Video: పంత్ ను ఓ ఆటాడుకున్న కోహ్లీ! నీకో దండం నన్ను వదిలేయ్ అంటున్న స్పైడీ రియాక్షన్ వైరల్

2025 ఐసీసీ ఛాంపియన్స్ ట్రోఫీ ఫైనల్‌లో న్యూజిలాండ్‌ను ఓడించి, భారత క్రికెట్ జట్టు వరుసగా రెండో ICC టైటిల్‌ను సొంతం చేసుకుంది. ఆదివారం రాత్రి దుబాయ్‌లో జరిగిన ఈ ఘన విజయం భారత క్రికెట్ చరిత్రలో చిరస్థాయిగా నిలిచిపోనుంది. ఫైనల్ మ్యాచ్‌లో విరాట్ కోహ్లీ పెద్దగా రాణించకపోయినప్పటికీ, మ్యాచ్ అనంతరం జరిగిన ట్రోఫీ వేడుకల్లో మాత్రం ప్రధాన ఆకర్షణగా నిలిచాడు. ట్రోఫీ ప్రదానోత్సవం సందర్భంగా జట్టు సభ్యులంతా సంబరాల్లో మునిగితేలిన వేళ, కోహ్లీ షాంపైన్ బాటిల్ తీసుకుని యువ వికెట్ కీపర్ రిషబ్ పంత్‌పై స్ప్రే చేశాడు. అనుకోకుండా దొరికిపోయిన పంత్ ఆశ్చర్యానికి గురవుతుండగా, కోహ్లీ అతన్ని సరదాగా ఎగతాళి చేయడం స్టేడియంలో ఉన్నవారిని నవ్వులు పూయించింది. హర్షిత్ రాణా కూడా ఈ సరదా సమయంలో కోహ్లీకి తోడు వచ్చి మరింత మజాను తెచ్చాడు. ఈ వీడియో సామాజిక మాధ్యమాల్లో వైరల్‌గా మారింది.

దుబాయ్ వేదికగా జరిగిన ఫైనల్‌లో భారత జట్టు రోహిత్ శర్మ సారథ్యంలో న్యూజిలాండ్‌ను నాలుగు వికెట్ల తేడాతో ఓడించింది. 252 పరుగుల లక్ష్యాన్ని ఛేదించడంలో రోహిత్ శర్మ (76), శ్రేయస్ అయ్యర్ (48), కెఎల్ రాహుల్ (34 నాటౌట్) ముఖ్యపాత్ర పోషించారు. అక్షర్ పటేల్ (29) మరియు హార్దిక్ పాండ్యా (18) కూడా విలువైన పరుగులు చేశారు.

ఈ విజయంతో భారత జట్టు ఐసీసీ ఛాంపియన్స్ ట్రోఫీ చరిత్రలో అత్యధిక టైటిళ్లను గెలిచిన జట్టుగా నిలిచింది. 2025 కిరీటంతో పాటు, 2013, 2002 ఎడిషన్లలో కూడా భారత్ ఛాంపియన్స్ ట్రోఫీని గెలుచుకుంది. గతంలో ఆస్ట్రేలియా 2006, 2009 సంవత్సరాల్లో రెండు సార్లు ఛాంపియన్స్ ట్రోఫీని గెలుచుకుంది. ఇక న్యూజిలాండ్ (2000), దక్షిణాఫ్రికా (1998), వెస్టిండీస్ (2004), పాకిస్తాన్ (2017) ఒక్కోసారి మాత్రమే ఈ ట్రోఫీని గెలుచుకున్నాయి.

ఫిబ్రవరి 20న బంగ్లాదేశ్‌పై ఆరు వికెట్ల తేడాతో గెలవడం ద్వారా భారత్ తన ఛాంపియన్స్ ట్రోఫీ ప్రయాణాన్ని ప్రారంభించింది. ఆ తర్వాత, చిరకాల ప్రత్యర్థి పాకిస్తాన్‌ను కూడా మట్టికరిపించింది. టోర్నమెంట్‌లో అత్యంత ఆసక్తికరమైన పోరుగా భావించబడిన మ్యాచ్‌లో, భారత్ బ్లాక్ క్యాప్స్‌పై 44 పరుగుల తేడాతో గెలిచింది. సెమీ-ఫైనల్‌లో, ఆసీస్‌ను నాలుగు వికెట్ల తేడాతో ఓడించి ఫైనల్‌కు దూసుకెళ్లింది.

ఈ విజయంతో భారత జట్టు మరోసారి ప్రపంచ క్రికెట్‌లో తన ఆధిపత్యాన్ని చాటుకుంది. విరాట్ కోహ్లీ, రోహిత్ శర్మ, కెఎల్ రాహుల్, శ్రేయస్ అయ్యర్, అక్షర్ పటేల్, హార్దిక్ పాండ్యా లాంటి ఆటగాళ్లు కలిసి జట్టును విజయతీరాలకు చేర్చారు. ఈ విజయాన్ని పురస్కరించుకుని దేశవ్యాప్తంగా సంబరాలు అంబరాన్ని తాకాయి. అభిమానులు రోడ్ల మీదకి వచ్చి సంబరాలు చేసుకున్నారు. ఈ ఘనత భారత క్రికెట్ చరిత్రలో మరో మైలురాయిగా నిలిచిపోనుంది.

Bakchodi nhi rukni chahiye kohli saab 😭❤️ pic.twitter.com/6aT8qfNuJN

— Virat Kohli Fan Club (@Trend_VKohli) March 9, 2025

మరిన్ని క్రీడా వార్తల కోసం ఇక్కడ క్లిక్ చేయండి..