ఈ లక్షణాలు కనిపిస్తే మీ మానసిక ఆరోగ్యం దెబ్బతింటున్నట్లే.. నిర్లక్ష్యం వద్దు..

నేటి వేగవంతమైన జీవితం.. పెరుగుతున్న ఒత్తిడి ప్రపంచవ్యాప్తంగా మానసిక ఆరోగ్య సమస్యల పెరుగుదలకు దారితీస్తున్నాయి. ప్రపంచ ఆరోగ్య సంస్థ (WHO) నివేదిక ప్రకారం.. ప్రతి సంవత్సరం లక్షలాది మంది ఒత్తిడి, నిరాశ, ఆందోళన వంటి మానసిక ఆరోగ్య సమస్యలతో బాధపడుతున్నారు. మానసిక ఆరోగ్యం కేవలం మానసిక స్థితి కాదు.. ఇది ఒక వ్యక్తి ఆలోచించే, అనుభూతి చెందే స్వభావంతోపాటు మంచి జీవితాన్ని గడపగల సామర్థ్యాన్ని ప్రభావితం చేస్తుంది. పేలవమైన మానసిక ఆరోగ్యం అంటే ఒక వ్యక్తి నిరంతరం ఒత్తిడికి గురవుతున్నాడు.. కలత చెందుతున్నాడు, విచారంగా ఉన్నాడు లేదా అనారోగ్యంగా ఉన్నాడు.. అని అర్థం.. ఇది వారి రోజువారీ కార్యకలాపాలు, సంబంధాలు, శారీరక శ్రేయస్సును ప్రభావితం చేస్తుంది. ముందుగానే గుర్తించి చికిత్స చేయకపోతే ఈ పరిస్థితి మరింత తీవ్రమవుతుంది.

మానసిక ఆరోగ్యం సరిగా లేకపోవడం అనేక తీవ్రమైన సమస్యలకు దారితీస్తుంది. వాటిలో సర్వసాధారణం నిరాశ, ఆందోళన, నిద్ర సమస్యలు, తక్కువ ఆత్మవిశ్వాసం, నిరంతర ఒత్తిడి. దీర్ఘకాలిక మానసిక ఆరోగ్యం సరిగా లేకపోవడం వల్ల గుండె జబ్బులు, ఊబకాయం, మధుమేహం, కడుపు సమస్యలు వచ్చే ప్రమాదం కూడా పెరుగుతుంది. పిల్లలు – యువకులలో, ఇది వారి విద్యా – సామాజిక జీవితాలను ప్రతికూలంగా ప్రభావితం చేస్తుంది. సకాలంలో చికిత్స, సంరక్షణ పొందకపోతే, ఈ పరిస్థితి తీవ్రమైన మానసిక ఆరోగ్య సమస్యలు లేదా స్వీయ-హాని కలిగించడానికి దారితీస్తుంది.

మానసిక ఆరోగ్యం క్షీణించడం –  సంకేతాలు

ఘజియాబాద్ జిల్లా MMG ఆసుపత్రిలోని మనోరోగచికిత్స విభాగానికి చెందిన డాక్టర్ ఎ.కె. విశ్వకర్మ.. మానసిక ఆరోగ్యం క్షీణిస్తున్న సంకేతాలు తరచుగా క్రమంగా కనిపిస్తాయని వివరిస్తున్నారు. ప్రారంభంలో, ఒక వ్యక్తి నిరంతర విచారం, నిరాశ, చిరాకు, నిద్ర లేదా ఆకలిలో మార్పులు, అలసట – ఆత్మవిశ్వాసం లేకపోవడం లాంటివి అనుభవిస్తాడు. ఇంకా, ఆ వ్యక్తి ప్రజల నుంచి క్రమంగా వైదొలగడం, ఒంటరిగా.. ఏదో ఆలోచలనలతో జీవించడం ప్రారంభిస్తాడు.. అభిరుచులు – ఆసక్తులపై ఆసక్తిని కోల్పోతాడు.. తరచుగా ఆందోళన లేదా భయం భావాలను అనుభవిస్తాడు.

తీవ్రమైన సందర్భాల్లో, ఆత్మహత్య లేదా స్వీయ-హాని ఆలోచనలు కూడా తలెత్తవచ్చు. ఈ పరిస్థితి యువత, ఉద్యోగస్తులు – దీర్ఘకాలిక ఒత్తిడిని అనుభవించే వారికి ముఖ్యంగా ప్రమాదకరం. ముందస్తుగా గుర్తించడం – మనస్తత్వవేత్త లేదా మానసిక వైద్యుడి సహాయంతో దీనిని నియంత్రించవచ్చు.

మిమ్మల్ని మీరు ఎలా రక్షించుకోవాలి..

మీ భావోద్వేగాలను అణచివేయకండి, విశ్వసనీయ వ్యక్తితో మాట్లాడండి.

ఆరోగ్యకరమైన ఆహారం తీసుకోండి – తగినంత నిద్ర పొందండి.

మీ దినచర్యలో వ్యాయామం, యోగా – ధ్యానం చేర్చుకోండి.

సోషల్ మీడియా వాడకాన్ని పరిమితం చేయండి.

మీకు నిరంతర విచారం లేదా ఆందోళన అనిపిస్తే, మనస్తత్వవేత్త లేదా వైద్యుడిని సంప్రదించండి.

మీకు ఇష్టమైన పనులు, అభిరుచులకు సమయం కేటాయించండి.

మీకు ఇష్టమైన వారితో అలాగే స్నేహితులతో బంధుమిత్రులతో గడపండి..

మరిన్ని లైఫ్‌స్టైల్ వార్తల కోసం ఇక్కడ క్లిక్ చేయండి..