Rusk Halwa: రస్కులతో హల్వా.. ఆహా అదిరిపోతుంది అంతే..
హల్వా అంటే చాలా మంది ఇష్టంగా తింటూ ఉంటారు. హల్వా చాలా రుచిగా ఉంటుంది. అందుకే అందరూ ఇష్టపడతారు. ఎన్నో రకాల పదార్థాలతో హల్వాను తయారు చేసుకోవచ్చు. బ్రెడ్‌తో చేసే హల్వా అందరికీ తెలుసు. కానీ రస్కులతో చేసే ఈ హల్వా రుచిగానే ఉంటుంది. మరి ఇంకెందుకు లేట్ మీరు కూడా ట్రై చేయండి..
Chinni Enni | Edited By: Ram Naramaneni
Updated on: Nov 10, 2024 | 10:03 PM
బ్రెడ్‌తో చేసే డబుల్ కా మీటా స్వీట్ రెసిపీ గురించి అందరికీ తెలుసు. ఇంట్లో కూడా ఈజీగానే తయారు చేసుకోవచ్చు. కేవలం బ్రెడ్‌తోనే కాకుండా రస్కులతో కూడా హల్వా తయారు చేయవచ్చు. ఇది కూడా సింపుల్‌గా, ఫాస్ట్‌గా అయిపోతుంది. పెద్దగా సమయం కూడా పట్టదు. కేవలం 20 నిమిషాల్లో హల్వా సిద్ధం అవుతుంది. ఇది కూడా రుచిగానే ఉంటుంది. పిల్లలు అడిగినప్పుడు సింపుల్‌గా ఇంట్లోనే ఉండే వాటితో ఈ హల్వా తయారు చేయవచ్చు. మరి రస్కులతో హల్వా ఎలా తయారు చేస్తారు? వీటికి కావాల్సిన పదార్థాలు ఏంటో ఇప్పుడు చూద్దాం.
రస్కుల హల్వాకి కావాల్సిన పదార్థాలు:
రస్కులు, పంచదార, యాలకుల పొడి, నెయ్యి, డ్రై ఫ్రూట్స్.
రస్కుల హల్వా తయారీ విధానం:
ముందుగా రస్కులను ఒక గిన్నెలో మరీ పొడిగా కాకుండా చిన్న చిన్న ముక్కలుగా దంచి పక్కన పెట్టుకోండి. ఇప్పుడు స్టవ్ వెలిగించి పాన్ పెట్టి అందులో నెయ్యి వేసి మీకు ఇష్టమైన డ్రై ఫ్రూట్స్ వేసి దోరగా వేయించు కోవాలి. ఇప్పుడు ఇదే కడాయిలో రస్కుల పొడి వేసి చిన్న మంట మీద వేయించుకోవాలి. ఇవి వేగాక పక్కకు తీసుకోవాలి. ఆ తర్వాత ఇదే పాన్‌లో నీళ్లు, పంచదార వేసి పాకం వచ్చే దాకా మరిగించుకోవాలి. పాకం మరుగుతున్నప్పుడు యాలకు పొడి వేసి కలుపుకోవాలి. ఈ సమయంలో వేసుకుంటే మంచి రుచి వస్తుంది. ఫ్లేవర్ కూడా బాగుంటుంది.
ఇప్పుడు పాకం మరింత దగ్గరగా జిగురుగా మారుతుంది. ఈ సమయంలో రస్కుల పొడి వేసి చిన్న మంట మీద బాగా ఉడికించుకోవాలి. మాడకుండా చూసుకోండి. ఆ తర్వాత డ్రై ఫ్రూట్స్ కూడా వేసి కలుపుకోవాలి. అంతే ఎంత రుచిగా ఉండే రస్కుల హల్వా సిద్ధం. తక్కువ సమయంలోనే ఇది రెడీ అయిపోతుంది. రుచిగా కూడా ఉంటుంది. కావాలి అనుకుంటే కుంకుమ పువ్వును వేసుకుంటే ఈ ఫ్లేవర్ కూడా బాగుంటుంది.
