Body Smell: శరీరం, నోటి నుంచి దుర్వాసన వస్తుందా..? అయితే, ఇలా చేస్తే సింపుల్‌గా చెక్ పెట్టొచ్చు..
ఉదర సమస్యలు, అజీర్ణం, డయాబెటిస్, పలు సమస్యల కారణంగా నోటి నుంచి వాసన వస్తుంటుంది. శరీర దుర్వాసనకు మనం పెర్ఫ్యూమ్ లను ఉపయోగించడం ద్వారా కవర్ చేయవచ్చు.
Updated on: Aug 18, 2022 | 9:14 PM
Natural Remedies For Body Smell: చెమట కారణంగా శరీరం నుంచి దుర్వాసన వస్తుంది. ఇది మీ శరీర ఉష్ణోగ్రతను నియంత్రించడంలో సహాయపడే సహజ ప్రక్రియ. ఇంకా శరీరంలో ఎటువంటి అనారోగ్య సమస్య ఉన్నా నోటి నుంచి దుర్వాసన వస్తుంది. ఉదర సమస్యలు, అజీర్ణం, డయాబెటిస్, పలు సమస్యల కారణంగా నోటి నుంచి వాసన వస్తుంటుంది. శరీర దుర్వాసనకు మనం పెర్ఫ్యూమ్ లను ఉపయోగించడం ద్వారా కవర్ చేయవచ్చు. కానీ నోటి దుర్వాసనను అలా అరికట్టలేం. వీటి వల్ల మనం తరచుగా ఇబ్బందులు పడాల్సి వస్తుంది. సాధారణంగా శరీరం చెమట పట్టిన తర్వాత బాక్టీరియా కారణంగా దుర్వాసన మొదలవుతుంది. ఇలాగే కొనసాగితే బాక్టీరియా వల్ల మనం వ్యాధుల బారిన పడే అవకాశం ఉంది. ఈ సమస్య నుంచి బయటపడాలంటే మనం ఏం చేయాలో ఇప్పడు తెలుసుకుందాం.
కొబ్బరి నూనె: కొబ్బరి నూనెను ఆయుర్వేద మూలికలను తయారు చేయడానికి ఉపయోగిస్తారు. గాయాలను నయం చేయడానికి కొబ్బరి నూనెను ఉపయోగిస్తాము. ఎందుకంటే ఇలా చేయడం వల్ల గాయంపై బ్యాక్టీరియా కూర్చోదు. గాయం కూడా తక్కువ సమయంలో నయమవుతుంది. అందుకే కొబ్బరినూనెను రోజూ వాడాలి. కొబ్బరి నూనెలో యాంటీమైక్రోబయల్ గుణాలు ఉన్నాయి. ఇవి శరీరం నుంచి చెడు వాసనను రానివ్వవు.
నిమ్మకాయను చంకలకు అప్లై చేయండి: నిమ్మకాయ సహజమైన క్రిమినాశక మందు. దీన్ని తీసుకోవడం కూడా శరీరానికి మేలు చేస్తుందని భావిస్తారు. ఇది నోటి దుర్వాసనను నివారిస్తుంది. చర్మంపై పేరుకుపోయిన బ్యాక్టీరియాను తొలగించడానికి పనిచేస్తుంది. అలాగే నిమ్మకాయ శరీరంలోని బ్యాక్టీరియాతో సహా హానికరమైన టాక్సిన్స్‌ను తొలగిస్తుంది. అందువల్ల, స్నానం చేసేటప్పుడు నీటిలో నిమ్మరసం వేసి చేయండి. ఇంకా చంకలపై కూడా అప్లై చేసి శుభ్రం చేసుకోవడం ద్వారా దుర్వాసనను అరికట్టవచ్చు.
మెంతులు: మెంతులు తీసుకోవడం ద్వారా మీ బరువు వేగంగా తగ్గిపోతుంది. అలాగే ప్రజలు శరీరాన్ని నిర్విషీకరణ చేయడానికి మెంతి పానీయాలను తీసుకుంటారు. మెంతి గింజలు యాంటీఆక్సిడెంట్ లక్షణాలను కలిగి ఉంటాయి. ఇది శరీరంలోని బ్యాక్టీరియాను తొలగించడానికి పనిచేస్తుంది. మీరు ప్రతిరోజూ ఈ పానీయాలను తీసుకుంటే, మీ చెమట వాసన ఆగిపోతుంది.
మరిన్ని హెల్త్ వార్తల కోసం ఇక్కడ క్లిక్ చేయండి..
