గణేశ నవరాత్రుల్లో ఇంట్లో ఎలుక కనిపిస్తే శుభమా..? లేదంటే అరిష్టమా..?

హిందూమతంలో గణేష్ చతుర్థికి చాలా ప్రాముఖ్యత ఉంది. ఈ పండుగ సందర్భంగా గణేశ భక్తులు తమ ఇళ్లలో వినాయక విగ్రహాలను ప్రతిష్టిస్తారు. గణేశుడిని పూజిస్తారు. వినాయకుడికి వివిధ వంటకాలను నైవేద్యంగా పెడతారు. గణేశుడికి ఇష్టమైన చిరుతిళ్లలో మోదక్‌ ఒకటి. పువ్వులలో ఎరుపు పువ్వులు అతనికి ఇష్టమైనవి. గణేశుడికి ఇష్టమైన జంతువు ఎలుక. ఎలుక వినాయక వాహనం కూడా. అయితే, ఎలుకలు సాధారణంగా ఇళ్లలో కనిపిస్తాయనే విషయం తెలిసిందే. ఇంట్లో ఎలుకలు చూడకూడదని ఎవరూ అనుకోరుగానీ, గణేష్ పండుగ సమయంలో ఇంట్లో ఎలుక కనిపిస్తే ఏం చేయాలి? ఈ ప్రశ్న చాలా మందిలో మెదులుతోంది. ఐతే గణేశ పండుగ సందర్భంగా మీ ఇంట్లో ఎలుక కనిపిస్తే ఏమౌతుందో తెలుసుకుందాం.

గణేష్ చతుర్థి నాడు ఇంట్లో ఎలుక కనిపిస్తే చంపేసే బదులు ఇంట్లోంచి తరిమికొట్టేయండి.. వాస్తవానికి, గణేశుడిని జ్ఞానానికి దేవుడుగా భావిస్తారు. అయితే ఇంట్లో ఎలుక ఉండటం కుటుంబ సభ్యుల జ్ఞానం అవినీతికి గురవుతుందని సూచిస్తుంది. నిజానికి, ఎలుక ప్రతికూల సంకేతంగా పరిగణించబడుతుంది. గణేష్ చతుర్థి రోజు ఎలుక కనిపిస్తే అశుభం అంటున్నారు జ్యోతిశాస్త్ర నిపుణులు. కానీ, గణేశ చతుర్థి రోజున ఎలుక ఇంట్లోంచి బయటకు వెళ్లడం చూస్తే అది శుభసూచకంగా భావిస్తారు. ఎందుకంటే ఎలుక కూడా తనతో పాటు ఇంటి దారిద్య్రాన్ని పోగొట్టి ఇంట్లో సుఖ సంతోషాలను మిగిలిస్తుందని చెబుతున్నారు.

ఉదయం కళ్లు తెరిచిన వెంటనే మీకు ఎలుక కనిపిస్తే, ఆ రోజు మీ ముఖ్యమైన పనిలో కొన్ని తప్పులు జరగబోతున్నాయనడానికి సంకేతం. ఆ రోజు మీరు చాలా తెలివితక్కువ నిర్ణయాలు తీసుకుంటారని ఇది మీకు సూచిస్తుంది, అది మీకు హాని కలిగిస్తుంది. ఇకపోతే, తెల్లటి ఎలుకను చూస్తే శుభం. తెల్ల ఎలుక సానుకూలంగా పరిగణించబడుతుంది. ఇంట్లో నెలకొన్న ఇబ్బందులను తొలగిస్తుందని చెబుతున్నారు. ఉదయం ఇంట్లో ఎలుక చనిపోయినట్లు కనిపిస్తే అది కూడా అశుభమే. ఎలుక వినాయకుడి సవారీ. ఇంట్లో ఎలుక చనిపోయి ఉంటే, గణేశుడు మీపై కోపంగా ఉన్నాడని సంకేతం. అలా అయితే, గణపతిని ప్రసన్నం చేసుకోవడానికి మీరు జ్యోతిష్య శాస్త్ర చర్యలు తీసుకోవాలని చెబుతున్నారు.

ఇవి కూడా చదవండి

ఈ తాబేలు భలే తెలివైనది గురూ..!సినిమాలు చూస్తుంది..వత్రం చేస్తుంది

ఇండిగో విమానంలో దిగొచ్చిన వినాయకుడు.. చేతిలో ఇష్టమైన ప్రసాదంతో..

మొక్కజొన్న అంటే ఇష్టంగా తింటున్నారా? అయితే ఈ విషయాలు తెలుసుకోవాలి

మెంతులు చేసే మేలు అంతింత కాదండోయ్.. మ‌ధుమేహ బాధితులకు వరంలాంటిది

ఎలుక మీ పాదాలపై ఎక్కితే అది శుభప్రదంగా పరిగణించబడుతుంది. ఇది వ్యక్తి మేధస్సుకు పదును పెడుతుందని, అతను తీసుకునే ఏ నిర్ణయం చాలా ప్రయోజనకరంగా ఉంటుందని రుజువు చేస్తుంది. ఎలుక పాదాలను కొరికితే అది అశుభ సంకేతం, అది అజ్ఞానాన్ని పెంచి, ఏ పనీ సరిగా చేయలేకపోతుంది. అటువంటి పరిస్థితిలో, వినాయకుడిని పూజించాలి.

Note: (ఇలాంటి సమాచారం, వాస్తు వివరాలు, రాశిఫలాలు అనేవి నమ్మకం మీద ఆధారపడి ఉంటాయి. దీనికి శాస్త్రీయ ఆధారాలు లేవు. కేవలం మనుషుల ఆసక్తిని, నమ్మకాన్ని దృష్టిలో ఉంచుకుని ఇక్కడ అందించాం.)

మరిన్ని ఆధ్యాత్మిక వార్తల కోసం క్లిక్ చేయండి..