RR vs RCB Preview: వరుస విజయాలు ఓవైపు.. ఘోర పరాజయాలు మరోవైపు.. కీలక పోరుకు సిద్ధమైన ఇరుజట్లు..

Rajasthan Royals vs Royal Challengers Bengaluru, Eliminator Preview: ఐపీఎల్ 2024 ఎలిమినేటర్ మ్యాచ్ రాజస్థాన్ రాయల్స్ వర్సెస్ రాయల్ ఛాలెంజర్స్ బెంగళూరు మధ్య బుధవారం, మే 22న జరగనుంది. ఈ మ్యాచ్‌లో గెలిచిన జట్టు క్వాలిఫయర్ 2లోకి ప్రవేశిస్తుంది. అక్కడ క్వాలిఫయర్ 1లో ఓడిపోయిన సన్ రైజర్స్ హైదరాబాద్‌తో తలపడుతుంది. రెండు జట్ల గత ప్రదర్శనలో చాలా తేడా ఉంది. ఒకవైపు రాజస్థాన్ రాయల్స్ ఈ సీజన్‌ను అద్భుతంగా ప్రారంభించింది. మొదటి 9 మ్యాచ్‌లలో 1 మాత్రమే ఓడిపోయింది. అయితే ఆ తర్వాత రాయల్స్ తదుపరి 4 మ్యాచ్‌లలో ఓడిపోగా, 1 మ్యాచ్ వర్షం కారణంగా రద్దు అయింది. మరోవైపు తొలి 8 మ్యాచ్‌ల్లో 1 గెలిచిన ఆర్సీబీ.. వరుసగా 6 మ్యాచ్‌ల్లో విజయం సాధించి ప్లేఆఫ్‌కు చేరుకుంది.

ఐపీఎల్ ప్లేఆఫ్స్‌లో రాజస్థాన్ వర్సెస్ బెంగళూరు మధ్య మూడోసారి ఘర్షణ జరుగుతుంది. ఇంతకుముందు ఐపీఎల్ 2015, 2022లో, రెండు జట్లు వరుసగా ఎలిమినేటర్, క్వాలిఫయర్ 2లో తలపడ్డాయి. 2015లో, RCB జట్టు RRని ఓడించింది. రెండేళ్ల క్రితం రాజస్థాన్ స్కోరును ఛేదించి బెంగళూరును ఫైనల్స్‌కు వెళ్లకుండా ఆపింది.

ఐపీఎల్ చరిత్రలో ఇప్పటి వరకు ఇరు జట్ల మధ్య 31 మ్యాచ్‌లు జరగ్గా, ఇందులో RCB 15, రాజస్థాన్ 13 విజయాలు సాధించగా, 2 మ్యాచ్‌లు ఫలితం లేకుండా పోయాయి. ఈ సీజన్‌లో రెండు జట్ల మధ్య జరిగిన ఒకే ఒక్క మ్యాచ్‌లో రాజస్థాన్ జట్టు విజయం సాధించింది.

ఇవి కూడా చదవండి

భారత వన్డే ప్రపంచకప్ జట్టు నుంచి ముగ్గురు ఔట్..!

Asia Cup 2023: రద్దైన మ్యాచ్.. ఇరుజట్లకు ఒక్కో పాయింట్..

IND vs PAK: ఎంఎస్ ధోని సరసన చేరిన ఇషాన్ కిషన్..

భారత బ్యాటర్లకు చుక్కలు చూపించిన లెఫ్ట్ ఆర్మ్ పేసర్లు వీరే..

ఇరుజట్ల ప్రాబబుల్ ప్లేయింగ్ 11 ఇదే..

రాజస్థాన్ రాయల్స్: సంజూ శాంసన్ (కెప్టెన్ మరియు వికెట్ కీపర్), టామ్ కోహ్లర్-కాడ్మోర్, యశస్వి జైస్వాల్, రియాన్ పరాగ్, ధ్రువ్ జురెల్, రోవ్‌మన్ పావెల్, రవిచంద్రన్ అశ్విన్, యుజ్వేంద్ర చాహల్, నాంద్రే బెర్గర్, అవేష్ ఖాన్, ట్రెంట్ బౌల్ట్.

రాయల్ ఛాలెంజర్స్ బెంగళూరు: ఫాఫ్ డు ప్లెసిస్ (కెప్టెన్), విరాట్ కోహ్లి, రజత్ పాటిదార్, గ్లెన్ మాక్స్‌వెల్, కామెరాన్ గ్రీన్, దినేష్ కార్తీక్ (వికెట్ కీపర్), మహిపాల్ లోమ్రోర్, లాకీ ఫెర్గూసన్, కర్ణ్ శర్మ, మహ్మద్ సిరాజ్, యశ్ దయాల్.

పిచ్, వాతావరణం..

ప్రపంచంలోనే అతి పెద్ద క్రికెట్ స్టేడియం పిచ్‌పై బౌలింగ్, బ్యాటింగ్‌తో సమానమైన ఆట కనిపిస్తుంది. ఈ మైదానంలో సగటు స్కోరు 170-172లుగా నిలిచింది. వాతావరణం గురించి చెప్పాలంటే, మ్యాచ్ సమయంలో ఉష్ణోగ్రత 36 నుంచి 39 డిగ్రీల మధ్య ఉంటుంది. వర్షాలు పడే అవకాశం లేదు.

మ్యాచ్ ప్రత్యక్ష ప్రసారం..

మ్యాచ్ టాస్ భారత కాలమానం ప్రకారం రాత్రి 7:00 గంటలకు జరుగుతుంది. రాత్రి 7:30 గంటలకు మ్యాచ్ ప్రారంభం కానుంది. దీన్ని స్టార్ స్పోర్ట్స్ నెట్‌వర్క్‌లో ప్రత్యక్షంగా వీక్షించవచ్చు. అలాగే, జియో సినిమా యాప్, వెబ్‌సైట్‌లో ప్రత్యక్షంగా వీక్షించవచ్చు.

IPL 2024 ఎలిమినేటర్ మ్యాచ్ కోసం రెండు జట్ల స్క్వాడ్‌లు..

రాజస్థాన్ రాయల్స్: సంజూ శాంసన్ (కెప్టెన్), యశస్వి జైస్వాల్, షిమ్రాన్ హెట్మెయర్, ధ్రువ్ జురెల్, ర్యాన్ పరాగ్, సందీప్ శర్మ, ట్రెంట్ బౌల్ట్, నవదీప్ సైనీ, కుల్దీప్ సేన్, ఆర్ అశ్విన్, యుజ్వేంద్ర చాహల్, డోనవన్ ఫెరీరా, కృనాల్ రాథోడ్, అవేష్ ఖాన్, రోవ్‌మన్ పావెల్, , శుభమ్ దూబే, నాంద్రే బెర్గర్, టామ్ కోహ్లర్-కాడ్మోర్, అబిద్ ముస్తాక్, తనుష్ కోటియన్, కేశవ్ మహారాజ్.

రాయల్ ఛాలెంజర్స్ బెంగళూరు: ఫాఫ్ డు ప్లెసిస్ (కెప్టెన్), గ్లెన్ మాక్స్‌వెల్, విరాట్ కోహ్లీ, కెమరూన్ గ్రీన్, రజత్ పటీదార్, అనుజ్ రావత్, దినేష్ కార్తీక్, సుయాష్ ప్రభుదేశాయ్, విల్ జాక్వెస్, మహిపాల్ లోమ్రోర్, కర్ణ్ శర్మ, మనోజ్ భాండాగే, మయాంక్ దాగర్, వి విజయకుమార్, ఆకాష్ దీప్, మహ్మద్ సిరాజ్, రీస్ టాప్లీ, హిమాన్షు శర్మ, రాజన్ కుమార్, అల్జారీ జోసెఫ్, యష్ దయాల్, లాకీ ఫెర్గూసన్, టామ్ కర్రాన్, స్వప్నిల్ సింగ్, సౌరవ్ చౌహాన్.

మరిన్ని క్రీడా వార్తల కోసం ఇక్కడ క్లిక్ చేయండి..