Night curfew: మళ్లీ నైట్ కర్ఫ్యూ.. మెట్రో నగరాల్లో నెలాఖరు వరకు పెంచిన గుజరాత్ ప్రభుత్వం.. ఎందుకంటే..?
Night curfew in Gujarat: దేశంలో ఓ వైపు కరోనా కేసుల సంఖ్య పెరుగుతూనే ఉండగా.. మరోవైపు కరోనా వ్యాక్సినేషన్ డ్రైవ్ కూడా వేగవంతంగా కొనసాగుతోంది. అయినప్పటికీ కొన్నిరాష్ట్రాల్లోని పలు నగరాల్లో ఇప్పటికీ కర్ఫ్యూ..
Night curfew in Gujarat: దేశంలో ఓ వైపు కరోనా కేసుల సంఖ్య పెరుగుతూనే ఉండగా.. మరోవైపు కరోనా వ్యాక్సినేషన్ డ్రైవ్ కూడా వేగవంతంగా కొనసాగుతోంది. అయినప్పటికీ కొన్నిరాష్ట్రాల్లోని పలు నగరాల్లో ఇప్పటికీ కర్ఫ్యూ కొనసాగుతోంది. గుజరాత్‌లోని కొన్ని మెట్రో నగరాల్లో గతేడాది దీపావళి నుంచి నైట్ కర్య్ఫూ అమలవుతున్న సంగతి తెలిసిందే. గుజరాత్‌లోని అహ్మదాబాద్‌, సూరత్‌, వడోదర, రాజ్‌కోట్‌ మెట్రో నగరాల్లో కొనసాగుతున్న ఈ కర్ఫ్యూను గుజరాత్ ప్రభుత్వం తాజాగా పొడిగించింది. ఫిబ్రవరి 28 వరకు వరకు ఈ కర్ఫ్యూ అమలవుతుందని ప్రభుత్వం సోమవారం వెల్లడించింది. అయితే ఈ నాలుగు నగరాల్లో రాత్రి 11 గంటల నుంచి ఉదయం 6 గంటల వరకు అమలవుతున్న రాత్రి కర్య్ఫూ సమయాన్ని ఒక గంట తగ్గించినట్లు తెలిపింది.
ఈ నెల చివరి వరకు రాత్రి 12 గంటల నుంచి ఉదయం 6 గంటల వరకు నైట్ కర్య్ఫూ అమలవుతుందని తాజాగా ప్రకటించిన ఉత్తర్వుల్లో పేర్కొంది. ఈ ఉత్తర్వులు సోమవారం అర్థరాత్రి నుంచి అమలవుతాయని రాష్ట్ర హోం శాఖ అదనపు ప్రధాన కార్యదర్శి పంకజ్ కుమార్ వెల్లడించారు. కరోనా లాక్‌డౌన్ నాటినుంచి ఈ ప్రాంతాల్లో కర్య్ఫూను పొడిగించడం ఇది నాలుగవ సారి. కరోనా కేసులు మళ్లీ భారీగా నమోదవుతుండటంతో ప్రభుత్వం ఈ నిర్ణయం తీసుకుంది.
Also Read:
