Telangana: ఒకే మొక్కకు ఏకకాలంలో మూడు రకాల మందారం పువ్వులు.. చూపరులను ఆకర్షిస్తున్న పుష్పాలు..

ప్రకృతి మనిషికి ప్రసాదించిన వరాల్లో ఒకటి పువ్వులు. పూజకు మాత్రమే కాదు ఔషధ గుణాలతో పాటు అందానికి కూడా ఉపయోగించే రకరకాలు పువ్వులున్నాయి. అలాంటి పువ్వుల్లో ఒకటి మందారం. ఇది అందమైన పువ్వు. కొన్ని సంవత్సరాల క్రితం వరకూ మందారం పువ్వు లేని ఇల్లు కనిపించడం బహు అరుదు. అయితే ఆధునిక కాలంలో ఇరుకైన ఇంటిలో ఇప్పుడు మొక్కల పెంపకం బహు కష్టం. అయినా సరే వీలు దొరికిన వారు తప్పనిసరిగా మందారం మొక్కను పెంచుకోవడానికి ప్రాధాన్యత ఇస్తారు. అది మందారం పువ్వులకు ఉన్న స్థానం. అయితే మందారం పువ్వుల్లో అనేక రకాలున్నాయి. అయితే ఒకే మొక్కకు మూడు రకాల మందారం పువ్వులు పూస్తూ చూపరులను ఆకర్షిస్తోంది.