White Hair: 30 ఏళ్లు కూడా రాకుండానే తెల్ల జుట్టు.. కారణాలు ఏంటి..? ఆపడం ఎలా

ఇటీవలి కాలంలో  చాలామందికి చిన్న వయసులోనే జుట్టు నెరసిపోతుంది. 30 నుండి 35 సంవత్సరాలు వచ్చేసరికి జుట్టు సాంతం తెల్లగా అయిపోతుంది. మీకు కూడా ఈ సమస్య ఉంటే చిన్న వయసులోనే జుట్టు ఎందుకు నెరిసిపోతుందో.. అలా కాకుండా నివారించడానికి ఏం చేయాలో నిపుణులను అడిగి తెలుసుకుందాం…

విటమిన్ బి12, విటమిన్ డి, విటమిన్ బి9 లోపిస్తే చిన్నవయసులోనే జుట్టు నెరిసిపోతుందని ఢిల్లీలోని ఆర్‌ఎంఎల్‌ హాస్పిటల్‌ డెర్మటాలజీ విభాగం మాజీ అధిపతి డాక్టర్‌ భావుక్‌ ధీర్‌ చెబుతున్నారు. 2019లో, ది లాన్సెట్ అనే మెడికల్ జర్నల్‌లోని ఒక నివేదికలో చిన్న వయసులోనే జుట్టు నెరిసిపోవడానికి ప్రధాన కారణం విటమిన్ లోపం అని పేర్కొంది. క్యాల్షియం లోపం వల్ల చాలా మందిలో జుట్టు గ్రే అవుతుందని డాక్టర్లు చెబుతున్నారు.

శరీరంలో పిత్తం ఎక్కువగా ఉత్పత్తి అయ్యేవారి వెంట్రుకలు కూడా చిన్నవయసులోనే తెల్లగా మారుతాయని ఆయుర్వేద డాక్టర్ ఆర్.పి.పరాశర్ చెబుతున్నారు. అంతే కాకుండా చిన్న వయసులోనే జుట్టు నెరిసిపోవడానికి సరైన ఆహారం తీసుకోకపోవడం కూడా కారణం అంటున్నారు. పైత్యరసం అధికంగా ఉత్పత్తి కావడం వల్ల జుట్టు మూలాలు దెబ్బతింటాయి, దీని వల్ల జుట్టు నెరిసిపోతుంది. పిత్తం అధికంగా ఉత్పత్తి కావడం వల్ల కొంతమందికి శరీరంలో మెలనిన్ లోపం ఏర్పడి జుట్టు రంగుపై ప్రభావం చూపుతుంది. మీ శరీరంలో పిత్తం ఎక్కువగా ఉత్పత్తి అవుతుంటే త్రిఫలాన్ని చూర్ణం తినండి.  రోజూ శీతలీ ప్రాణాయామం చేయడం వల్ల మెరుగైన ఫలితాలు ఉంటాయి. 

విటమిన్ లోపాన్ని ఎలా అధిగమించాలి

విటమిన్ బి12, బి9 లోపాన్ని అధిగమించాలంటే పచ్చి కూరగాయలు, పండ్లను ఆహారంలో చేర్చుకోవడం చాలా అవసరమని డైటీషియన్ డాక్టర్ అంజిల్ వర్మ చెబుతున్నారు. అంతేకాకుండా గుడ్డు, సాల్మన్ చేపలను కూడా తినవచ్చు. విటమిన్ డి లోపాన్ని అధిగమించడానికి, పాలు, పెరుగు, గుడ్లు తినవచ్చు. అయితే, మీరు ముందుగా మీ విటమిన్ బి12, విటమిన్ డి పరీక్షలు చేయించుకోవడం చాలా ముఖ్యం. ఈ విటమిన్స్ లోపిస్తే వైద్యుల సలహా మేరకు సప్లిమెంట్లను కూడా తీసుకోవచ్చు. దీనితో, విటమిన్ లోపాన్ని సులభంగా భర్తీ చేయవచ్చు.

(ఇది ప్రాథమిక సమాచారం మాత్రమే. మీకు ఇలాంటి సమస్య ఉంటే డాక్టర్ల సలహాలు తీసుకోండి)

మరిన్ని ఆరోగ్య సంబంధిత వార్తల కోసం క్లిక్‌ చేయండి.