Dog Bite Diseases: కుక్క కాటు వల్ల ఎలాంటి వ్యాధులు వచ్చే ప్రమాదం ఉంది?

Dog Bite Diseases: కుక్క కాటు కేసులు మనదేశంలో అధికంగానే నమోదవుతున్నాయి. కుక్క కరవడం వల్ల రేబిస్ వ్యాధి బారిన పడిన వారి సంఖ్య అధికంగానే ఉంది. దాని వల్ల ఎంతో మంది ప్రాణాలు కోల్పోతున్నారు. కుక్కలను ఇంట్లోనే ప్రేమగా పెంచుకునే వారు ఎక్కువ. వాటితో కలిసి జీవిస్తున్నారు. కుక్కలతో ఆడుకోవడం ఇష్టమైన వాళ్లు ప్రతిరోజూ దానితో కొంత సమయం గడుపుతారు. ఆ సమయంలో కుక్క తన యజమానికి నాలుకతో నాకడం వంటి పనులు చేస్తుంది. నాలుకలోని లాలాజలంలో రేబిస్ క్రిములు ఉంటాయి. కాలిపై గాయాలు, కోతలు ఉన్నప్పుడు కుక్క పొరపాటున అక్కడే నాలుకతో తాకితే రేబిస్ క్రిములు శరీరంలోకి ప్రవేశించే అవకాశం ఉందన్న భయం ఎక్కువ మందికే ఉందని నిపుణులు హెచ్చరిస్తున్నారు.

ఇది కూడా చదవండి: Mukesh Ambani: ముఖేష్ అంబానీ సంపాదన నిమిషానికి 2.35 లక్షలు.. రోజుకు ఎంతో తెలిస్తే బిత్తరపోతారు!

కుక్కను మనిషికి ప్రాణ స్నేహితుడు అంటారు. కానీ అదే కుక్క మిమ్మల్ని కరిస్తే అది జీవితాంతం ఇబ్బందులకు గురి చేస్తుంది. ఈ మధ్య కాలంలో కుక్కలపై వివాదం మరింతగా ముదురుతోంది. తరచుగా ప్రజలు కుక్క కాటును తేలికగా తీసుకుంటారు. వాస్తవం ఏమిటంటే కుక్క కాటు అనేక ప్రమాదకరమైన వ్యాధుల ప్రమాదాన్ని పెంచుతుందని నిపుణులు చెబుతున్నారు. కుక్క మిమ్మల్ని కరిస్తే, 24 గంటల్లోపు మొదటి ఇంజెక్షన్ తీసుకోవడం అవసరం.

ఇవి కూడా చదవండి

రూ.100, 200 నోట్లపై ఆర్బీఐ కీలక నిర్ణయం.. బ్యాంకులకు కీలక ఆదేశాలు

విద్యార్థులకు తీపి కబురు.. తెలుగు రాష్ట్రాల్లో బుధవారం పాఠశాలలు బ

వచ్చేస్తోంది భారీ సేల్‌.. ఫ్లిప్‌కార్ట్ బిగ్ బిలియన్ డేస్ ఎప్పుడు

ఆ ఒక్క అమ్మాయి కోసమే ఏళ్ల తరబడి రైలు ఆగింది.. ఎందుకో తెలుసా?

1. రేబీస్: కుక్క కాటు వల్ల కలిగే అతి పెద్ద ప్రమాదం రేబీస్. ఈ వైరస్ మెదడు, నాడీ వ్యవస్థను దాడి చేస్తుంది. సకాలంలో ఇంజెక్షన్ ఇవ్వకపోతే అది ప్రాణాంతకం కావచ్చు.
2. ధనుర్వాతం: కుక్క దంతాలు, గోళ్లపై ఉండే బాక్టీరియా గాయం ద్వారా శరీరంలోకి ప్రవేశించి ధనుర్వాతానికి కారణమవుతుంది. దీనివల్ల కండరాలు దృఢంగా మారడం, శ్వాస తీసుకోవడంలో ఇబ్బంది కలుగుతుంది.
3. బాక్టీరియల్ ఇన్ఫెక్షన్: కుక్క నోటిలో ఉండే బాక్టీరియా గాయంలోకి ప్రవేశించి వాపు, ఎరుపు, చీముకు కారణమవుతుంది. కొన్నిసార్లు ఈ ఇన్ఫెక్షన్ శరీరం అంతటా వ్యాపించి సెప్సిస్ ప్రమాదాన్ని కలిగిస్తుంది.
4. చర్మ అలెర్జీ, చికాకు: కొంతమందికి కుక్క కాటు తర్వాత చర్మంపై అలెర్జీ ప్రతిచర్య ఉండవచ్చు. ఇది దురద, ఎర్రటి దద్దుర్లు, గాయం చుట్టూ తీవ్రమైన చికాకును కలిగిస్తుంది.
5. ఇంజెక్షన్ ఎప్పుడు తీసుకోవాలి: వైద్యుల అభిప్రాయం ప్రకారం.. కుక్క కాటు వేసిన 24 గంటల్లోపు మొదటి రేబిస్ ఇంజెక్షన్ తీసుకోవడం అవసరం. ఆలస్యం చేయడం వల్ల శరీరంలో వైరస్ వ్యాప్తి చెందుతుంది.
6. ఎన్ని ఇంజెక్షన్లు అవసరం: సాధారణంగా రేబిస్‌ను నివారించడానికి 4 నుండి 5 ఇంజెక్షన్లు ఇస్తారు. శరీరం వైరస్‌తో పోరాడే సామర్థ్యాన్ని పెంపొందించుకోవడానికి వీటిని వేర్వేరు రోజులలో ఇస్తారు.
7. కుక్క కాటుకు గురైనప్పుడు ముందుగా గాయాన్ని సబ్బు, నీటితో బాగా కడగాలి. ఏదైనా ఇంటి నివారణను ఉపయోగించే బదులు వెంటనే డాక్టర్ వద్దకు వెళ్లి ఇంజెక్షన్ తీసుకోండి.

కుక్కకు టీకా వేయకపోతే మాత్రం చాలా డేంజర్: డాక్టర్ ఎన్.ఆర్. రావత్ 

కుక్క కాటుపై రాజస్థాన్ యానిమల్ సైన్సెస్ యూనివర్సిటీకి చెందిన డాక్టర్ ఎన్.ఆర్. రావత్ కీలక విషయాలు వెల్లడించారు. “టీకా వేసిన కుక్క నాలుకతో మీ చర్మాన్ని తాకితే భయపడాల్సిన అవసరం లేదు. కానీ ఆ కుక్కకు రేబిస్ ఉండి, టీకా వేయకపోతే మాత్రం చాలా డేంజర్ అని అంటున్నారు. వాటి లాలాజలం ద్వారా రేబిస్ వ్యాప్తి చెందుతుంది. కుక్క లాలాజలంలో రేబిస్ క్రిములు ఉంటాయి. మీ శరీరంపై గాయం లేదా గీత ఉంటే, రేబిస్ సోకిన కుక్క ఆ ప్రదేశాన్ని నాకితే ఆ వ్యాధి వచ్చే ప్రమాదం పెరుగుతుంది.

ఇది కూడా చదవండి: Hyderabad Richest People: హైదరాబాద్‌లో టాప్‌ ధనవంతులు వీరే.. ఏయే రంగాల్లో..

మరిన్ని హెల్త్ వార్తల కోసం ఇక్కడ క్లిక్ చేయండి