Watch: ఇస్మార్ట్ మోసం.. రూ.లక్షల బంగారం నగను ఈజీగా కొట్టేశాడు.! వీడియో.

గుంటూరులోని పెద పులివారి సందు.. రియాజ్ నగల దుకాణంలో ఆ సమయంలో పెద్దగా రద్దీ లేదు. మధ్యాహ్నం సమయం కావడంతో ఒకరో.. ఇద్దరో కస్టమర్లు వచ్చారు. వారికి రియాజ్ బంగారు ఆభరణాలున్న బాక్సులు బల్లపై పెట్టి చూపించాడు. అయితే వారికి ఆ అభరణాలు నచ్చలేదు. వేరే ఆభరణాలు చూస్తున్నారు. ఇదే సమయంలో ఒక వ్యక్తి, తాను మూగ, చెవిటి వ్యక్తినంటూ షాపులోకి వచ్చాడు. తన చేతిలో ఉన్న పాంప్లెట్ ను కౌంటర్ లో కూర్చొన్న రియాజ్ కు ఇచ్చాడు. ఆ పాంప్లెట్ అందుకున్న రియాజ్ ఏమీ ఇవ్వలేమని చెప్పి పంపించాడు. అప్పుడే జరిగింది అసలైన సీన్. ఇదంతా సీసీ కెమెరాలో రికార్డ్ అయ్యింది.

రియాజ్‌కు కరపత్రం ఇచ్చిన సమయంలో మోసగాడు.. తన మరో చేతిలో ఉన్న పుస్తకాన్ని బల్లపై పెడుతున్నట్లు నటించి, అప్పటికే అక్కడున్న బంగారు ఆభరణ బాక్స్ ను చేతిలోకి తీసుకున్నాడు. ఆ తర్వాత యాచకుడు అక్కడ నుంచి మెల్లగా జారుకున్నాడు. అయితే కొద్దిసేపటి తర్వాత బల్లపై ఉంచిన బంగారు ఆభరణం బాక్స్ కనిపించకపోయే సరికి రియాజ్ కంగారుపడ్డాడు. లోపల ఏమైనా పెట్టానేమో అనుకుని మొత్తం గాలించాడు. ఎక్కడా కనిపించలేదు. దీంతో అనుమానం వచ్చిన రియాజ్ సిసి కెమెరా విజువల్స్ పరిశీలించాడు. అందులో యాచకుడు బాక్స్ కొట్టేసినట్లు క్లియర్ గా ఉంది. దీంతో వెంటనే పోలీసులకు ఫిర్యాదు చేశాడు. రంగంలోకి దిగిన పోలీసులు సిసి కెమెరా విజువల్స్ ద్వారా నిందితుడిని పట్టుకునే ప్రయత్నాలు చేస్తున్నారు. గతంలో ఎప్పుడూ ఇటువంటి చోరి జరగలేదని, షాపు యజమానులు అప్రమత్తంగా ఉండాలని లాలాపేట సిఐ శివప్రసాద్ సూచించారు. నిందితుడిని పట్టుకునేందుకు ప్రత్యేక బృందాలను రంగంలోకి దించినట్లు చెప్పారు.

మరిన్ని వీడియోస్ కోసం:
Videos

Viral: అతను 180 మంది పిల్లలకు తండ్రి.! ఒక్క మహిళ కూడా ప్రేమగా ముద్దివ్వలేదట.!

Copper items: రాగి వస్తువులు ధరించడం వల్ల కలిగే లాభాలు తెలిస్తే బంగారం జోలికి పోరు.!

Leaves: ఉద్యోగులకు బంపర్‌ ఆఫర్‌.. మనసు బాలేదా? సెలవు తీసుకోండి.!.