Viral: బస్టాండ్లో బ్యాగ్తో అనుమానాస్పదంగా యోగా ట్రైనర్.. అదుపులోకి తీసుకుని చెక్ చేయగా..
ఒత్తిడికి గంజాయే మెడిసిన్ అట. అలా చెప్పడమే కాదు ఏకంగా గంజాయిని స్మగ్లింగ్ చేస్తూ దొరికిపోయాడు ఓ యోగా టీచర్. ఆ వివరాలు మీ కోసం.
అతనో యోగా ట్రైనర్. అది అతని వృత్తి. ఇది పై పై కలరింగ్ జాబే. అసలు యాపారం వేరే ఉంది. మత్తును గట్టు దాటించడంలో ఆరితేరాడు. కానీ తప్పుడు పనులకు ఎప్పుడో ఒకప్పుడు శిక్ష తప్పదు. తాజాగా పోలీసులకు అడ్డంగా దొరికిపోయాడు. చెన్నైలో ఓ యోగా ట్రైనర్ గంజాయిని స్మగ్లింగ్ చేస్తూ పోలీసులకు చిక్కాడు. అతని వద్ద నుంచి 10 కిలోల గంజాయిని స్వాధీనం చేసుకున్నారు. పెరుంగళత్తూరులో శుక్రవారం మార్నింగ్ ఈ ఇన్సిడెంట్ జరిగింది. కేరళకు చెందిన దినేశ్.. పెద్ద బ్యాగ్తో అక్కడక్కడే తిరగడంతో పోలీసులకు డౌట్ వచ్చింది. వెంటనే అదుపులోకి తీసుకుని వివరాలు సేకరించారు. బ్యాగ్ తనిఖీ చేయగా గంజాయి బాగోతం బయటపడింది. నేరాన్ని అతడు ఒప్పుకున్నాడు.
దినేశ్ యోగాలో ఎక్స్పర్ట్. అందులో పీజీ కూడా కంప్లీట్ చేశాడు. ప్రజంట్ పాలవక్కాంలో ఉంటూ నీలంగరై, వేలచేరి, దురైపాకంలోని జిమ్లలో యోగా ట్రైనర్గా వర్క్ చేస్తున్నాడు. అతడి వద్ద యోగా ట్రైనింగ్ తీసుకుంటున్న వారిలో ఎక్కువ మంది ఐటీ ఎంప్లాయిసే. వారిలో కొందరు స్ట్రస్ నుంచి బయటపడాలని, వెయిట్ తగ్గాలని దినేశ్ను అప్రోచ్ అయ్యేవారు. గంజాయి తీసుకుంటే ఈ సమస్యలు అన్ని మటుమాయం అయిపోతాయని వారికి సూచనలు ఇచ్చేవాడు.
అంతటితో ఆగలేదు. వ్యాపారం లాభదాయంకంగా ఉండటంతో.. తానే గంజాయి సప్లై చేయడం మొదలెట్టాడు. తానే ఒక స్మగ్లర్ మారి గంజాయిని అక్రమ రవాణా చేయడం షురూ చేశాడు. ఈ క్రమంలోనే చెన్నైలో పోలీసులకు పట్టుబడ్డాడు.
మరిన్ని జాతీయ వార్తల కోసం క్లిక్ చేయండి..