‘దిల్ బేచారా’ మూవీ ట్రైలర్ రికార్డులు.. సుశాంత్ ఒక్కడికే ఇది సాధ్యం..!
బాలీవుడ్ దివంగత నటుడు సుశాంత్ సింగ్ రాజ్పుత్ నటించిన చివరి చిత్రం 'దిల్ బెచారా'. ఇటీవల విడుదలైన ఈ సినిమా ట్రైలర్ సరికొత్త రికార్డులను క్రియేట్ చేస్తోంది.
Dil Bechara: బాలీవుడ్ దివంగత నటుడు సుశాంత్ సింగ్ రాజ్పుత్ నటించిన చివరి చిత్రం ‘దిల్ బేచారా’. ఈ సినిమా జూలై 24న ఓటీటీ ప్లాట్ఫాం డిస్నీ హాట్స్టార్లో విడుదల కాబోతోంది. 2014లో వచ్చిన హాలీవుడ్ మూవీ ‘ది ఫాల్ట్ ఇన్ అవర్ స్టార్స్’ ఆధారంగా ఈ చిత్రాన్ని కాస్టింగ్ డైరెక్టర్ ముకేశ్ ఛబ్రా తెరకెక్కించాడు. ఇటీవల విడుదలైన ఈ సినిమా ట్రైలర్ ప్రేక్షకులను విశేషంగా ఆకట్టుకుంటోంది. అంతేకాకుండా సరికొత్త రికార్డులను క్రియేట్ చేస్తోంది.
గడిచిన 24 గంటల్లో ఈ సినిమా ట్రైలర్ 20 మిలియన్ వ్యూస్ రాబట్టడమే కాకుండా.. 4.2 మిలియన్ లైక్స్ కూడా తెచ్చుకుంది. ఇక లైక్స్ విషయానికి వస్తే సుశాంత్ రెండు రికార్డులను తన ఖాతాలో వేసుకున్నాడు. ఈ ట్రైలర్కు కేవలం 14 నిమిషాల్లో 100k లైక్స్.. అలాగే 98 నిమిషాల్లోనే 1 మిలియన్ లైక్స్ దక్కించుకుంది. బాలీవుడ్ ఇండస్ట్రీలో ఇప్పటివరకు ఈ రికార్డును ఎవరు దక్కించుకోకపోవడం గమనార్హం. తన అభిమాన నటుడు స్మృతులు, జ్ఞాపకాలను గుర్తు తెచ్చుకుంటూ.. దిల్ బేచారా ట్రైలర్ను ఫ్యాన్స్ ట్రెండ్ చేస్తున్నారు. ఇప్పటికే ఈ ట్రైలర్ అవెంజర్స్ సిరీస్లో వచ్చిన ఇన్ఫినిటీ వార్, ఎండ్ గేమ్ మూవీస్ ట్రైలర్లను దాటేసింది. కాగా, మున్ముందు మరిన్ని రికార్డులను బీట్ చేయాలని ఫ్యాన్స్ సన్నద్ధం అయ్యారు. ఈ మూవీలో సుశాంత్ జోడిగా సంజన సంఘి నటించగా.. ఏఆర్ రెహ్మాన్ సంగీతం అందించాడు.