Dustbin Vastu Tips: చెత్త డబ్బా ఎక్కడ పెట్టాలి.. పొరపాటున ఇంట్లో ఈ దిక్కున పెట్టకండి.. ఎందుకో తెలుసా..?
అదే కారణంగా, ఈ దిశలో కూడా డస్ట్ బిన్ ఎట్టి పరిస్థితుల్లోనూ పెట్టకూడదు. ఇది పేదరికాన్ని పెంచుతుంది. ప్రతికూల ఆలోచనలు మెదడులోకి ప్రవేశిస్తాయి. అంతేకాదు. ఇది కెరీర్‌లో చాలా సమస్యలను కలిగిస్తుంది.
Updated on: Jan 07, 2023 | 7:47 AM
ఇంట్లోకి తెచ్చుకునే, పెట్టుకునే ప్రతిదానికీ సరైన దిశ ఉందని వాస్తు శాస్త్రం చెబుతోంది. ఆ వస్తువును తప్పుడు దిశలో ఉంచినట్లయితే, అది మీకు హాని చేస్తుంది. దానిని సరైన స్థలంలో ఉంచినట్లయితే, అది మీ ఇంట్లో ఆనందాన్ని నింపుతుంది. వీటిలో డస్ట్‌బిన్ కూడా ఒకటి. వాస్తు ప్రకారం, ఇంటి డస్ట్‌బిన్‌ను సరైన స్థలంలో ఉంచకపోతే ఇంటి సభ్యులను అనేక సమస్యలు చుట్టుముడతాయి. అందుకే ఇంట్లోని చెత్తను వేసే డస్ట్‌బిన్‌కు సరైన స్థలం ఏదో ఇక్కడ తెలుసుకుందాం…
ఇంటి ఈశాన్య దిశ గరిష్ట సానుకూల శక్తిని ఉత్పత్తి చేస్తుందని వాస్తు శాస్త్రం చెబుతోంది. ఈ దిక్కును కుబేరుని దిక్కు అంటారు. ఇంకా ఇక్కడ శివుడు కూడా ఉంటాడు. అందువల్ల ఇంటి ఈశాన్య దిశలో డస్ట్ బిన్ పెట్టకూడదు. అలా చేస్తే ఇంట్లో ప్రతికూల శక్తి ప్రవహిస్తుంది. ఆర్థిక పరిమితులతో పాటు, శారీరక సమస్యలు చుట్టుముట్టవచ్చు.
వాస్తు శాస్త్రం ప్రకారం ఇంటి ఆగ్నేయ దిశ చాలా శుభప్రదంగా పరిగణించబడుతుంది. దీనిని అగ్ని కోణం అని పిలుస్తారు. ఇది అగ్నికి సంబంధించినది. ఈ దిక్కున చెత్త వేయడం మొదలుపెడితే ఆదాయం పెరగదు, ఖర్చులు పెరుగుతాయి.
ఇంటికి తూర్పు దిక్కుకు సూర్యుడికి ప్రసిద్ధి. అందుకే ఈ దిక్కున పొరపాటున కూడా డస్ట్ బిన్ పెట్టకూడదు. ఇది జీవితంలో ఒత్తిడిని పెంచుతుంది. మీరు ఒంటరితనంతో ఇబ్బంది పడాల్సి వస్తుంది. దీంతో పాటు పనుల్లో కూడా ఆటంకాలు ఎదురవుతాయి.
ఇంటి దక్షిణ దిక్కు యమరాజుది. అదే కారణంగా, ఈ దిశలో కూడా డస్ట్ బిన్ వేయకూడదు. ఇది పేదరికాన్ని పెంచుతుంది. ప్రతికూల ఆలోచనలు మెదడులోకి ప్రవేశిస్తాయి. అంతేకాదు. ఇది కెరీర్‌లో చాలా సమస్యలను కలిగిస్తుంది.
ఇంటి ఉత్తరం దిక్కు ధనం, కుబేరునికి చెందినది. కాబట్టి, ఈ దిక్కున చెత్తను ఉంచడం నేరం కంటే తక్కువేమీ కాదు. ఇలా చేయడం వల్ల మానసిక, ఆర్థిక, శారీరక సమస్యలు పెరిగి వ్యాపారంలో నష్టాలు కూడా కలుగుతాయి. చీపురుకట్ట, చెత్తబుట్టని ఈశాన్యంలో ఉంచకూడదని వాస్తుశాస్త్ర నిపుణులు చెబుతున్నారు. దానివల్ల రావాల్సిన అవకాశాలు తగ్గిపోతాయని, ఏదైనా చేయాలనుకున్న పనికి అడ్డంకులు వస్తాయని అంటున్నారు. వాస్తు శాస్త్రం ప్రకారం, చెత్తను ఇంటికి నైరుతి, వాయువ్య దిశలలో ఉంచవచ్చు.
మరిన్ని వాస్తు సంబంధిత వార్తల కోసం ఇక్కడ క్లిక్ చేయండి.
