Blended Cooking Oil: ఆరోగ్యాన్ని అందించే వంట నూనె.. గుండె జబ్బుల నుంచి ఎన్నో సమస్యలకు చెక్..

ఆధునిక కాలంలో ఎన్నో సమస్యలు చుట్టుముడుతున్నాయి. అనారోగ్యకరమైన జీవనశైలీ, ఆహారం కారణంగా చాలామంది పలు వ్యాధుల బారిన పడుతున్నారు. ఈ వ్యాధుల్లో గుండెపోటు అత్యంత భయాన్ని కలిగిస్తోంది.

Blended Cooking Oil: ఆరోగ్యాన్ని అందించే వంట నూనె.. గుండె జబ్బుల నుంచి ఎన్నో సమస్యలకు చెక్..
Blended Cooking Oils
Shaik Madarsaheb

|

Sep 25, 2022 | 6:00 AM

Oil For Healthy Heart: ఆధునిక కాలంలో ఎన్నో సమస్యలు చుట్టుముడుతున్నాయి. అనారోగ్యకరమైన జీవనశైలీ, ఆహారం కారణంగా చాలామంది పలు వ్యాధుల బారిన పడుతున్నారు. ఈ వ్యాధుల్లో గుండెపోటు అత్యంత భయాన్ని కలిగిస్తోంది. ఇతర వ్యాధులలో కోలుకోవడానికి సమయం ఉంటుంది. కానీ కొన్నిసార్లు గుండెపోటు తీవ్రంగా మారినా, కార్డియాక్ అరెస్ట్ లాంటి సమస్యలు వచ్చినా జీవించడం కష్టం. గుండెపోటుకు అనేక కారణాలు ఉన్నప్పటికీ వాటిలో ఒకటి చెడు కొలెస్ట్రాల్ పెరుగుదల. చెడు కొలెస్ట్రాల్ రావడానికి చాలా కారణాలు ఉన్నాయి. అయితే, ప్రధాన కారణాలలో ఒకటి నూనె. ఏ నూనె తినాలి, ఎంత తినాలి, ఏ రూపంలో తీసుకోవాలి, ఎలాంటి నూనె హాని చేయదు అనే సందేహాలు చాలామందిలో మెదులుతుంటాయి.

ఈ భయం వల్లనే చాలా కంపెనీలు.. బ్రాండ్ ల పేరుతో దోచుకుంటున్నాయి. ఈ నూనె తింటే కొలెస్ట్రాల్ పెరగదని, గుండెకు మంచిదంటూ యాడ్ ఇచ్చి సొమ్ము చేసుకుంటున్నాయి. అయితే, మన శరీరానికి సరైన కొవ్వు మోతాదు చాలా ముఖ్యం అని వైద్యులు చెబుతున్నారు. కొవ్వు అనేది శరీరం సరైన పనితీరు కోసం శరీరానికి అవసరమైన స్థూల పోషకం. మీరు కూడా నూనె మంచి నూనెను ఉపయోగించి.. హానిని నివారించాలనుకుంటే బ్లెండెడ్ ఆయిల్ ప్రయత్నించాలంటూ నిపుణులు సలహా ఇస్తున్నారు.

బ్లెండెడ్ ఆయిల్ అంటే ఏమిటి..?

బ్లెండెడ్ ఆయిల్‌లో రెండు లేదా అంతకంటే ఎక్కువ ఎడిబుల్ ఆయిల్‌లను కలిపి తర్వాత తినడానికి ఉపయోగిస్తారు. ఆలివ్, కనోలా, ఆవాలు, కొబ్బరి, నువ్వులు లేదా పొద్దుతిరుగుడు నూనెలను కలిపి ఈ నూనె బ్లెండెడ్ ఆయిల్‌ను తయారుచేస్తారు. ఈ నూనె కొవ్వు ఆమ్లాలను సమతుల్యం చేస్తుంది. ఇంకా చెడు కొలెస్ట్రాల్‌ను కూడా తగ్గిస్తుంది. ఈ నూనె స్మోక్ పాయింట్ ఎక్కువగా ఉంటుంది. అంటే వేగంగా వేడి చేసిన తర్వాత కూడా పోషకాలు అలానే ఉంటాయి.

బ్లెండెడ్ ఆయిల్ ప్రయోజనాలు..

ఇవి కూడా చదవండి

  • ఎక్కువ మొత్తంలో నూనె తినడం వల్ల శరీరంలో సంతృప్త కొవ్వు పెరుగుతుంది. దీని కారణంగా చెడు కొలెస్ట్రాల్ పేరుకుపోతుంది. ఇది అధిక రక్తపోటుకు కూడా కారణం అవుతుంది. బ్లెండెడ్ ఆయిల్స్‌లోని పాలీ, మోనోశాచురేటెడ్ ఫ్యాటీ యాసిడ్‌లు గుండెకు హాని కలిగించని విధంగా సర్దుబాటు చేస్తాయి.
  • ముఖ్యంగా భారతీయ ఆహారంలో ఉపయోగించే నూనెను అధిక వేడి మీద వండుతారు. బ్లెండెడ్ ఆయిల్ ప్రయోజనం ఏమిటంటే అధిక వేడి మీద వండినప్పుడు కూడా ఇది హాని చేయదు. అధిక స్మోక్ పాయింట్ వస్తుంది.. కానీ ప్రక్రియలో వారి పోషక విలువలను మాత్రం కోల్పోరు.
  • బ్లెండెడ్ ఆయిల్‌లో కొవ్వు ఆమ్లాల నిష్పత్తి చెడు కొలెస్ట్రాల్‌ను తగ్గిస్తుంది. మంచి కొలెస్ట్రాల్‌ను పెంచుతుంది. ఇది గుండెను ఆరోగ్యంగా ఉంచుతుంది.
  • బ్లెండెడ్ ఆయిల్‌లో యాంటీ ఇన్‌ఫ్లమేటరీ ఎలిమెంట్ కూడా ఎక్కువగా ఉంటుంది. యాంటీ ఇన్‌ఫ్లమేటరీ మన శరీరంలో చికాకు, వాపు లేదా నొప్పి సమస్యను తగ్గిస్తుంది.

మరిన్ని హెల్త్ వార్తల కోసం  ఇక్కడ క్లిక్ చేయండి..

లేటెస్ట్ న్యూస్ హైలెట్స్ చూడండి

Follow us on

Related Stories

Most Read Stories

Click on your DTH Provider to Add TV9 Telugu