Methi Water: మెంతుల నీటితో షుగర్ కంట్రోల్‌..! దీని ఆరోగ్య ప్రయోజనాలు, ఎలా తయారు చేయాలో తెలుసుకోండి..
డయబెటీస్ (మధుమేహం)తో బాధపడేవారు రోజూ మెంతుల నీటిని తాగితే చక్కెర స్థాయిలు నియంత్రణలో ఉంటాయి.
Updated on: Aug 22, 2022 | 12:22 PM
Methi water can control diabetes: మెంతులలో అనేక ఔషధగుణాలు ఉన్నాయని మనందరికీ తెలిసిందే. అందుకే మెంతుల్ని పచ్చళ్లు, పుసులులు, పోపుల్లో ఎక్కువగా వాడుతుంటారు. వాటిని డైరెక్టుగా వాడినా, నానబెట్టి వాడినా, మెలకల రూపంలో తీసుకున్నా… పొడి చేసి వాడినా… ఎలాగైనా ప్రయోజనమే. మెంతి గింజల్లో శరీరానికి కావాల్సిన పోషకాలు, విటమిన్లు అధికంగా ఉంటాయి. ఇవి శరీరానికి కావాల్సిన పోషకాలు అందిస్తాయి. మెంతులు చర్మం మెరిసేలా చేయడంలో, జట్టు పెరిగేందుకు ఎంతగానో ఉపయోగపడతాయి.ఇకపోతే, ఉదయం పరగడుపున మెంతి గింజల నీటిని తాగడం వల్ల శరీరంలోని మలినాలను బయటకు పంపుతుంది. ముఖ్యంగా మధుమేహం ఉన్న వారికి ఎంతగానో మేలు జరుగుతుంది. ఆ ఉపయోగాలేంటో తెలుసుకుందాం..
డయబెటీస్ (మధుమేహం)తో బాధపడేవారు రోజూ మెంతుల నీటిని తాగితే చక్కెర స్థాయిలు నియంత్రణలో ఉంటాయి. మధుమేహం అనేది ప్రపంచవ్యాప్తంగా వేదిస్తున్న ఒక సాధారణ అనారోగ్య సమస్య. రక్తంలో చక్కెర స్థాయిలను నియంత్రించడానికి శరీరం తగినంత ఇన్సులిన్‌ను సృష్టించలేకపోవడం వల్ల ఇది సంభవిస్తుంది. వ్యాధిని దాని ప్రాథమిక మూలంలోనే నియంత్రించుకోవటానికి.. వైద్యులు, నిపుణులు వివిధ రకాల ఆహార,జీవనశైలి నియమాలను సూచించారు. చక్కెరతో కూడిన ఆహారాలు, పానీయాలను నివారించడం కాకుండా, రక్తంలో చక్కెర స్థాయిలను నియంత్రించడంలో సహాయపడే అనేక చికిత్సలు ఉన్నాయి. అందులో భాగంగానే మెంతి నీరు కూడా మధుమేహ వ్యాధిగ్రస్తులకు మేలు చేస్తుందని నిపుణులు సూచిస్తున్నారు. నిపుణులు సూచించిన పానీయం.. ఇది రక్తంలో చక్కెర స్థాయిలను నియంత్రించడంలో,దీర్ఘకాలంలో మధుమేహాన్ని నిర్వహించడంలో సహాయపడుతుంది.
బెంగళూరుకు చెందిన ప్రముఖ డైటిషీయన్‌ డాక్టర్ల మాట్లాడుతూ..రక్తంలో చక్కెర స్థాయిలను నియంత్రించడంలో మెంతులు అద్భుతమైనవి. ఇది ఇన్సులిన్ నిరోధకతను ఎదుర్కోవడంలో సహాయపడుతుంది. మెంతి గింజల్లో కరిగే ఫైబర్ కూడా పుష్కలంగా ఉంటుంది, అంటే అవి చక్కెర శోషణను నెమ్మదిస్తాయి. ఇందులో సోడియం, జింక్, ఫాస్పరస్, ఫోలిక్ యాసిడ్, ఐరన్, కాల్షియం, మెగ్నీషియం, పొటాషియం, విటమిన్లు ఎ, బి, సి వంటి ఖనిజాలు ఉంటాయి. అంతే కాకుండా ఇందులో ప్రొటీన్లు, స్టార్చ్, షుగర్, ఫాస్పోరిక్ యాసిడ్ వంటి పోషకాలు పుష్కలంగా ఉన్నాయి. ఇది రక్తంలో చక్కెర స్థాయిని నియంత్రించడమే కాకుండా, బరువును తగ్గిస్తుంది మరియు అనేక వ్యాధుల నుండి రక్షిస్తుంది.
మెంతి నీటిని తయారు చేయడానికి, ఒక టీస్పూన్ మెంతి గింజలను రాత్రంతా నీటిలో నానబెట్టండి. విత్తనాలను జల్లెడ పట్టి, మరుసటి రోజు ఉదయం ఖాళీ కడుపుతో నీటిని త్రాగాలి. ఏ ఇతర ఆహారపదార్థాలు తీసుకోకుండా,ఉదయాన్నే నేరుగా ఈ మెతి వాటర్‌ తీసుకుంటే ఉత్తమంగా పనిచేస్తుంది.
మరిన్ని హెల్త్ బెనిఫిట్స్ కోసం ఇక్కడ క్లిక్ చేయండి
