IND vs PAK T20 WC Highlights: నరాలు తెగే ఉత్కంఠ మ్యాచ్‌లో టీమిండియాదే విజయం..

ఉత్కంఠ పోరులో టీమిండియాదే విజయం..

చివరి ఓవర్‌ వరకు సాగిన భారత్, పాక్ పోరులో చివరకు రోహిత్ సేనదే విజయం. దీంతో ఆడిన 2 మ్యాచ్‌ల్లో 2 గెలిచి టేబుట్ టాపర్‌గా నిలిచింది. మొత్తంగా ఐసీసీ ప్రపంచకప్‌ రికార్డులో టీమిండియా 16 మ్యాచ్‌లు ఆడితే 15 మ్యాచ్‌ల్లో పాక్‌పై విజయా సాధించి, తన రికార్డును మరింత మెరుగుపరుచుకుంది.

పాక్ విజయానికి 18 పరుగులు

పాక్ విజయానికి చివరి ఓవర్లో 18 పరుగులు కావాల్సి ఉంది. 19వ ఓవర్ వేసిన బుమ్రా 3 పరుగులే ఇచ్చి 1 వికెట్ పడగొట్టాడు.

5 వికెట్లు కోల్పోయిన పాక్..

పాకిస్తాన్ ఛేజింగ్‌లో ఇబ్బందులు పడుతోంది. ప్రస్తుతం 16.3 ఓవర్లలో 5 వికెట్లు కోల్పోయి 88 పరుగులు చేసింది. పాక్ విజయానికి మరో 32 పరుగులు కావాల్సి ఉంది.

రెండో వికెట్ డౌన్..

పాకిస్తాన్ 10.1 ఓవర్లో 2వ వికెట్ కోల్పోయింది. ప్రస్తుతం 2 వికెట్లు కోల్పోయి 57 పరుగులు చేసింది.

ముగిసిన పవర్ ప్లే..

పవర్ ప్లే ముగిసే సరికి పాకిస్తాన్ 1 వికెట్ కోల్పోయి 35 పరుగులు చేసింది. రిజ్వాన్ 17, ఉస్మాన్ 1 పరుగులతో క్రీజులో ఉన్నారు.

బాబర్ ఔట్.. షాకిచ్చిన బుమ్రా

బుమ్రా బౌలింగ్‌లో దూకుడు మీదున్న బాబర్ (13)ను పెవిలియన్  చేర్చాడు. దీంతో పాక్ 4.4 ఓవర్లలో 26 పరుగులకు తొలి వికెట్ కోల్పోయింది.

పాక్ టార్గెట్ 120

టీమిండియా బ్యాటర్లలో పంత్ (42) మినహా ఎవ్వరూ రాణించలేకపోవడంతో.. 119 పరుగులకే ఆలౌట్ అయింది. దీంతో పాకిస్తాన్ ముందు 120 పరుగుల టార్గెట్ నిలిచింది.

15 ఓవర్లకు

15 ఓవర్లు ముగిసే సరికి టీమిండియా 7 వికెట్లు కోల్పోయి 97 పరుగులు చేసింది. అమీర్ తన 3వ ఓవర్‌లో రెండు వరుస బంతుల్లో 2 వికెట్లు తీసి దెబ్బ కొట్టాడు.

పంత్ ఔట్..

పీకల్లోతు కష్టాల్లో కూరుకపోయిన భారత్‌కు మరో దెబ్బ తగిలింది. పంత్ (42) పెవిలియన్ చేరాడు.

ధోని శిష్యుడి పేలవ ఫాం..

పేలవ ఫాంతో దూబే(3) మరోసారి తీవ్రంగా నిరాశపరిచాడు. 5వ వికెట్‌గా వెనుదిరిగాడు.

డేంజరస్ సూర్య ఔట్..

పేలవ ఫాంతో ఇబ్బంది పడుతున్న సూర్య (7) మరోసారి నిరాశ పరిచాడు. దీంతో భారత్ 89 పరుగుల వద్దు 4 వ వికెట్ కోల్పోయింది.

10 ఓవర్లకు స్కోర్..

10 ఓవర్లు ముగిసే సరికి టీమిండియా 81 పరుగులు చేసింది. పంత్ 34, సూర్య 5 పరుగులతో క్రీజులో ఉన్నారు.

3వ వికెట్ కోల్పోయిన భారత్..

టాస్ ఓడిన భారత జట్టు వరుసగా వికెట్లు కోల్పోతూ కష్టాల్లో కూరుకపోతోంది. రెండు వికెట్లు కోల్పోయిన తర్వాత పంత్, అక్షర్ పటేల్ ఇన్నింగ్స్‌ను పునర్మించే క్రమంలో బాగానే ఆడారు. అయితే, 29 పరుగుల భాగస్వామ్యం తర్వాత అక్షర్ పటేల్ (20) బౌల్డ్ అయ్యాడు.

5 ఓవర్లకు భారత్ స్కోర్..

5 ఓవర్లు ముగిసే సరికి టీమిండియా 2 వికెట్లు కోల్పోయి 38 పరుగులు చేసింది. క్రీజులో పంత్, అక్షర్ పటేల్ ఉన్నారు.

రెండో వికెట్ కోల్పోయిన భారత్..

టీమిండియా 2వ వికెట్ కోల్పోయింది. రోహిత్ శర్మ (13) పరుగులు చేసిన తర్వాత షాహీన్ బౌలింగ్‌లో భారీ షాట్ కోసం ట్రై చేసి పెవిలియన్ చేరాడు. దీంతో ప్రస్తుతం టీమిండియా కష్టాల్లో కూరుకపోయింది.

కోహ్లీ ఔట్..

వర్షం ఆగిన తర్వాత మ్యాచ్ మొదలైంది. ఈ క్రమంలో కోహ్లీ ఓ బౌండరీ కొట్టి దూకుడు మీదున్నట్లు అనిపించింది. కానీ, ఆ తర్వాత బంతికే పెవిలియన్ చేరాడు.

వర్షంతో ఆగిన మ్యాచ్..

ఒక్క ఓవర్ ముగిసిన తర్వాత వర్షం రావడంతో మ్యాచ్ మ్యాచ్ ఆగిపోయింది.

షాషీన్ బౌలింగ్‌లో సిక్సర్

తొలి ఓవర్ వేసిన షాహీన్ షాను రోహిత్ శర్మ చిత్తుగా బాదేశాడు. తొలి ఓవర్ ముగిసే సరికి భారత్ 8 పరుగులు చేసింది.

మొదలైన మ్యాచ్..

ఎట్టకేలకు గ్రేట్ మ్యాచ్‌కు రంగం సిద్ధమైంది. ఓపెనర్లుగా విరాట్ కోహ్లీ, రోహిత్ శర్మ బరిలోకి దిగారు.

ఒకే ఫ్రేములో ముగ్గురు దిగ్గజాలు..

టీ20 ప్రపంచకప్‌లో భాగంగా నేడు పాక్‌తో టీమిండియా తలపడుతోంది. ఈ మ్యాచ్ చూసేందుకు టీమిండియా దిగ్గజాలు సచిన్, యువరాజ్ స్టేడియానికి చేరుకున్నారు. ఈ క్రమంలో ద్రవిడ్‌తో సంభాషించారు. టీమిండియా ఆటగాళ్లతోనూ మాట్లాడారు.

బ్యాడ్ వెదర్.. మ్యాచ్ ఆలస్యం..

టాస్ పడినా.. బ్యాడ్ వెదర్‌తో మ్యాచ్ ఆలస్యం కానుంది. 8.50 గంటలకు మ్యాచ్ ప్రారంభం అవుతుందని అంపైర్లు ప్రకటించారు.

ఛేజింగ్ జట్టుకే గెలిచే ఛాన్స్..

టాస్‌కు ముందు న్యూయార్క్‌లో వర్షం కురిసింది. ఈ మైదానంలో ఇప్పటివరకు 4 మ్యాచ్‌లు జరగగా, ఛేజింగ్‌ జట్టు 3 మ్యాచ్‌ల్లో విజయం సాధించింది. దీంతో అభిమానులకు కొత్త టెన్షన్ మొదలైంది.

ఇరు జట్లు..

భారత్ (ప్లేయింగ్ XI): రోహిత్ శర్మ(కెప్టెన్), విరాట్ కోహ్లీ, రిషబ్ పంత్(కీపర్), సూర్యకుమార్ యాదవ్, శివమ్ దూబే, హార్దిక్ పాండ్యా, రవీంద్ర జడేజా, అక్షర్ పటేల్, జస్ప్రీత్ బుమ్రా, మహ్మద్ సిరాజ్, అర్ష్‌దీప్ సింగ్.

పాకిస్థాన్ (ప్లేయింగ్ XI): మహ్మద్ రిజ్వాన్(కీపర్), బాబర్ ఆజం(కెప్టెన్), ఉస్మాన్ ఖాన్, ఫఖర్ జమాన్, షాదాబ్ ఖాన్, ఇఫ్తికర్ అహ్మద్, ఇమాద్ వసీం, షాహీన్ అఫ్రిది, హరీస్ రవూఫ్, నసీమ్ షా, మహ్మద్ అమీర్.

IND vs PAK: టాస్ గెలిచిన పాక్..

పాక్ కెప్టెన్ బాబర్ టాస్ గెలిచి, బౌలింగ్ ఎంచుకున్నాడు. దీంతో టీమిండియా తొలుత బ్యాటింగ్ చేయనుంది.

న్యూయార్క్‌లో వర్షం.. టాస్ ఆలస్యం..

కీలక మ్యాచ్ ప్రారంభానికి ముందే వర్షం అడ్డుగా నిలిచింది. దీంతో టాస్ ఆలస్యం కానుంది.

Der se suru hoga IND vs PAK match.#INDvsPAK #T20WorldCup pic.twitter.com/UJgnou05QV

— Avinash Kr Atish (@Avinashkmratish) June 9, 2024

పిచ్‌ను కవర్లతో కప్పేసిన సిబ్బంది..

ప్రస్తుతం పిచ్‌పై కవర్లు వేసి రోలింగ్ చేస్తున్నారు. భారత్, పాకిస్థాన్ జట్లు నసావు అంతర్జాతీయ క్రికెట్ స్టేడియం చేరుకున్నాయి.

India batting 1st on this pitch will be absolute cinema 🎥 #INDvsPAK #PAKvsIND pic.twitter.com/JRozEMvRj9

— D. (@frustatedDil) June 9, 2024

IND vs PAK Weather: మొదలైన చినుకులు..

టీ20 ప్రపంచకప్‌లో భారత్‌-పాకిస్థాన్‌ మధ్య మ్యాచ్‌ మరికాసేపట్లో ప్రారంభం కానుంది. అయితే న్యూయార్క్‌లోని నాసావులో చినుకులు కురుస్తున్నాయని, ఉరుములు, మెరుపులతో కూడిన భారీ వర్షాలు కురిసే అవకాశం ఉందని అక్యూవెదర్‌ పేర్కొంది.

IND vs PAK Live: మరికొద్దిసేపట్లో భారత్, పాక్ మ్యాచ్

మరికొద్దిసేపట్లో భారత్, పాకిస్థాన్ మధ్య రణరంగం ప్రారంభం కానుంది.