NTR 30: స్పీడ్ పెంచనున్న యంగ్ టైగర్.. కొరటాల శివ సినిమా కోసం సిద్దమైన తారక్

NTR 30: యంగ్ టైగర్ ఎన్ఠీఆర్ ప్రస్తుతం రాజమౌళి సినిమాను కంప్లీట్ చేసి కొరటాల శివ సినిమాకోసం సిద్ధంగా ఉన్నారు.  జక్కన్న తెరకెక్కించిన ఆర్ఆర్ఆర్ సినిమాలో తారక్ కొమురం భీమ్ గా కనిపించనున్నాడు. అలాగే ఈ సినిమాలో మెగా పవర్ స్టార్ రామ్ చరణ్ కూడా నటిస్తున్న విషయం తెలిసిందే. ఈ సినిమా రిలీజ్ కు రెడీగా ఉంది. అన్ని అనుకున్నట్టు జరిగి ఉంటే ఆర్ఆర్ఆర్ ఇప్పటికి థియేటర్స్ లో సందడి చేస్తూ ఉండేది. కానీ కరోనా కారణంగా అది కుదరలేదు. జనవరి 7న ప్రేక్షకుల ముందుకు సినిమా తీసుకురావాలని మేకర్స్ భావించారు. కానీ ఇప్పుడు సినిమా ఏప్రిల్ లేదా మార్చ్ లో రిలీజ్ అయ్యే అవకాశాలు కనిపిస్తున్నాయి. ఇదిలా ఉంటే తారక్ తన నెక్స్ట్ సినిమా కొరటాల శివతో చేస్తున్న విషయం తెలిసిందే. ప్రస్తుతం కొరటాల మెగాస్టార్ తో ఆచార్య సినిమా తెరకెక్కించారు. ఈ సినిమా కూడా రిలీజ్ కు రెడీగా ఉంది. గతంలో కొరటాల , తారక్ కాంబినేషన్ లో జనతాగ్యారేజ్ సినిమా వచ్చిన విషయం తెలిసిందే. ఈ సినిమా మంచి విజయాన్ని అందుకుంది. ఇక ఇప్పుడు రాబోయే సినిమా పైన కూడా భారీ అంచనాలు ఉన్నాయి అభిమానుల్లో.

అయితే ఆర్ఆర్ఆర్ కోసం తారక్ మూడేళ్లు టైం కేటాయించారు. దాంతో ఇప్పుడు వీలైనంత స్పీడ్ గా సినిమాలను లైన్ లో పెట్టాలని చూస్తున్నారట. ఈ క్రమంలోనే కొరటాల శివ సినిమాను వీలైనంత త్వరగా సెట్స్ పైకి తీసుకెళ్లాలని భావిస్తున్నాడట తారక్. ఇక వచ్చేనెల ఫస్టువీక్ లో ఈ సినిమాను లాంచ్ చేయనున్నారని తెలుస్తోంది. ఆ దిశగానే పనులు జరుగుతున్నాయని అంటున్నారు. ఇక ఈ సినిమాలో హీరోయిన్ గా బాలీవుడ్ బ్యూటీలు  జాన్వీ కపూర్ .. అలియా భట్ పేర్లతోపాటు  కీర్తి సురేశ్ .. రష్మిక పేర్లు వినిపిస్తున్నాయి. త్వరలోనే దీనిపై ఓ క్లారిటీ వచ్చే ఛాన్స్ ఉంది.

మరిన్ని ఇక్కడ చదవండి : 

Viral Photo: బూరెబుగ్గల బుజ్జాయి.. చిరునవ్వులతో కట్టిపడేస్తున్న ఈ చిన్నారి ఎవరో గుర్తుపట్టారా.?

Nagashaurya: కృష్ణ వ్రింద విహారి అంటోన్న నాగశౌర్య.. బర్త్ డే వేళ స్పెషల్ సర్‏ప్రైజ్..

Manchu Lakshmi: తెలంగాణ ప్రభుత్వానికి మంచు లక్ష్మీ రిక్వెస్ట్.. ఎందుకంటే..