PM Modi Mann Ki Baat: ‘మన్ కీ బాత్’ ప్రజా ఉద్యమంగా మారింది.. 100వ ఎపిసోడ్‌లో ప్రధాని మోడీ..
ప్రధాని మోదీ ప్రతిష్టాత్మకంగా నిర్వహించే ‘మన్ కీ బాత్’ రేడియో ప్రోగ్రామ్‌.. మరో మైలురాయిని అందుకుంది. మన్ కీ బాత్.. వందో ఎపిసొడ్లో ప్రధాని మోడీ ప్రసంగించారు. రేడియో ద్వారా ప్రజలతో పంచుకునే మాటలను... ఐక్యరాజ్యసమితి ప్రధాన కార్యాలయం సహా ప్రపంచవ్యాప్తంగా లైవ్‌ టెలికాస్ట్‌ నిర్వహిస్తున్నారు.
Updated on: Apr 30, 2023 | 11:37 AM
ప్రధాని మోదీ ప్రతిష్టాత్మకంగా నిర్వహించే ‘మన్ కీ బాత్’ రేడియో ప్రోగ్రామ్‌.. మరో మైలురాయిని అందుకుంది. మన్ కీ బాత్.. వందో ఎపిసొడ్లో ప్రధాని మోడీ ప్రసంగించారు. రేడియో ద్వారా ప్రజలతో పంచుకునే మాటలను… ఐక్యరాజ్యసమితి ప్రధాన కార్యాలయం సహా ప్రపంచవ్యాప్తంగా లైవ్‌ టెలికాస్ట్‌ నిర్వహిస్తున్నారు. ‘మన్ కీ బాత్’ రేడియో ప్రోగ్రామ్‌.. 100వ ఎపిసోడ్‌లో ప్రధాని మోడీ ప్రసంగిస్తూ.. ప్రియమైన దేశప్రజలారా, నమస్కార్ అంటూ ప్రారంభించారు. ‘‘ఈరోజు ‘మన్ కీ బాత్’ 100వ ఎపిసోడ్. మీ అందరి నుంచి నాకు వేల ఉత్తరాలు వచ్చాయి. లక్షల్లో మెసేజ్‌లు వచ్చాయి. వాటన్నింటిని అర్థం చేసుకోవడానికి ప్రయత్నించాను. మీ ఉత్తరాలు చదువుతున్నప్పుడు చాలా సార్లు ఉద్వేగానికి లోనయ్యాను. ఉద్వేగాలతో నిండిపోయాను, భావోద్వేగాలతో దూరంగా ఉండి, నన్ను నేను నియంత్రించుకోగలిగాను. ‘మన్ కీ బాత్’ 100వ ఎపిసోడ్‌లో మీరు నన్ను అభినందించారు, కానీ నేను హృదయపూర్వకంగా చెబుతున్నాను, వాస్తవానికి, మీరందరూ ‘మన్ కీ బాత్’ శ్రోతలు, మన దేశప్రజలు, అభినందనలకు అర్హులు. ‘మన్ కీ బాత్’ కోట్లాది భారతీయుల ‘మన్ కీ బాత్’, ఇది వారి భావాల వ్యక్తీకరణ. ‘మన్ కీ బాత్’ కూడా దేశప్రజల మంచితనం గురించి, సానుకూలత గురించి, ఇలా అన్నింటిగురించి ప్రస్తావించారు.
ప్రతి నెలా ఇలాంటి పండుగ వస్తుందని, దాని కోసమే మనందరం ఎదురుచూస్తున్నామని ప్రధాని మోదీ అన్నారు. మేము ఇందులో సానుకూలతను, భాగస్వామ్యాన్ని నిర్వహిస్తాం. ‘మన్ కీ బాత్’ నుండి ఇన్ని నెలలు, చాలా సంవత్సరాలు గడిచిపోయాయంటే కొన్నిసార్లు నమ్మడం కష్టం. ప్రతి ఎపిసోడ్ తనకంటూ ప్రత్యేకతను సంతరించుకుంది. ప్రతిసారీ, కొత్త ఉదాహరణల కొత్తదనం, ప్రతిసారీ దేశవాసుల కొత్త విజయాల విస్తరణ. ‘మన్ కీ బాత్’లో దేశంలోని నలుమూలల నుంచి ప్రజలు, అన్ని వయసుల వారు చేరారు. ‘మన్ కీ బాత్’తో ముడిపడి ఉన్న అంశం ఒక ప్రజా ఉద్యమంగా మారింది.. మీరంతా దానిని అలా చేసారు.. అంటూ ప్రధాని మోడీ పేర్కొన్నారు.
అప్పటి అమెరికా అధ్యక్షుడు బరాక్ ఒబామాతో నేను ‘మన్ కీ బాత్’ను పంచుకున్నప్పుడు అది ప్రపంచ వ్యాప్తంగా చర్చనీయాంశమైందని ప్రధాని నరేంద్ర మోదీ అన్నారు. ఇతరుల గుణాల నుంచి నేర్చుకునేందుకు ‘మన్ కీ బాత్’ గొప్ప మాధ్యమంగా మారింది. మిత్రులారా, మన్ కీ బాత్ నాకు ఇతరుల లక్షణాలను ఆరాధించడం లాంటిది. నాకు ఒక గైడ్ ఉన్నాడు – శ్రీ లక్ష్మణరావు జీ ఇనామ్‌దార్. మేము అతనిని వకీల్ సాహెబ్ అని పిలిచేవాళ్ళం. ఎదుటివారి గుణాలను పూజించాలని ఎప్పుడూ చెబుతుండేవాడు. ఎదుటి వారెవరైనా సరే, మీతో ఉన్నా, మీకు ప్రత్యర్థి అయినా సరే, వారి మంచి గుణాలను తెలుసుకుని వారి నుంచి నేర్చుకునే ప్రయత్నం చేయాలి. అతని ఈ విషయం నాకు ఎప్పుడూ స్ఫూర్తినిస్తుంది. మన్ కీ బాత్ ఇతరుల గుణాలను నేర్చుకోవడానికి గొప్ప మాధ్యమంగా మారిందని తెలిపారు.
ఈ సందర్భంగా ప్రధాని మో పలువురితో ప్రత్యేకంగా మాట్లాడారు. వందవ ఎపిసోడ్ సందర్భంగా యూనెస్కో డైరెక్టర్ జనరల్ మాట్లాడుతూ.. ప్రధాని మోడీ సేవలను అభినందించారు. పర్యావరణం గురించి అవగాహనతో ఉండాలన్నారు. తన ఆలోచనలను ప్రజాలతో పంచుకున్నానని తెలిపారు. ఈ సందర్భంగా విశాఖపట్నం వెంకట మురళీ ప్రసాద్ చేసిన సేవలను ప్రస్తావించారు. సామాన్యులతో అనుసంధానానికి ఇది వేదిక అయిందన్నారు.
మరిన్ని జాతీయ వార్తల కోసం..
