Monkeypox: ప్రమాదకరంగా మారుతున్న మంకీపాక్స్.. లక్షణాలు ఎలా ఉన్నాయంటే..?
Monkeypox: కరోనా నుంచి ప్రపంచం పూర్తిగా కోలుకోనేలేదు. ఇప్పుడు మరో తీవ్రమైన వ్యాధి ప్రజల జీవితాలని ఆగంచేస్తుంది. మీరు చికెన్ పాక్స్ పేరు వినే ఉంటారు కానీ ఇప్పుడు కోతుల నుంచి
Updated on: May 24, 2022 | 4:01 PM
Monkeypox: కరోనా నుంచి ప్రపంచం పూర్తిగా కోలుకోనేలేదు. ఇప్పుడు మరో తీవ్రమైన వ్యాధి ప్రజల జీవితాలని ఆగంచేస్తుంది. మీరు చికెన్ పాక్స్ పేరు వినే ఉంటారు కానీ ఇప్పుడు కోతుల నుంచి వచ్చిన మంకీ పాక్స్ వేగంగా విస్తరిస్తోంది. ఆరోగ్య నివేదికల ప్రకారం.. ఈ వ్యాధి సోకిందంటే శరీరంపై దద్దుర్లు ఏర్పడుతాయి. ఇది మొదట నోటిపై కనిపిస్తుంది. అమెరికా, యూరప్లలో ఈ వ్యాధి విజృంభించడంతో అక్కడి శాస్త్రవేత్తలు తీవ్ర ఆందోళనకు గురవుతున్నారు. భారతదేశంలో ఇప్పటివరకు ఎటువంటి కేసు నమోదు కాలేదు. అయితే ప్రపంచంలోని అనేక దేశాలలో చాలా కేసులు నమోదవుతున్నాయి.
నివేదికల ప్రకారం ఈ వ్యాధి అమెరికాతో పాటు బ్రిటన్, ఇటలీ, స్వీడన్, పోర్చుగల్, స్పెయిన్లకు విస్తరించింది. వాస్తవానికి ఇది యునైటెడ్ కింగ్డమ్ నుంచి ఉద్భవించిందని అందరు చెబుతున్నారు. ప్రపంచ ఆరోగ్య సంస్థ (WHO) కూడా ఈ వ్యాధిపై తీవ్ర ఆందోళన వ్యక్తం చేస్తోంది. మంకీపాక్స్ లక్షణాలు, తదితర విషయాల గురించి మరిన్ని విషయాలు తెలుసుకుందాం. 1958 లో ఈ వ్యాధి మొదట కోతులలో కనిపించింది. అప్పటి నుంచి దీనిని మంకీ-పాక్స్ అని పిలుస్తున్నారు. కానీ మానవులలో మొదటి కేసు 1970లో తెరపైకి వచ్చింది.
ఈ వ్యాధి సోకినప్పుడు అధిక జ్వరం, తలనొప్పి, వాంతులు వంటి లక్షణాలు ఉంటాయి. మొదట జ్వరం లక్షణాలు కనిపిస్తాయి. ఆ తర్వాత శరీరంపై దద్దుర్లు ఏర్పడుతాయని పలు పరిశోధనల్లో వెల్లడైంది. ఈ లక్షణాలు 7 నుంచి 14 రోజులు ఉంటాయి. జ్వరం వచ్చిన తర్వాత 1 నుంచి 3 రోజులలో రోగికి దద్దుర్ల సమస్య మొదలవుతుంది. అవి మొదట నోటిపై ఏర్పడుతాయి. క్రమంగా ఈ దద్దుర్లు శరీరం మొత్తం వ్యాపిస్తాయి. ఇవి చాలా నొప్పిగా ఉంటాయి. మంకీపాక్స్ని గుర్తించడానికి అనేక పరీక్షలు చేస్తున్నారు. వాటిలో ఒకటి పాలిమరేస్ చైన్ రియాక్షన్ (PCR). దీనిని ఒక రకమైన DNA పరీక్ష అంటారు.
గమనిక :- అధ్యయనాలు.. ఆరోగ్య నిపుణుల సూచనలు.. ఇతర ఆరోగ్య సంబంధిత నివేదికల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన సమస్యలపట్ల నిర్ణయాలను తీసుకునే ముందు వైద్యులను సంప్రదించండి.
మరిన్ని హెల్త్ వార్తల కోసం ఇక్కడ క్లిక్ చేయండి
