Coffee Side Effects: రోజుకు 4 కప్పులకు మించి కాఫీ లాగించేస్తున్నారా? ఈ విషయం తెలుసుకోండి..
కప్పు కాఫీ తాగనిదే చాలామందికి రోజు మొదలు కాదు. తలనొప్పి నుంచి ఉపశమనం పొందడానికి, పని ఒత్తిడి తగ్గించుకోవడానికి, బద్ధకాన్ని వదిలించుకోవడానికి, ఫ్రెండ్స్‌తో చిట్‌చాట్ చేసేటప్పుడు.. ఇలా వివిధ కారణాలతో కాఫీ రుచులను ఆస్వాధిస్తుంంటారు. ఇక చల్లటి వాతావరణంలో అయితే కాఫీ లేకపోతే ఆ వెలితి ఏదీ భర్తీ చేయలేదు. కానీ కొంత మంది మాత్రం రోజంతా కాఫీ లెక్కకు మించి తాగేస్తుంటారు. ఎన్ని కప్పులు తాగుతారో వారికే తెలియనంతగా..
Updated on: Feb 23, 2024 | 12:32 PM
కప్పు కాఫీ తాగనిదే చాలామందికి రోజు మొదలు కాదు. తలనొప్పి నుంచి ఉపశమనం పొందడానికి, పని ఒత్తిడి తగ్గించుకోవడానికి, బద్ధకాన్ని వదిలించుకోవడానికి, ఫ్రెండ్స్‌తో చిట్‌చాట్ చేసేటప్పుడు.. ఇలా వివిధ కారణాలతో కాఫీ రుచులను ఆస్వాధిస్తుంంటారు. ఇక చల్లటి వాతావరణంలో అయితే కాఫీ లేకపోతే ఆ వెలితి ఏదీ భర్తీ చేయలేదు. కానీ కొంత మంది మాత్రం రోజంతా కాఫీ లెక్కకు మించి తాగేస్తుంటారు. ఎన్ని కప్పులు తాగుతారో వారికే తెలియనంతగా తాగేస్తుంటారు. కొందరు రోజుకు 5-6 కప్పుల వరకు కాఫీ తాగుతారు. అయితే ‘అతి సర్వత్ర వర్జయేత్‌’ అన్న చందంగా కాఫీకి ఈ విషయం వర్తిస్తుంది. కాఫీ ఎక్కువగా తాగడం వల్ల ఇందులోని కెఫీన్‌ మన శరీరానికి హాని కలగజేస్తుందని నిపుణులు అంటున్నారు. రోజుకు 400 mg కంటే ఎక్కువ కెఫిన్ తీసుకోకూడదట. అంటే 4 కప్పుల కంటే ఎక్కువ కాఫీ ఆరోగ్యానికి హానికరం. రోజుకి 4 కప్పుల కంటే ఎక్కువ కాఫీ తాగితే ఏమవుతుందో ఇక్కడ తెలుసుకుందాం..
శక్తి స్థాయిలను పెంచుతుంది
కాఫీ శరీరానికి తక్షణ శక్తిని అందిస్తుంది. 4 కప్పుల కంటే ఎక్కువ కాఫీ తీసుకోవడం వల్ల శక్తి స్థాయిలు గణనీయంగా పెరుగుతాయి. ఇది అలసటను కూడా తగ్గిస్తుంది. ఇది ఏమాత్రం మంచిది కాదు. ఇది కాలక్రమేణా శరీరాన్ని బలహీనపరుస్తుంది.
హృదయ స్పందన రేటును పెంచుతుంది
కెఫిన్ ఎక్కువగా తీసుకోవడం వల్ల గుండె కొట్టుకోవడం క్రమరహితంగా ఉంటుంది. అంటే గుండె కొట్టుకునే వేగం పెరుగుతుంది. ఇది గుండె జబ్బుల ప్రమాదాన్ని పెంచుతుంది.
భయాందోళనలు పెరుగుతాయి
4 కప్పుల కంటే ఎక్కువ కాఫీ తాగే చాలా మందిలో ఆందోళన స్థాయిలు పెరుగుతున్నట్లు పలు అధ్యయనాల్లో బయటపడింది. వీరిలో తీవ్ర భయాందోళన ఏర్పడుతుంది. మానసిక అలసటను కూడా పెంచుతుంది. ఎవరికైనా ఆందోళన రుగ్మత ఉంటే, వెంటనే కాఫీకి కూడా దూరంగా ఉండాలి.
నిద్రలేమి
యువతలో ఎక్కువగా కనిపించే సమస్య నిద్రలేమి. పెద్దలు కూడా ఇదే సమస్యతో బాధపడుతున్నారు. అయితే రోజంతా కప్పు తర్వాత కప్పు కాఫీ తాగితే రాత్రి నిద్ర పట్టదు. అధిక మొత్తంలో కెఫిన్ తీసుకోవడం వల్ల నిద్ర చక్రం దెబ్బతింటుంది. అందుకే రాత్రిపూట సులభంగా నిద్రపోవాలని కోరుకునే వారు కాఫీకి దూరంగా ఉండాలి. లేదంటే నిద్రలేమి సమస్య పెరుగుతుంది.
అజీర్ణం
కాఫీలో ఆమ్ల పదార్థాలు ఉంటాయి. ఇవి యాసిడ్ రిఫ్లక్స్, గుండెల్లో మంట, కడుపు సమస్యలను తీవ్రతరం చేస్తాయి. ఎవరికైనా గ్యాస్, అజీర్ణం సమస్యలు ఉంటే.. అటువంటి వారు ఖాళీ కడుపుతో కాఫీ తాగకూడదు. అంతేకాదు కాఫీ ఎక్కువగా తాగడం వల్ల కడుపు నొప్పి పెరుగుతుంది.
రక్తపోటును పెంచుతుంది
కెఫిన్ రక్తపోటును పెంచుతుంది. ఇది తక్కువ వ్యవధిలో ఉన్నప్పటికీ హృదయనాళ వ్యవస్థను ప్రభావితం చేస్తుంది. అదే రోజులో 4 కప్పుల కంటే ఎక్కువ కాఫీ తాగితే, పరిణామాలు మరింత తీవ్రంగా ఉంటాయి. హైపర్‌టెన్షన్‌కు గురికావచ్చు.
నిర్జలీకరణం
కెఫిన్ మూత్ర ఉత్పత్తిని పెంచుతుంది. కాబట్టి కాఫీ తాగడం వల్ల శరీరం డీహైడ్రేట్ అయ్యే అవకాశం ఉంది. రోజంతా 4 కప్పుల కాఫీ తాగడం వల్ల కూడా శరీరంలో డీహైడ్రేషన్ ఏర్పడుతుంది.
మరిన్ని ఆరోగ్య సంబంధిత కథనాల కోసం క్లిక్‌ చేయండి.
