అవునా.. ఇది నిజమేనా..? టీ తాగే ముందు నీళ్లు తాగితే అసిడిటీ రాకుండా ఉంటుందా..

చాలా మంది టీ ని ఇష్టంగా తాగుతారు.. ముఖ్యంగా కొందరు నిద్ర లేవగానే టీ తాగుతారు.. అలాగే.. మధ్యాహ్నం, సాయంత్రం వేళల్లో కూడా టీ తాగారు.. అయితే.. కొంతమందికి టీ తాగిన తర్వాత ఖచ్చితంగా అసిడిటీ సమస్య వస్తుంది.. అటువంటి పరిస్థితిలో, టీ తర్వాత అసిడిటీని తగ్గించడానికి ఎలాంటి చర్యలు తీసుకోవచ్చు..? నిపుణులు ఏం చెబుతున్నారో తెలుసుకుందాం.. ఆయుర్వేదం – ఆరోగ్య నిపుణుల అభిప్రాయం ప్రకారం.. ఖాళీ కడుపుతో టీ తాగడం వల్ల జీర్ణవ్యవస్థ, అసిడిటీ, జీవక్రియపై చెడు ప్రభావం చూపుతుంది. ఎందుకంటే టీలో కెఫిన్, టానిన్ అంశాలు ఆమ్లత్వాన్ని పెంచుతాయి. అందువల్ల, మీరు ఉదయం నిద్రలేచిన వెంటనే టీ తాగే అలవాటు ఉంటే, దానికి ముందు నీరు త్రాగడం మంచిది. దీనితో పాటు, టీ వేడిగా ఉంటే, అది ఆమ్ల స్థాయిని పెంచుతుంది.. అయితే.. ముందుగా తాగే నీరు కడుపులోని ఆమ్ల స్థాయిని పెంచదు..

టీ తాగే ముందు నీళ్లు తాగడం వల్ల అసిడిటీ తగ్గుతుందా?

ఖాళీ కడుపుతో టీ తాగే ముందు ఒక గ్లాసు నీరు తాగితే, నీరు శరీరంలోని ఆమ్లాన్ని పలుచన చేస్తుందని RML హాస్పిటల్‌లోని మెడిసిన్ విభాగానికి చెందిన డాక్టర్ సుభాష్ గిరి వివరిస్తున్నారు. ఇలా చేయడం ద్వారా, టీలో ఉండే కెఫిన్ ప్రభావం తగ్గుతుంది.. ఇది కడుపు చికాకును తగ్గిస్తుంది. నీరు త్రాగడం ద్వారా ఆమ్లతను పూర్తిగా తొలగించవచ్చని చెప్పడం తప్పు అయినప్పటికీ.. చాలా వరకు ఖాళీ కడుపుతో టీ తాగడం వల్ల కలిగే ఆమ్లతను ఖచ్చితంగా తగ్గించవచ్చు.. అని ఆయన వివరించారు.

ఖాళీ కడుపుతో టీ తాగే ముందు ఏదైనా తినండి లేదా తాగండి..

టీ తాగడం వల్ల అసిడిటీ వచ్చేవారు ముందుగా ఖాళీ కడుపుతో నీరు త్రాగాలని గ్యాస్ట్రోఎంటరాలజిస్టులు నమ్ముతారు.

మీకు కావాలంటే గోరువెచ్చని నీరు తాగండి. ఇది కడుపు pH స్థాయిని సమతుల్యంగా ఉంచుతుంది.

ఖాళీ కడుపుతో టీ తాగే ముందు మీరు తేలికపాటి అల్పాహారం లేదా ఏదైనా పండు తినడం మంచిది.

అల్పాహారం తర్వాత మాత్రమే టీ తాగడానికి ప్రయత్నించండి.

అసిడిటీ గురించి ఎక్కువగా ఫిర్యాదు చేసేవారు పాల టీకి బదులుగా హెర్బల్ టీ, గ్రీన్ టీ లేదా బ్లాక్ టీకి మారాలి.

ఇది కాకుండా, వీలైతే, మిల్క్ టీని పాలతో మరిగించకండి.. బదులుగా బ్లాక్ టీ తయారు చేసి దానికి వేడి పాలు జోడించి త్రాగండి.

కేవలం నీళ్లు తాగితే సరిపోతుందా?

నీరు త్రాగడం వల్ల ఉపశమనం లభిస్తుంది.. కానీ మీరు రోజంతా నూనె, కారంగా లేదా జంక్ ఫుడ్ తినడం.. కెఫిన్ తీసుకుంటే, అసిడిటీని పూర్తిగా వదిలించుకోవడం కష్టం. కాబట్టి మీ ఆహారపు అలవాట్లను మార్చుకుని ఆరోగ్యకరమైన జీవనశైలిని అలవర్చుకోవాలని వైద్య నిపుణులు సూచిస్తున్నారు.

మీకు ఏమైనా అనారోగ్య సమస్యలుంటే వైద్యలను సంప్రదించడం మంచిది.

మరిన్ని లైఫ్‌స్టైల్ వార్తల కోసం ఇక్కడ క్లిక్ చేయండి..