Meitei Rituals: 350 ఏళ్ల మైతే ఆచారం ప్రకారం వివాహం చేసుకున్న రణ్దీప్ హుడా లిన్ లైష్రామ్.. ఈ పెళ్లి ప్రత్యేక ఏమిటంటే
రణదీప్ హుడా లిన్ లైష్రామ్ 350 సంవత్సరాల నాటి మైతే సంప్రదాయం ప్రకారం వివాహం చేసుకున్నారు. మైతే ఆచారంలో వధువు కుటుంబానికి చెందిన ముగ్గురు మహిళలు వరుడి కుటుంబానికి అరటి ఆకులతో కప్పబడిన ప్లేట్తో స్వాగతం పలుకుతారు. అందులో తమలపాకులు ఉంచుతారు. ఈ ఆచారంలో వరుడు తెల్లని బట్టలు ధరిస్తాడు. మైతే ఆచారం ప్రకారం దండను ధరించిన తర్వాత వధువు వరుడిని ముకుళిత హస్తాలతో పలకరిస్తుంది.
Updated on: Nov 30, 2023 | 4:34 PM
బాలీవుడ్ నటుడు రణదీప్ హుడా నటి లిన్ లైష్రామ్ను వివాహం చేసుకున్నారు. ఈ పెళ్లికి సంబంధించిన అందమైన ఫోటోలు సోషల్ మీడియాలో వైరల్ అవుతున్నాయి. ఈ వివాహానికి సంబంధించిన ప్రత్యేకత ఏమిటంటే సెలబ్రిటీలిద్దరి ప్రత్యేక వస్త్రధారణ.. వివాహం జరిగిన పద్దతి ఆచారాలు. రణ్దీప్ హుడా మణిపూర్లోని ఇంఫాల్లో ప్రత్యేకమైన మైతే ఆచారం ప్రకారం వివాహం చేసుకున్నారు. ఈ పెళ్ళికి సంబంధించిన ఫోటో బయటకు వచ్చిన తర్వాత అభిమానులు కూడా ఈ వివాహ ఆచారాలను పద్దతులను గురించి తెలుసుకోవాలనుకుంటున్నారు. మైతే ఆచారాల ప్రకారం వివాహం ఎలా జరుగుతుందో మరియు దాని ప్రత్యేకత ఏమిటో మీకు తెలియజేయండి?
మైతే వివాహం అంటే ఏమిటి?
రణదీప్ హుడా లిన్ లైష్రామ్ 350 సంవత్సరాల నాటి మైతే సంప్రదాయం ప్రకారం వివాహం చేసుకున్నారు. మైతే ఆచారంలో వధువు కుటుంబానికి చెందిన ముగ్గురు మహిళలు వరుడి కుటుంబానికి అరటి ఆకులతో కప్పబడిన ప్లేట్తో స్వాగతం పలుకుతారు. అందులో తమలపాకులు ఉంచుతారు. ఈ ఆచారంలో వరుడు తెల్లని బట్టలు ధరిస్తాడు. మైతే ఆచారం ప్రకారం దండను ధరించిన తర్వాత వధువు వరుడిని ముకుళిత హస్తాలతో పలకరిస్తుంది. విశేషమేమిటంటే ఈ కళ్యాణంలో వధూవరులు తులసి మొక్క సాక్షిగా వ్రతం చేస్తారు. అంతేకాకుండా ఈ ప్రత్యేక ఆచారంలో వధువు తండ్రి కూడా వరుడిని పూజిస్తారు. ఆ తర్వాత వధువు కుటుంబం వధూవరులిద్దరికీ బహుమతులు లేదా డబ్బు ఇవ్వడం ద్వారా శుభాకాంక్షలను అందజేస్తారు. అదే విధంగా మిగిలిన కుటుంబ సభ్యులు కూడా వధూవరులను వివిధ మార్గాల్లో గౌరవిస్తారు.
కూర్చునే వరమాల వేడుక
ఈ వివాహం ప్రత్యేకత ఏమిటంటే జయమాల ఆచారంలో జంట నిలబడి ఒకరినొకరు దండలు వేసుకోరు.. వధూ వరులిద్దరూ జయమాల ఆచారాన్ని కూర్చుని నిర్వహిస్తారు. మైతీ సంప్రదాయంలో కూర్చున్నప్పుడు ఒకరినొకరు దండలు వేసుకుంటారు. ఇందుకోసం ప్రత్యేకంగా మల్లెపూల దండను సిద్ధం చేస్తారు.
వెడ్డింగ్ డ్రెస్ కూడా ప్రత్యేకమే
మైతే ఆచారంలో వధూవరులకు ప్రత్యేక వస్త్రధారణ తయారు చేస్తారు. పెళ్లిలో వరుడు తెల్లటి ధోతీ, కుర్తా ధరిస్తారు. వధువు అందమైన తెలుపు బంగారు రంగు దుస్తులు ధరిస్తారు. వధూవరులు పెళ్లి జరిగే సమయంలో ధరించే దుస్తులు వెదురు, మందపాటి బట్టతో తయారు చేస్తారు. ఈ ఆచారంలో వరుడు తెల్లటి తలపాగా ధరిస్తాడు. ఈ తలపాగాపై బంగారు వెడల్పు గోటపట్టి పని చేస్తారు. ఇది గుండ్రని ఆకారంలో రూపొందించబడింది.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..
గమనిక: పైన పేర్కొన్న అంశాలను మత గ్రంథాల ఆధారంగా ప్రజల సాధారణ ఆసక్తులను దృష్టిలో ఉంచుకుని ఇవ్వడం జరిగింది. దీనిని టీవీ9 తెలుగు ధృవీకరించడం లేదు
