ఆసుపత్రి అగ్నిప్రమాదంలో శిశువు మిస్సింగ్.. 17 రోజుల కుమార్తె జాడ కోసం ఆస్పత్రి, పోలీస్‌స్టేషన్ చుట్టూ తిరుగుతున్న తండ్రి

ఢిల్లీలోని వివేక్ విహార్ ప్రాంతంలో శనివారం అర్థరాత్రి ఘోర ప్రమాదం జరిగింది. వివేక్ విహార్‌లోని బేబీ కేర్ న్యూ బోర్న్ హాస్పిటల్‌లో జరిగిన అగ్ని ప్రమాదంలో ఏడుగురు నవజాత శిశువులు మరణించారు. ప్రమాదం జరిగిన సమయంలో మొత్తం 12 మంది నవజాత శిశువులు ఆసుపత్రిలో చేరారు. ప్రమాదం తర్వాత ఢిల్లీలోని జ్వాలా నగర్‌లో నివసిస్తున్న ఒక కుటుంబం తమ చిన్నారి పాప ఆచూకీ కోసం వెదుకుతుంది. పోలీసు స్టేషన్, ఆసుపత్రుల చుట్టూ తిరుగుతూ తమ బిడ్డ ఆచూకీ కోసం వెదుకుతున్నారు. అయితే వీరి పాప ఎక్కడ ఉంది? అసలు బతికి ఉన్నాదా లేక మరణించిందా అనే సమాచారం ఇప్పటి వరకూ లభ్యం కాలేదు.

మరోవైపు వివేక్ విహార్ పోలీస్ స్టేషన్ నిందితులు నవీన్ చిచ్చి, డాక్టర్ అశోక్‌లను అరెస్టు చేశారు. ఇద్దరిపై కేసు నమోదు చేసి చర్యలు తీసుకున్నారు. శిశు సంరక్షణ కేంద్రం గుర్తింపు గడువు మార్చితో ముగిసిందని నిందితుడు నవీన్ పోలీసుల విచారణలో తెలిపాడు.

శనివారం ఉదయం 11 గంటలకు.. మే 25న ఉదయం 11 గంటలకు వివేక్ విహార్‌లోని చైల్డ్ కేర్ సెంటర్‌లో తన బిడ్డను చికిత్స కోసం చేర్చినట్లు బాధితుడి కుటుంబ సభ్యుడు అశోక్ శర్మ తెలిపారు. చైల్డ్ కేర్ వ్యక్తులు మమ్మల్ని 2 గంటలకు కలవడానికి అనుమతించి.. బిడ్డ బాగుందని చెప్పారు. తమకు గతంలో ముగ్గురు పిల్లలు ఉన్నారని ఇందులో గతేడాది ఓ చిన్నారి మృతి చెందింది. ఈ ఏడాది మేజర్ ఆపరేషన్ ద్వారా ఈ పాప పుట్టిందని బాధిత కుటుంబీకులు కన్నీరుమున్నీరుగా చెప్పారు. .

ఇవి కూడా చదవండి

తల్లికి పువ్వు ఇచ్చి ప్రేమని ప్రకటించిన చిన్నారి..

ఇంట్లో రామ చిలుకను ఉంచడం శుభమా, అశుభమా? వాస్తు నియమాలు ఏమిటంటే

ఈ ఆలయంలోని 7వ నేలమాళిగ రహస్యం ఏమిటి? ఈ తలుపు ఎందుకు తెరవరంటే

ఈ వస్తువులను ఇంట్లో ఏ దిశలో ఏర్పాటు చేసుకోవడం శుభప్రదం అంటే..

జిల్లా యంత్రాంగం కూడా సమాధానం చెప్పలేదు అలాగే ఢిల్లీలోని ఓ ప్రముఖ ఆసుపత్రి చిన్నారిని శిశు సంరక్షణ కేంద్రానికి రెఫర్ చేసిందని తెలిపారు. ఘటన జరిగిన కొన్ని గంటల తర్వాత కూడా చిన్నారి జాడ కనిపించలేదు. ఈ విషయంలో జిల్లా యంత్రాంగం సరైన సమాధానం చెప్పలేదని బాధిత కుటుంబ సభ్యులు తెలిపారు. ఉదయం నుంచి ఆందోళనకు గురైన బాధితురాలి కుటుంబ సభ్యులు తమ బిడ్డ కోసం వెతుకులాటలో నిమగ్నమయ్యారు. ఇప్పటి వరకు చిన్నారికి సంబంధించి ఎలాంటి ఆచూకీ లభించలేదు.

ఆసుపత్రి గుర్తింపు మార్చిలోనే ముగిసింది. చైల్డ్ కేర్ సెంటర్ యాక్సిడెంట్ కేసులో వివేక్ విహార్ పోలీస్ స్టేషన్ ఆసుపత్రి యజమాని నవీన్ చిచ్చి, డాక్టర్ ఆకాష్‌లను అరెస్టు చేసినట్లు షాహదారా డీసీపీ సురేంద్ర చౌదరి తెలిపారు. నిందితులపై 304, 308 సెక్షన్ల కింద పోలీసులు కేసు నమోదు చేశారు. నవీన్ చిచీ ఆసుపత్రికి మార్చి 31 వరకు మాత్రమే గుర్తింపు ఉంది. ఆసుపత్రిలో 5 గదులున్నాయి. ఆస్పత్రిలో 13 నుంచి 14 పడకలు ఏర్పాటు చేశారు.

నిందితులిద్దరినీ వివేక్ విహార్ పోలీస్ స్టేషన్‌లో విచారిస్తున్నారు. విచారణలో నవీన్ ఢిల్లీలోని మూడు వేర్వేరు ప్రాంతాల్లో శిశు సంరక్షణ కేంద్రాలను నిర్వహిస్తున్నట్లు పోలీసులకు సమాచారం అందింది. ఈ శిశు కేంద్రాలపై పోలీసులు దర్యాప్తు చేస్తున్నారు.

మరిన్ని జాతీయ వార్తల కోసం ఇక్కడ క్లిక్ చేయండి..