Woolen Clothes For Winter: రాత్రిళ్లు ఉన్ని దుస్తులు ధరించి నిద్రపోతున్నారా? అయితే ఈ విషయం తప్పక తెలుసుకోండి..
శీతాకాలంలో చల్లిన గాలులు ఆరోగ్యాన్ని ప్రభావితం చేస్తాయి. చలికాలంలో శరీరం వెచ్చగా ఉండాలంటే ఉన్ని దుస్తులు తప్పనిసరిగా ధరించాలి. కానీ ఈ కాలంలో మనం చేసే కొన్ని తప్పులు లేనిపోని సమస్యలను తెచ్చిపెడతాయి. చలి నుంచి శరీరాన్ని వెచ్చగా ఉంచుకోవడం కష్టమే అయినప్పటికీ చాలా మంది రాత్రి పడుకునేటప్పుడు ఉన్ని బట్టలు వేసుకుని నిద్రపోతారు. కానీ ఈ చిన్న పొరపాటు, మన శరీరాన్ని తీవ్ర అనారోగ్యానికి గురి చేస్తుందనే విషయం చాలా మందికి తెలియదు. నిపుణుల అభిప్రాయం ప్రకారం....
Updated on: Dec 17, 2023 | 8:28 PM
శీతాకాలంలో చల్లిన గాలులు ఆరోగ్యాన్ని ప్రభావితం చేస్తాయి. చలికాలంలో శరీరం వెచ్చగా ఉండాలంటే ఉన్ని దుస్తులు తప్పనిసరిగా ధరించాలి. కానీ ఈ కాలంలో మనం చేసే కొన్ని తప్పులు లేనిపోని సమస్యలను తెచ్చిపెడతాయి. చలి నుంచి శరీరాన్ని వెచ్చగా ఉంచుకోవడం కష్టమే అయినప్పటికీ చాలా మంది రాత్రి పడుకునేటప్పుడు ఉన్ని బట్టలు వేసుకుని నిద్రపోతారు. కానీ ఈ చిన్న పొరపాటు, మన శరీరాన్ని తీవ్ర అనారోగ్యానికి గురి చేస్తుందనే విషయం చాలా మందికి తెలియదు. నిపుణుల అభిప్రాయం ప్రకారం.. ఉన్ని బట్టలు ధరించి నిద్రపోవడం వల్ల శీతాకాలంలో మన రక్త ప్రసరణ తగ్గిపోతుంది. ఉన్ని దుస్తులు ధరించి పడుకోవడం వల్ల మన శరీరం వేడెక్కుతుంది. ఇది తక్కువ రక్తపోటుకు దారితీస్తుంది.
రక్త ప్రసరణకు ఆటంకం
రాత్రిపూట స్వెటర్‌లో పడుకోవడం వల్ల చలి నుంచి మిమ్మల్ని కాపాడుకోవచ్చు. అయితే ఇది శరీరంలో రక్త ప్రసరణకు ఆటంకం కలిగిస్తుంది. నిద్రపోయేటప్పుడు వెచ్చని ఉన్ని బట్టలు ధరించడం వల్ల శరీరంలో రక్త ప్రసరణ సక్రమంగా జరగకుండా నిరోధిస్తుంది. ఇది రక్తం గడ్డకట్టే రుగ్మతలతో సహా వివిధ సమస్యలను దారితీస్తుంది.
ఉన్ని అలెర్జీలకు కారణం కావచ్చు
ఉన్నిని డీ-ఆయిల్ చేసిన తర్వాత, దానిని శుభ్రం చేయడానికి రసాయనాలను ఉపయోగిస్తారు. ఉన్నికి రంగు వేయడానికి సాధారణంగా రంగులను ఉపయోగిస్తారు. రసాయనాలు, రంగుల మిశ్రమంతో తయారు చేసిన ఉన్ని బట్టలు ధరించడం వల్ల చర్మానికి అసౌకర్యాన్ని కలిగిస్తుంది. దీని దుష్ప్రభావాలలో దురద, వాపు, కళ్ళు ఎర్రబడటం వంటి సమస్యలు తలెత్తుతాయి. దద్దుర్లు, ఆర్థరైటిస్ కూడా సంభవించవచ్చు.
శరీర సాధారణ ఉష్ణోగ్రతకు ఆటంకం
చలికాలంలో రాత్రిపూట ఉన్ని దుస్తులతో నిద్రపోవడం వల్ల నిద్రపోయే సమయంలో సాధారణ శరీర ఉష్ణోగ్రత దెబ్బతింటుంది. అధిక శరీర ఉష్ణోగ్రత కూడా సమస్యలను కలిగిస్తుంది.
రాత్రి పూట సాక్స్ ధరించి నిద్రపోకూడదు
శుభ్రమైన దుప్పటి కప్పుకుని పడుకోవడం వల్ల ఎలాంటి ఇబ్బంది ఉండదు. అయితే రాత్రి పూట సాక్స్ వేసుకుని పడుకోవడం మాత్రం అంత మంచిది కాదు. ఇది శరీర వేడి సమతుల్యతను దెబ్బతీస్తుంది.
మరిన్ని ఆరోగ్య సంబంధిత కథనాల కోసం క్లిక్‌ చేయండి.
