Sand: సముద్రం ఒడ్డున ఉండే ఇసుకను ఇళ్ల నిర్మాణానికి ఎందుకు వాడరు..? ఇదిగో క్లారిటీ
మీకు ఈ డౌట్ ఎప్పుడైనా వచ్చిందా..? సముద్రాల ఒడ్డున బోలెడంత ఇసుకు ఉంటుంది. కానీ దాన్ని ఎవరూ ముట్టుకోరు..? నిర్మాణాలను కోసం వినియోగించరు.. ఎందుకో తెల్సా..?
Updated on: Mar 27, 2023 | 1:13 PM
ఇల్లు కట్టి చూడు పెళ్లి చేసి చూడు అన్నారు పెద్దలు. రెండింటిలో ఉండే వ్యయప్రయాసలు అలాంటివి మరి. ఇప్పుడు ఒక మిడిల్ క్లాస్ వాడు ఇల్లు కట్టాలంటే.. అప్పటివరకు దాచుకున్న సొమ్ము మొత్తం ఖర్చు పెట్టాల్సిందే. అంతేకాదు.. కొద్దో, గొప్పో అప్పు తీసుకొచ్చి మరీ.. పెట్టాల్సి వస్తుంది. అంతగా ఇంటికి వాడే సామాగ్రి ఖర్చు పెరిగిపోయింది. ఇల్లు నిర్మాణంలో ప్రధాన భూమిక పోషించే.. ఇసుక ఖర్చు భారీగా పెరిగిపోయింది. పల్లెటూర్లు అయితే పర్లేదు కానీ సిటీల్లోకి ఇసుక తీసుకురావాలంటే ట్రాన్స్పోర్టేషన్ ఖర్చే వాసిపోతుంది. అయితే ఎక్కువగా మున్నేరు ప్రాంతాల నుంచి నదీ తీరాల నుంచే ఇసుకను సేకరిస్తారు.సముద్రం ఒడ్డున ఉండే ఇసుకను ఇంటి నిర్మాణానికి వాడరు.. ఎందుకో మీకు తెలుసా..? దానిపై మేము క్లారిటీ ఇవ్వబోతున్నాం. ఇందుకు ప్రధానంగా 3 కారణాలు ఉన్నాయి.
- సముద్ర ఇసుక మీద సాల్ట్ ఉంటుంది. దాన్ని వాడాలంటే మనం కడిగి వాడాల్సిన పరిస్థితి ఉంటుంది. అలా చేయని పక్షంలో.. సిమెంటుతో కలిపినప్పుడు అది నీరు అయిపోయి నీటి శాతం పెరిగిపోతుంది. నిర్మాణంలో ఇసుకను కడిగి వాడడం ఎంత కష్టమైన టాస్క్. అందుకనే సముద్రపు ఇసుకను నిర్మాణాలకు వాడరు.
- ఇక పోతే సముద్రపు ఇసుక చాలా సన్నగా.. అణువలు మాదిరిగా ఉంటుంది. అంత సన్నని ఇసుకలో సిమెంట్ కలిపితే సిమెంట్ స్లరీ జారిపోతుంది. పట్టు ఉండదు. అలా పట్టుకుని ఉండకపోతే మనకు నచ్చిన ఆకృతిలో మనం నిర్మాణాలను కట్టలేము.
- సముద్రపు ఇసుకలో అంత స్ట్రెంత్ ఉండదు. కెరటాలు తాకిడికి దానిలో ఉన్న సత్తువంతా తగ్గిపోతుంది. అటువంటి ఇసుక మన నిర్మాణానికి అస్సలు మంచిది కాదు.
(ఈ సమాచారం సివిల్ ఇంజనీర్ పేరేప సూర్య ప్రకాశ శర్మ గారి నుంచి సేకరించబడింది)
మరిన్ని ట్రెండింగ్ వార్తల కోసం ఇక్కడ క్లిక్ చేయండి..
