T20 World Cup 2024: ఫ్యాన్స్‌కు గుడ్న్యూస్.. టీ20 ప్రపంచకప్‌లో టీమిండియా సిక్సర్ కింగ్.. ఎందుకో తెలుసా?
Yuvraj Singh Named T20 World Cup Brand Ambassador: ఐసీసీ టీ20 ప్రపంచకప్ (ICC 2024 T20) కోసం ఒక ముఖ్యమైన నిర్ణయం తీసుకుంది. T20 ప్రపంచ కప్ బ్రాండ్ అంబాసిడర్‌గా టీమిండియా మాజీ ఆటగాడు, రెండు ప్రపంచ కప్‌ల హీరో యువరాజ్ సింగ్‌ను నియమించింది.
Updated on: Apr 27, 2024 | 10:41 AM
Yuvraj Singh ICC Men’s T20 World Cup 2024 Ambassador: IPL 2024 ముగిసిన కొద్ది రోజుల తర్వాత ICC పురుషుల T20 ప్రపంచ కప్ 2024 నిర్వహించనున్నారు. అంటే, ఈ టోర్నీ జూన్ 1 నుంచి జూన్ 29 వరకు అమెరికా, వెస్టిండీస్ సంయుక్తంగా ఈ టోర్నీని నిర్వహించనున్నాయి. ఐసీసీ ఇప్పటికే టోర్నీ షెడ్యూల్‌ను ప్రకటించింది. ఈ క్రమంలో భారత జట్టు మాజీ స్టార్ ఆల్ రౌండర్ యువరాజ్ సింగ్‌కు ఐసీసీ పెద్ద బాధ్యతను అప్పగించింది. 2024 టీ20 ప్రపంచకప్ జూన్ 6 నుంచి ప్రారంభం కానుంది. వెస్టిండీస్, అమెరికా సంయుక్తంగా ఈ పొట్టి ఫార్మాట్‌ను నిర్వహించడం ఇదే తొలిసారి. ఈ టోర్నీకి సంబంధించిన అన్ని జట్లను మరికొద్ది రోజుల్లో ప్రకటించనున్నారు. టీమ్ ఇండియా కూడా ఇంకా జట్టును ప్రకటించలేదు. ఇదిలా ఉంటే, ICC ఒక ముఖ్యమైన నిర్ణయం తీసుకుంది. ఈ ప్రపంచ కప్ బ్రాండ్ అంబాసిడర్‌గా టీమిండియా మాజీ ఆటగాడు, రెండు ప్రపంచ కప్‌ల హీరో యువరాజ్ సింగ్‌ను నియమించింది. యువరాజ్ సింగ్‌తో పాటు, ప్రస్తుతం క్రిస్ గేల్, ఉసేన్ బోల్ట్ కూడా ఈ టోర్నీకి బ్రాండ్ అంబాసిడర్‌లుగా ఉన్నారు.
టోర్నీకి అంబాసిడర్‌గా వ్యవహరించడం నాకు గర్వకారణం- యువరాజ్ సింగ్..
ICC అంబాసిడర్‌గా ప్రకటించిన తర్వాత, యువరాజ్ సింగ్ మాట్లాడుతూ, ‘T20 ప్రపంచ కప్‌లో నాకు కొన్ని మంచి జ్ఞాపకాలు ఉన్నాయి. ఇందులో ఒక ఓవర్‌లో ఆరు సిక్సర్లు కొట్టడం కూడా ఉంది. కాబట్టి దానిలో భాగం కావడం చాలా ఉత్సాహంగా ఉంది. ఇది ఇప్పటివరకు నిర్వహించిన అతిపెద్ద ఈవెంట్ అవుతుంది. అందులో భాగం కావడం నాకు గర్వకారణం. న్యూయార్క్‌లో పాకిస్తాన్‌తో భారత్ ఘర్షణ ఈ సంవత్సరం ప్రపంచంలోనే అతిపెద్ద క్రీడా ఈవెంట్‌లలో ఒకటి కానుంది. కాబట్టి అందులో భాగంగా ప్రపంచంలోని అత్యుత్తమ ఆటగాళ్లను కొత్త స్టేడియంలో చూడటం ఒక విశేషం’ అంటూ చెప్పుకొచ్చాడు.
యువరాజ్ సింగ్ గురించి అందరికి ముందుగా గుర్తుకు వచ్చేది 2007 టీ20 ప్రపంచకప్‌లో అతను కొట్టిన ఆరు సిక్సర్లు. టీ20 ప్రపంచకప్‌లో కేవలం 12 బంతుల్లోనే హాఫ్ సెంచరీ సాధించిన రికార్డు కూడా యువరాజ్ పేరిట ఉంది. దీనితో పాటు 2007 టీ20 ప్రపంచకప్‌ను టీమ్ ఇండియా గెలవడంలో యువరాజ్ సింగ్ కూడా పాత్ర పోషించాడు. ఇది కాకుండా, 2011 వన్డే ప్రపంచకప్‌ను భారత్ గెలవడంలో యువరాజ్ కూడా ముఖ్యమైన పాత్ర పోషించాడు. యువరాజ్ ప్లేయర్ ఆఫ్ ద టోర్నమెంట్ అవార్డు కూడా గెలుచుకున్నాడు
ఈసారి టీ20 ప్రపంచకప్ గురించి చెప్పాలంటే.. జూన్ 01 నుంచి ప్రారంభమయ్యే మినీ వార్ జూన్ 29తో ముగియనుంది. ఈ లీగ్‌లో మొత్తం 20 జట్లు పాల్గొంటున్నాయి. గ్రూప్ దశలో ఐర్లాండ్, పాకిస్థాన్, యూఎస్ఏ, కెనడాతో టీమ్ ఇండియా తలపడనుంది. పురుషుల టీ20 ప్రపంచకప్ 2024 అంబాసిడర్‌గా యువరాజ్ సింగ్‌ను నియమించడం గౌరవంగా భావిస్తున్నట్లు ఐసీసీ జనరల్ మేనేజర్ క్లైర్ ఫర్లాంగ్ అన్నారు. 2007లో అతను ఒకే ఓవర్‌లో కొట్టిన 6 సిక్సర్లు టీ20 ప్రపంచకప్‌లో ప్రత్యేక క్షణాల్లో ఒకటి. ఈ టోర్నీకి యువరాజ్ సింగ్‌తో పాటు క్రిస్ గేల్, ఉసేన్ బోల్ట్ కూడా అంబాసిడర్‌లుగా ఎంపికయ్యారు. ఈ దిగ్గజాలంతా కలిసి టీ20 ప్రపంచకప్‌పై అభిమానుల్లో ఉత్సాహాన్ని పెంచనున్నారు.
మరిన్ని క్రీడా వార్తల కోసం ఇక్కడ క్లిక్ చేయండి..
