Ginger: అల్లం చేసే ఈ 6 అద్భుతాల గురించి తెలుసా..? తప్పక తెలుసుకోండి..

మనం వంటకాల్లో రుచి కోసం ఉపయోగించే అల్లం.. కేవలం సుగంధ ద్రవ్యం మాత్రమే కాదు.. అద్భుతమైన ఔషధ గుణాలున్న సహజ నివారణి. ఇందులో ఉండే ముఖ్యమైన యాంటిఆక్సిడెంట్స్, ముఖ్యంగా జింజెరాల్స్, మన శరీరానికి అనేక విధాలుగా మేలు చేస్తాయి. అల్లం అందించే 6 అద్భుతమైన ఆరోగ్య ప్రయోజనాలు ఇక్కడ ఉన్నాయి:

నోటి ఆరోగ్యం, ఫ్రెష్ శ్వాస

అల్లంలో ఉండే జింజెరాల్స్ నోటిలోని హానికరమైన బ్యాక్టీరియా పెరుగుదలను అడ్డుకుంటాయి. ఈ బ్యాక్టీరియాయే చిగుళ్ల ఇన్ఫెక్షన్లు, పీరియాంటల్ వ్యాధులకు కారణం. అల్లం తినడం వల్ల దుర్వాసన తొలగిపోయి, మీ శ్వాస తాజాగా మారుతుంది.

రోగనిరోధక శక్తికి బూస్ట్

అల్లంలో ఉండే బయోయాక్టివ్ సమ్మేళనాలు, ప్రత్యేకించి జింజెరాల్స్, బ్యాక్టీరియా, ఫంగస్‌తో పోరాడే శక్తిని కలిగి ఉంటాయి. దీని యాంటీఆక్సిడెంట్, యాంటీ ఇన్ఫ్లమేటరీ లక్షణాలు శరీర రోగనిరోధక శక్తిని పెంచుతాయి. అందుకే జలుబు, ఫ్లూ వంటి సమస్యలకు ఇది సమర్థవంతమైన నివారణగా పనిచేస్తుంది.

కండరాల నొప్పికి ఉపశమనం

వ్యాయామం చేసిన తర్వాత వచ్చే కండరాల నొప్పిని తగ్గించడంలో అల్లం చాలా ప్రభావవంతంగా పనిచేస్తుంది. పచ్చి అల్లం తినడం వల్ల శరీరంలో మంట తగ్గుతుంది., దీని ఫలితంగా కండరాల నొప్పి మరియు అలసట నుండి త్వరగా ఉపశమనం లభిస్తుంది.

జీర్ణశక్తి మెరుగు

పచ్చి అల్లం తినడం జీర్ణవ్యవస్థకు ఎంతో మేలు చేస్తుంది. ఇది జీర్ణ ప్రక్రియను మెరుగుపరచి, అజీర్ణం, గ్యాస్, కడుపు ఉబ్బరం వంటి సమస్యల నుండి ఉపశమనం అందిస్తుంది.

గుండెకు రక్షణ

అధ్యయనాల ప్రకారం.. అల్లం రక్త ప్రవాహాన్ని మెరుగుపరచడంలో సహాయపడుతుంది. అలాగే శరీరంలో ఉండే చెడు కొలెస్ట్రాల్ స్థాయిలను తగ్గిస్తుంది. దీని ద్వారా అల్లం మన గుండె ఆరోగ్యం మెరుగవడానికి చాలా బాగా తోడ్పడుతుంది.

పీరియడ్స్ నొప్పి నివారణ

పీరియడ్స్ సమయంలో వచ్చే నొప్పి నుండి ఉపశమనం పొందడంలో అల్లం చాలా అద్భుతంగా పనిచేస్తుంది. ఇందులో ఉండే జింజెరాల్ అనే సమ్మేళనం ఈ అసౌకర్యాన్ని తగ్గిస్తుంది. కాబట్టి ఆ సమయంలో నొప్పి నివారణ మాత్రలు వేసుకునే బదులు.. పచ్చి అల్లం నమలడం లేదా అల్లం టీ తాగడం వల్ల నొప్పి నుండి సహజంగా ఉపశమనం లభిస్తుంది. అందుకే, రోజువారీ ఆహారంలో అల్లాన్ని చేర్చుకోవడం ద్వారా ఈ అద్భుతమైన ఆరోగ్య ప్రయోజనాలను పొందవచ్చు.

(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్య రీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)

మరిన్ని లైఫ్ స్టైల్ న్యూస్ కోసం క్లిక్ చేయండి..