Matka Dal: మట్కా పప్పు గురించి మీకు తెలుసా.. ఎన్నో పోషక విలువలున్నాయ్!

మట్కా పప్పు అంటే చాలా మందికి తెలీదు. దీన్ని మట్కీ పప్పు, మోత్ బీన్స్, మట్ బీన్స్, మటికల పప్పు అని పలు రకాల పేర్లతో పిలుస్తారు. ఇందులో శరీరానికి కావాల్సిన అన్ని పోషకాలన్నీ లభిస్తాయి. కంది పప్పు, పెసరపప్పులాగే ఈ మట్కీ పప్పు కూడా. ఇవి గోధుమ రంగులో ఉంటాయి. శాఖాహారులు ఈ పప్పు తింటే అన్ని రకాల పోషకాలు లభిస్తాయి. ఇవి అన్ని షాపుల్లోనూ లభ్యమవుతాయి. ముఖ్యంగా ఇందులో ప్రోటీన్ అనేది అధికంగా లభిస్తుంది. ఈ పప్పు తింటే ప్రత్యేకంగా ప్రోటీన్‌కు ఎలాంటి ప్రత్యామ్నాయాలు తీసుకోవాల్సిన అవసరం లేదు. వారానికి ఒక్కసారి తిన్నా చాలు. పోషకాహార నిపుణులు దీన్ని సూపర్ ఫుడ్‌గా చెబుదారు. మరి మట్కా పప్పు తింటే శరీరానికి ఎన్ని రకాల ప్రయోజనాలు ఉన్నాయో ఇప్పుడు తెలుసుకుందాం.

మట్కా పప్పులో పోషకాలు:

మట్కా పప్పులో పోషకాలు పుష్కలంగా లభిస్తాయి. కంది పప్పు, పెసర పప్పులో ఎన్ని రకాల పోషకాలు లభిస్తాయో ఇందులో కూడా అనే లభిస్తాయి. ఫైబర్, జింక్, ప్రోటీన్, క్యాల్షియం, ఐరన్, యాంటీ ఆక్సిడెంట్లు మెండుగలా ఉంటాయి. ఇందులో కేలరీలు కూడా తక్కువగా ఉంటాయి.

రోగ నిరోధక శక్తి పెరుగుతుంది:

మట్కా పప్పు తినడం వల్ల శరీరంలో రోగ నిరోధక శక్తి అనేది పెరుగుతుంది. దీంతో ఇన్ ఫెక్షన్లు, వ్యాధులతో పోరాడే శక్తి లభిస్తుంది. అంతే కాకుండా ఈ పప్పు తినడం వల్ల తక్షణమే ఎనర్జీ లెవల్స్ పెరుగుతాయి.

ఇవి కూడా చదవండి

రోజుకు నాలుగు గంటలకుపైనే ఫోన్ వాడుతున్నారా.. ప్రాణానికే ప్రమాదం!

బ్రేక్ ఫాస్ట్ గా అన్నం తినవచ్చా.. తింటే ఏం జరుగుతుంది?

ప్రతిరోజూ ఉదయం ఈ టీ తాగితే డయాబెటీస్ రాకుండా అడ్డుకోవచ్చు!

ఎర్ర జామ పండు తింటున్నారా.. అయితే ఈ విషయాలు మీ కోసమే!

వెయిట్ లాస్ అవుతారు:

మట్కా పప్పులో ప్రోటీన్, ఫైబర్ అనేవి మెండుగా లభిస్తాయి. కాబట్టి ఇది తింటే త్వరగా కడుపు నిండుతుంది. దీంతో ఇతర ఆహార పదార్థాలు, చిరుతిళ్లు తినలేరు. అదే విధంగా కొలెస్ట్రాల్ లెవల్స్‌ను కూడా అదుపు చేస్తుంది. దీంతో ఈజీగా వెయిట్ లాస్ అవ్వొచ్చు.

గుండెకు మేలు చేస్తుంది:

మట్కా పప్పు తినడం వల్ల గుండె ఆరోగ్యం కూడా మెరుగు పడుతుంది. మట్కా పప్పు తింటే కొలెస్ట్రాల్ లెవల్స్ అనేవి అదుపులో ఉంటాయి. అంతే కాకుండా.. హైబీపీ అనేది పెరగకుండా చేస్తుంది. దీంతో గుండె పని తీరుకు ఎలాంటి అడ్డంకులు ఉండవు. గుండె జబ్బులతో బాధ పడేవారు మట్కా పప్పును ఆహారంలో భాగం చేసుకుంటే అనేక బెనిఫిట్స్ ఉన్నాయి.

చర్మం అందంగా మారుతుంది:

మట్కా పప్పు తినడం వల్ల చర్మం కూడా అందంగా మారుతుంది. ముఖంపై గీతలు, మొటిమలు, ముడతలు అనేవి ఏర్పడకుండా చూస్తుంది. మట్కా పప్పులో యాంటీ ఏజింగ్ లక్షణాలు కూడా ఉన్నాయి. కాబట్టి త్వరగా వృద్దాప్య లక్షణాలు రాకుండా ఉంటాయి. అలాగే చర్మ కాంతి కూడా పెరుగుతుంది.

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)

మరిన్ని హెల్త్ వార్తల కోసం ఇక్కడ క్లిక్ చేయండి..