Health Tips: వేడి పాలలో ఈ 3 డ్రై ఫ్రూట్స్ కలపడం మర్చిపోవద్దు.. మీకు అద్భుతమైన ప్రయోజనాలు లభిస్తాయి
ఈ మూడు డ్రై ఫ్రూట్స్ ను వేడి పాలలో కలుపుకుని తాగితే చర్మం ఆరోగ్యంగా ఉండటమే కాకుండా జుట్టు కూడా మెరిసిపోతుంది. అంటే అందాన్ని పెంపొందించడానికి ఇది ఒక ఉత్తమమైన మార్గంగా చెబుతున్నారు.
Updated on: Oct 08, 2022 | 9:12 AM
మన దేశంలో పాల వినియోగం చాలా ఎక్కువగా ఉంటుంది. పిల్లల నుంచి వృద్ధుల వరకు అన్ని వయసుల వారు ఈ సూపర్ డ్రింక్‌ని తాగడానికి ఇష్టపడతారు. దాదాపు అన్ని రకాల పోషకాలు కలిగి ఉన్నందున పాలను సంపూర్ణ ఆహారంగా భావిస్తారు. ఆరోగ్యవంతమైన వ్యక్తి రోజుకు కనీసం 2 గ్లాసుల పాలు తాగాలి. ఇక వేడి పాలలో కొన్ని డ్రై ఫ్రూట్స్ కలుపుకుంటే, దాని పోషక విలువలు గణనీయంగా పెరుగుతాయని, మన శరీరానికి అనేక రకాల ఆరోగ్య ప్రయోజనాలు లభిస్తాయని చెబుతున్నారు వైద్య నిపుణులు. డ్రై ఫ్రూట్స్ ని చాలా మంది నేరుగా లేదా నానబెట్టి తింటారు. కానీ, మీరు జీడిపప్పు, ఎండుద్రాక్ష, బాదంపప్పులను మెత్తగా పొడి చేసుకుని పాలలో కలుపుకుని తాగొచ్చు. ఇది పాల రుచిని మెరుగుపరచడమే కాకుండా, ఆరోగ్యానికి కూడా ఎంతో మేలు చేస్తుంది. జీడిపప్పు, ఎండుద్రాక్ష, బాదంపప్పులను పాలలో కలపడం వల్ల కలిగే ప్రయోజనాలు ఏంటో ఇప్పుడు తెలుసుకుందాం..
జీడిపప్పు, ఎండుద్రాక్ష, బాదంపప్పు.. ఈ మూడు డ్రై ఫ్రూట్స్ ను వేడి పాలలో కలుపుకుని తాగితే చర్మం ఆరోగ్యంగా ఉండటమే కాకుండా జుట్టు కూడా మెరిసిపోతుంది. అంటే అందాన్ని పెంపొందించడానికి ఇది ఒక ఉత్తమమైన మార్గంగా చెబుతున్నారు. మీరు జీడిపప్పు, ఎండుద్రాక్ష, బాదంపప్పులను పాలలో ఉడకబెట్టి తాగితే, మీ ముఖం మచ్చలు లేకుండా మెరుస్తూ ఉంటుంది. ఎందుకంటే ఇది, మొటిమలు, మచ్చలను తొలగించడంలో చాలా సహాయపడుతుంది.
జీడిపప్పు, ఎండుద్రాక్ష, బాదంపప్పులను పాలలో కలిపి తాగడం వల్ల మీ రోగనిరోధక శక్తి పెరుగుతుంది. తద్వారా మీరు ఇన్ఫెక్షన్, అనేక వ్యాధులను నివారించవచ్చు. పాలలో ఉండే కాల్షియం సహాయంతో ఎముకలు దృఢంగా తయారవుతాయి. వాటికి ఈ 3 డ్రై ఫ్రూట్స్ కలిపితే, వాటిలో కాల్షియంతో పాటు విటమిన్ డి, మెగ్నీషియం ఉండటం వల్ల మన ఎముకలు దృఢంగా మారుతాయి. దీంతో కీళ్ల నొప్పుల నుంచి కూడా ఉపశమనం పొందవచ్చు.
మరిన్ని హెల్త్ టిప్స్ కోసం క్లిక్ చేయండి..
