించిన వీడియో నెట్టింట్లో వైరల్గా మారింది. అందరూ ఆ క్రికెటర్పై ప్రశంసల వర్షం కురిపిస్తున్నారు. దీనికి సంబంధించి పూర్తి వివరాలేవో తెలుసుకుందాం రండి.
బయోబబుల్ లో ఉన్నా..
కాగా వెస్టిండీస్ జట్టు ప్రస్తుతం పాక్లో పర్యటిస్తోంది. ఈ క్రమంలో శుక్రవారం ముల్తాన్ వేదికగా పాక్, వెస్టిండీస్ జట్ల మధ్య రెండో వన్డేలో 120 పరుగుల తేడాతో విజయం సాధించింది పాక్ జట్టు. కాగా ఈ మ్యాచ్లో పాక్ ఆల్రౌండర్, వైస్ కెప్టెన్ షాదాబ్ ఖాన్ 9 పరుగుల వద్ద బ్యాటింగ్ చేస్తుండగా.. ఓ వ్యక్తి హఠాత్తుగా మైదానంలోకి పరుగెత్తుకొచ్చాడు. క్రీజులో ఉన్న షాదాబ్ వద్దకెళ్లి సెల్యూట్ చేశాడు. దీంతో ఆ పాక్ క్రికెటర్ మొదట షాకైనా ఆ తర్వాత అంతే ఆప్యాయంగా అ అభిమానిని హత్తకున్నాడు. దీనికి ఉప్పొంగిపోయిన ఆ అభిమాని రెండు చేతులు ఊపుకుంటూ గంతులేస్తూ మైదానం నుంచి బయటకు వచ్చాడు. ఈ సంఘటనను చూసి స్టేడియంలోని ప్రేక్షకులందరూ షాదాబ్ ఖాన్కు మెచ్చుకుంటూ హర్షధ్వానాలు పలికారు. కొవిడ్ పరిస్థితుల కారణంగా బయోబబుల్ పరిస్థితులు ఉన్నా షాదాబ్ స్పందించిన తీరుకు అందరూ ఫిదా అవుతున్నారు. దీనికి సంబంధించిన వీడియో ప్రస్తుతం నెట్టింట్లో వైరలవుతోంది.
Beautiful Fan moment – A fan ran towards Shadab Khan and hugged him…??? #PAKvWI pic.twitter.com/cvshT39y19
— Girl with no job ? (@girlwithnojob88) June 10, 2022
మరిన్ని క్రీడా వార్త ల కోసం క్లిక్ చేయండి..
Also Read:
Major Movie: మేజర్ సినిమాపై బిగ్ బి ట్వీట్.. మహేశ్, శేష్ల రియాక్షన్ ఏంటంటే..
