Health Tips: మెరుగైన ఆరోగ్యం కోసం.. మీ డైట్‌లో ఈ 5 సూపర్ ఫుడ్స్‌ను తప్పనిసరిగా చేర్చుకోండి..

ఆరోగ్యంగా ఉంటే.. ఏ వ్యాధి కూడా దరికి చేరదని వైద్య నిపుణులు అంటుంటారు. కొంతమంది పలు రకాల డైట్‌లను ఫాలో అవుతూ తమ శరీరాకృతిని..

Foods

Ravi Kiran | Edited By: Anil kumar poka|
Updated on: Oct 08, 2021 | 8:41 PM

ఆరోగ్యంగా ఉంటే.. ఏ వ్యాధి కూడా దరికి చేరదని వైద్య నిపుణులు అంటుంటారు. కొంతమంది పలు రకాల డైట్‌లను ఫాలో అవుతూ తమ శరీరాకృతిని మార్చుకుంటుంటారు. ఇక ఖరీదైన ఫుడ్స్ లాంటివి తీసుకుంటే.. ఆరోగ్యం బాగుంటుందని కొందరి నమ్మకం. కానీ అది కరెక్ట్ కాదు. మీ ఆరోగ్యాన్ని ఫిట్‌గా ఉంచే సామర్ధ్యం కలిగిన బడ్జెట్ ఫ్రెండ్లీ ఆహార పదార్ధాల గురించి ఇప్పుడు తెలుసుకుందాం.

వంట నూనె:

వంటకాలకు అతి ముఖ్యమైనది వంట నూనె. ఎలప్పుడూ ఆరోగ్యకరంగా ఉండాలంటే.. మీరు చేయాల్సింది ఒకటే.. వంట నూనెను ఎప్పటికప్పుడు మారుస్తుండటం మంచిది. వంట నూనెను ప్రత్యామ్నాయంగా ఉపయోగించడం ఆరోగ్యానికి మంచిది. ఆహార పదార్ధాలను వండటానికి వేరుశెనగ వంట నూనె, ఆలివ్ నూనె, బియ్యం ఊక, ఆవ నూనె మొదలైన వాటిని కూడా ఉపయోగించండి.

పప్పు ధాన్యాలు:

మన శరీరానికి ప్రోటీన్ చాలా ముఖ్యం. దానికోసం పప్పు ధాన్యాలను వినియోగించడం ఉత్తమం. మీ డైట్‌లో మొలకలను చేర్చడం వల్ల ఆరోగ్యం మెరుగవుతుంది. ఇవే కాకుండా నానబెట్టిన పెసలు, కాయధాన్యాలు వంటివి తినండి.

సీజనల్ ఫ్రూట్స్ లేదా వెజిటబుల్స్:

కాలానుగుణంగా కూరగాయలు లేదా పండ్లు ఏవి దొరికినా వాటిని ఖచ్చితంగా తినండి. ఇలా తినడం వల్ల శరీరంలో ఏర్పడే మార్పులను కంట్రోల్ చేయొచ్చు. పరిపూర్ణంగా ఆరోగ్యవంతులు కావొచ్చు.

రోటీలు:

గోధుమ పిండి రోటీలను మాత్రమే తినవద్దు. రాగులు, మిల్లెట్, మొక్కజొన్న, పప్పు మొదలైన పిండి రోటీలను కూడా మీ డైట్‌లో చేర్చండి. మీకు కావాలంటే, మీరు కావాలంటే పైన పేర్కొన్న పిండి పదార్ధాలను, గోధుమ పిండితో నిర్దిష్ట నిష్పత్తిలో కలుపుకుని రోటీలు చేసుకోండి.