Digvijay Singh: ఇవే నా చివరి ఎన్నికలు… ఓటింగ్‌కు 48 గంటల ముందు దిగ్విజయ్ సింగ్ భావోద్వేగ విజ్ఞప్తి

లోక్‌సభ ఎన్నికలకు సంబంధించి రాజకీయ పార్టీలు జోరుగా ప్రచారం నిర్వహిస్తుండడంతో రాజకీయ వేడి రాజుకుంది. ఈసారి మధ్యప్రదేశ్‌లోని రాజ్‌గఢ్ లోక్‌సభ స్థానం నుంచి కాంగ్రెస్ సీనియర్ నేత, రాష్ట్ర మాజీ ముఖ్యమంత్రి దిగ్విజయ్ సింగ్ పోటీ చేస్తున్నారు. ఈసారి హాట్ సీటుగా పరిగణిస్తున్నారు. దిగ్విజయ్ సింగ్ రాజ్‌గఢ్, రోడ్మల్ నగర్ నుంచి రెండుసార్లు ఎంపీగా పోటీ చేస్తున్నారు. తన జీవితంలో ఇదే చివరి ఎన్నికలు అంటూ సంచలన ప్రకటన చేశారు దిగ్విజయ్ సింగ్.

ఈ మేరకు ట్వీట్ చేస్తూ, దిగ్విజయ్ ఇలా వ్రాశాడు, ‘తండ్రి మరణం తరువాత, ఇంజనీరింగ్ డిగ్రీ పూర్తి చేసి రఘోఘర్‌లో నివసించడానికి వచ్చాను. రఘోఘర్‌లోని వృద్ధ నివాసి సేథ్ కస్తూర్‌చంద్ జీ కఠారి నన్ను కలవడానికి వచ్చారు. అతను నాకు రాజకీయ పాఠం చెప్పారు. ‘మీరు అదృష్టవంతులు, తిండికి కొరత లేదు, ఆభరణాల కొరత లేదు, ఇంటి కొరత లేదు, ఇప్పుడు మీరు పేరు సంపాదించండి అని ఆయన అన్నారు. నా 50 ఏళ్ల రాజకీయ జీవితంలో నేను ఇలాగే ప్రయత్నించాను. అందులో నేను ఎంత సక్సెస్ అయ్యానో నేనే అంచనా వేయలేను, సామాన్యులు మాత్రమే అలా చేయగలరు. ఇది నా జీవితంలో చివరి ఎన్నికలు, ఇందులో నేను ఎంతవరకు విజయం సాధించానో మీరే నిర్ణయిస్తారు.’ అంటూ భావోద్వేగమైన పోస్ట్ చేశారు.

मैं जब मेरे पिता जी के देहांत के बाद इंजीनियरिंग की डिग्री ले कर राघोगढ़ आ कर रहने लगा, तब मुझे राघोगढ़ के बुजुर्ग नगर सेठ श्री कस्तूरचंद जी कठारी मिलने आए। तब उन्होंने मुझे एक सीख दी। वह यह थी। उन्होंने कहा “राजा साहब हर व्यक्ति के जीवन का लक्ष्य हिंदी की १२ खड़ी के अनुसार होता…

— Digvijaya Singh (@digvijaya_28) May 5, 2024

ఇదిలావుంటే, మే 7వ తేదీన రాజ్‌గఢ్ లోక్‌సభ స్థానానికి ఎన్నికలు జరగనుండగా, ఆదివారం సాయంత్రం ఎన్నికల ప్రచారం ముగియనుంది. సామాన్యులకు ఎమోషనల్ అప్పీల్ చేస్తూ దిగ్విజయ్ సింగ్ కొత్త ట్రిక్ ప్లే చేశారు. 1993 నుంచి 2003 వరకు ముఖ్యమంత్రిగా ఉన్నప్పటి నుంచి దిగ్విజయ్ స్వయంగా రాష్ట్రంలో ఎన్నికల రాజకీయాలకు దూరంగా ఉన్నారు. అయినప్పటికీ, అతను తన ప్రకటనలతో ఎప్పుడు రాజకీయాల్లో చురుక్కుగా ఉన్నారు. గత అసెంబ్లీ ఎన్నికలతో సహా తరచుగా బీజేపీని లక్ష్యంగా చేసుకుని సంచలన వ్యాఖ్యలు చేశారు. కాంగ్రెస్ అగ్ర నేతలతో కలిసి అనేక పాదయాత్రలు చేసి పార్టీకి అనుకూలమైన పిచ్‌ని సిద్ధం చేసేందుకు ప్రయత్నించారు.

మధ్యప్రదేశ్‌లో అసెంబ్లీ ఎన్నికల సందర్భంగా దిగ్విజయ్‌కు 66 అసెంబ్లీ స్థానాల బాధ్యతలు అప్పగించారు. పార్టీ పరిస్థితి చాలా బలహీనంగా భావించే స్థానాలు ఇవి. ఈసారి ఆయనే స్వయంగా రాజ్‌గఢ్ నుంచి ఎన్నికల్లో పోటీ చేసి తన గత ఎన్నికల్లో పూర్తి బలాన్ని అందించారు. ఆయనకు ఈ నియోజకవర్గం పల్స్ బాగా తెలుసు. ఇక్కడి నుంచే తన రాజకీయ యాత్రను ప్రారంభించారు. అతను 22 సంవత్సరాల వయస్సులో 1969లో రఘోఘర్ మున్సిపాలిటీకి అధ్యక్షుడిగా ఎన్నికయ్యారు. 1971లో పదవీకాలం ముగిసే సమయానికి, తనకంటూ ప్రత్యేక రాజకీయ గుర్తింపును ఏర్పరచుకున్నారు. కాంగ్రెస్‌లో చేరి తన తదుపరి రాజకీయ యాత్రను ప్రారంభించారు.

మరిన్ని జాతీయ వార్తల కోసం ఇక్కడ క్లిక్ చేయండి…