Bread Masala: పిల్లలు ఇష్టపడీ మరి లాగించే స్నాక్.. ‘బ్రెడ్ మసాలా’

ఇంట్లో పిల్లలు ఉన్నారంటే.. సాయంత్రం కాగానే తినడానికి ఏదైనా చేసి పెట్టమని అడుగుతూ ఉంటారు. అప్పటికప్పుడు పిల్లలకు నచ్చే విధంగా.. ఈజీగా అయ్యే స్నాక్ ఇది. ఎంతో టేస్టీగా ఉంటుంది. పిల్లలకు తప్పకుండా నచ్చుతుంది. చాలా సింపుల్‌గా, తక్కువ సమయంలోనే ఈ స్నాక్ ప్రిపేర్ అవుతుంది. ఈ స్నాక్ బ్రెడ్‌తో తయారు చేస్తారు. ఇప్పటికే బ్రెడ్‌తో ఎన్నో రకాల రెసిపీలు తెలుసుకున్నాం. బ్రెడ్‌తో ఏ రెసిపీ చేసినా చాలా టేస్టీగా ఉంటుంది. ఇది పిల్లలకు లంచ్ బాక్స్‌లో కూడా పెట్టి ఇవ్వొచ్చు. మరి ఈ టేస్టీ బ్రెడ్ మసాలా ఎలా తయారు చేస్తారు? కావాల్సిన పదార్థాలు ఏంటో ఇప్పుడు చూద్దాం.

బ్రెడ్ మసాలాకు కావాల్సిన పదార్థాలు:

బ్రెడ్, పచ్చి మిర్చి, పచ్చి మిర్చి, జీలకర్ర, ఆయిల్, అల్లం వెల్లుల్లి పేస్ట్, పసుపు, కారం, గరం మసాలా, ఉప్పు, టమాటా కెచప్.

బ్రెడ్ మసాలా తయారీ విధానం:

ముందుగా బ్రెడ్ స్లైసెస్‌ని వేయించి పెట్టుకోవాలి. ఇందుకు బ్రెడ్ కట్ చేసి పక్కన పెట్టండి. ఆ తర్వాత పాన్ పెట్టి అందులో ఒక టేబుల్ ఆయిల్ వేసి వేడెక్కాక.. బ్రెడ్ స్లైసెస్‌ వేసి వేయించుకోవాలి. చిన్న మంటపై ఇవి వేయించాలి లేదంటే మాడిపోతాయి. ఇలా వేగిన బ్రెడ్‌ని పక్కన పెట్టుకోవాలి. ఇప్పుడు ఇదే పాన్‌లో కొద్దిగా ఆయిల్ వేసుకోవాలి. కావాలి అనుకుంటే నెయ్యి కూడా యాడ్ చేసుకోవచ్చు. ఆయిల్ వేడెక్కాక.. జీలకర్ర, కరివేపాకు వేసి వేయించాలి. ఇవి వేగాక ఉల్లిపాయ, పచ్చి మిర్చి ముక్కలు కూడా వేసి కలర్ మారేంత వరకూ ఫ్రై చేయాలి.

ఇవి కూడా చదవండి

రోజుకు నాలుగు గంటలకుపైనే ఫోన్ వాడుతున్నారా.. ప్రాణానికే ప్రమాదం!

బ్రేక్ ఫాస్ట్ గా అన్నం తినవచ్చా.. తింటే ఏం జరుగుతుంది?

ప్రతిరోజూ ఉదయం ఈ టీ తాగితే డయాబెటీస్ రాకుండా అడ్డుకోవచ్చు!

ఎర్ర జామ పండు తింటున్నారా.. అయితే ఈ విషయాలు మీ కోసమే!

ఆ నెక్ట్స్ అల్లం వెల్లుల్లి పేస్ట్ కూడా వేసి పచ్చి వాసన పోయేంత వరకూ వేయించాలి. ఆ తర్వాత టమాటా ముక్కలు వేసి.. మెత్తగా అయ్యేంత వరకూ ఉడికించాలి. ఇప్పుడు కారం, పసుపు, ఉప్పు, గరం మసాలా వేసి ఓ రెండు నిమిషాల పాటు వేయించాలి. ఆ తర్వాత కొద్దిగా టమాటా కెచప్ వేసి స్పైసెస్‌ని అడ్జెస్ట్ చేయాలి. ఇప్పుడు చివరిగా బ్రెడ్ ముక్కలు, కొత్తి మీర వేసి మసాలాలు అంతా పట్టేలా.. ఓ పది నిమిషాలు వేయించాలి. అంతే ఎంతో టేస్టీ అండ్ క్రిస్పీ బ్రెడ్ మసాలా రెడీ. ఇది మీ పిల్లలకు తప్పకుండా నచ్చుతుంది.