Jaggery Benefits: బెల్లంతో బోలెడన్ని ప్రయోజనాలు.. ఈ 5 వ్యాధులకు చక్కటి పరిష్కారం.!
Jaggery Benefits: ఎన్నో పోషకాలు కలిగిన బెల్లం ఆరోగ్యానికి ఎంతో మంచిది. బెల్లం నేరుగా తిన్నా, లేదా దానితో తయారైన ఆహార పదార్ధాలను తీసుకున్నా శరీరానికి..
Ravi Kiran | Edited By: Anil kumar poka
Updated on: Sep 23, 2021 | 5:08 PM
ఎన్నో పోషకాలు కలిగిన బెల్లం ఆరోగ్యానికి ఎంతో మంచిది. బెల్లం నేరుగా తిన్నా, లేదా దానితో తయారైన ఆహార పదార్ధాలను తీసుకున్నా శరీరానికి కావాల్సిన మోతాదులో ఐరన్, పోషకాలు లభిస్తాయి. పూర్వకాలంలో ప్రజలు విరివిగా స్వీట్లు తినేవారు. ఎక్కువగా బెల్లం లేదా ఖండ్ లాంటివి తీసుకునేవారు. ఆ సమయంలో అందరూ కష్టపడి పని చేసేవారికి కాబట్టి ఎక్కువగా అనారోగ్య సమస్యల బారిన పడేవారు కాదు. శారీరకంగా ఎక్కువ శ్రమ పడేవారు కాబట్టి.. అదనపు క్యాలరీలు కరిగిపోయేవి. అయితే ఇప్పుడు బెల్లం స్థానంలో అందరూ చక్కెరను వినియోగిస్తున్నారు. నిజానికి బెల్లం ఎంతో ప్రయోజనకరం. పరిమితంగా తీసుకుంటే ఎన్నో అనారోగ్య సమస్యలను దూరం చేస్తుంది.
బెల్లం వల్ల కలిగే ప్రయోజనాలను తెలుసుకోండి..
1. రక్తహీనతను నివారిస్తుంది
ఐరన్ లోపాన్ని అధిగమించాలంటే బెల్లం తినాలి. అంతేకాకుండా రక్తహీనతను నివారించేందుకు బెల్లం ఎంతగానో ఉపయొగపడుతుంది. బెల్లం శరీరంలోని హిమోగ్లోబిన్‌ స్థాయిని పెంచి.. రక్తహీనత వంటి సమస్యలను నివారిస్తుంది.
2. బరువు తగ్గడంలో సహాయపడుతుంది
చక్కెరతో పోలిస్తే బెల్లంలో క్యాలరీలు చాలా తక్కువగా ఉంటాయి, కాబట్టి బరువు తగ్గాలని చూస్తున్నవారికి ఇది గొప్ప ఔషధం. అలాగే బెల్లం వల్ల ఉబ్బరం వంటి సమస్య నుంచి కూడా ఉపశమనం పొందొచ్చు. రోజూ బెల్లం తినడం వల్ల బరువును అదుపులో ఉంచుకోవచ్చు.
3. జీర్ణవ్యవస్థను మెరుగుపరుస్తుంది
భోజనం చేసిన అనంతరం కొద్దిగా బెల్లం తింటే, ఆహారం సులభంగా జీర్ణమవుతుంది. బెల్లం విటమిన్, ఖనిజ ఎలక్ట్రోలైట్ సమతుల్యతను కాపాడటమే కాకుండా, జీవక్రియను మెరుగుపరచడంలో సహాయపడుతుంది. ఫైబర్, ప్రోటీన్, ఇతర ముఖ్యమైన పోషకాలు అధికంగా ఉన్న బెల్లం రోజూ తింటే.. మీ జీర్ణవ్యవస్థ మెరుగుపడుతుంది. వాంతులు, గ్యాస్, అజీర్ణం వంటి సమస్యలు కూడా దూరమవుతాయి.
4. రక్తాన్ని శుద్ధి చేస్తుంది
బెల్లం తినడం వల్ల రక్తం శుద్ధి కావడమే కాకుండా శరీరంలోని విషపూరితమైన పదార్ధాలను తొలగిస్తుంది. రోజూ క్రమం తప్పకుండా బెల్లం తింటే జలుబు, శారీరక బలహీనత వంటి సమస్యలు కూడా తొలగిపోతాయి.
5. ఎముకలను గట్టి పరుస్తుంది
కాల్షియం, భాస్వరం బెల్లంలో పుష్కలంగా ఉంటాయి. ఈ రెండు పోషకాలు ఎముకలను గట్టి పరుస్తాయి. బెల్లంతో పాటు అల్లం కూడా ప్రతీరోజూ సేవిస్తే, కీళ్ల నొప్పుల నుంచి ఉపశమనం పొందొచ్చు.
Read Also: ఈ ఫోటోలోని జింకను కనిపెట్టండి.. మీ మెదడుకు మేత వేయండి.. ఈజీగా కనిపెట్టొచ్చు..
గాల్లో ఢీకొన్న రెండు విమానాలు.. దూకేసిన ప్రయాణీకులు.. చివరికి ఏం జరిగిందంటే.!
గజరాజుకు కోపమొస్తే ఇంతేనేమో.. అడవి దున్నను కుమ్మేసిందిగా.. వీడియో చూస్తే ఆశ్చర్యపోతారంతే.!
