టాల్కమ్ పౌడర్‌తో పొంచివున్న ప్రాణాంతక క్యాన్సర్ ప్రమాదం.. పిల్లలకు వాడేముందు ఇది గుర్తుంచుకోండి..!

పిల్లలను వేడి, చెమట నుండి రక్షించడానికి చాలా మంది తల్లులు తమ పిల్లలకు స్నానం చేయించిన వెంటనే ఒంటినిండా టాల్కమ్ పౌడర్‌ను పూస్తారు. ఇలా చేయడం వల్ల పిల్లలు ఫ్రెష్‌గా ఉంటారు. అయితే టాల్కమ్ పౌడర్ వంటి సౌందర్య ఉత్పత్తులు క్యాన్సర్ ప్రమాదాన్ని పెంచుతాయని పరిశోధనలో వెల్లడైంది. ఇందులో ఆస్బెస్టాస్ అనే మూలకం ఉన్నట్టుగా పరిశోధకులు గుర్తించారు. ఇది క్యాన్సర్ సంబంధిత వ్యాధులను పెంచుతుంది. పిల్లలకు హానికరం. కాబట్టి, టాల్కమ్‌ పౌడర్‌ వినియోగంపై నిపుణులు ఏం చెబుతున్నారు.?ఈ టాల్కం పౌడర్ మీ పిల్లలకు ఎలా హాని కలిగిస్తుందో ఇక్కడ తెలుసుకుందాం..

పౌడర్‌లో టాల్క్ అనే మూలకాన్ని కలిగి ఉంటాయి. ఇది భూమి నుండి సేకరించిన ఖనిజం. ఇది తేమను గ్రహించడానికి, ఘర్షణను తగ్గించడానికి ఉపయోగించబడుతుంది. కాబట్టి కాస్మెటిక్ కంపెనీలు దీనిని బేబీ పౌడర్, ఐషాడో, ఇతర వస్తువులను తయారు చేయడానికి ఉపయోగిస్తారు. అదేవిధంగా, ఆస్బెస్టాస్ టాల్కమ్ పౌడర్‌లో కూడా కనిపిస్తుంది. ఇది టాల్క్ లాగా భూమి నుండి సేకరించబడుతుంది. ఈ ఆస్బెస్టాస్‌ను శరీరంలోకి పీల్చుకుంటే, క్యాన్సర్ వచ్చే ప్రమాదం ఉంది. అందువల్ల ఇలాంటి కాస్మెటిక్ ఉత్పత్తులను వాడకుండా ఉండాలని వైద్యులు సూచిస్తున్నారు.

టాల్కమ్ పౌడర్‌లో క్యాన్సర్ కారకాలు ఉండవచ్చు. క్యాన్సర్‌పై పరిశోధన చేస్తున్నప్పుడు, టాల్కమ్ పౌడర్‌ను క్యాన్సర్‌కు కారణమయ్యే పదార్థాలుగా చేర్చారు. టాల్క్ కొన్ని కణాలు అండాశయ క్యాన్సర్ ప్రమాదాన్ని పెంచుతాయని ఆరోగ్య నిపుణులు చెబుతున్నారు.. ఇది కాకుండా, పిల్లలు టాల్కమ్ పౌడర్ కణాలను పీల్చినట్లయితే అప్పుడు ఊపిరితిత్తులు, శ్వాసకోశ క్యాన్సర్ వచ్చే ప్రమాదం ఉందంటున్నారు.

ఇవి కూడా చదవండి

వాన కబురు..ద్రోణి ప్రభావంతో రేపు,ఎల్లుండిపిడుగులతో కూడిన వర్షాలు

టీటీడీ కొత్త ఈవో సంచలనం.! బాధ్యతలు తీసుకున్నక్షణం నుంచే మార్పులకు

చుక్కలు చూపిస్తున్న కూరగాయ ధరలు.. సెంచరీ దాటిన పచ్చిమిర్చి

పట్టులాంటి మెరిసే జుట్టు కోసం అరటిపండు హెయిర్‌ మాస్క్‌..!

అయితే, టాల్కమ్ పౌడర్‌, క్యాన్సర్ మధ్య సంబంధం వందశాతం స్పష్టంగా లేదని, అయితే దీనికి దూరంగా ఉండాలని సలహా ఇస్తున్నారు.. మీరు కూడా పిల్లలకు టాల్కమ్ పౌడర్ వేయాలనుకుంటే, వైద్యుల సలహా మేరకు నాన్-కాస్మెటిక్ పౌడర్ వాడండి.

మరిన్ని లైఫ్ స్టైల్ న్యూస్ కోసం క్లిక్ చేయండి..