Hero Vijay: ఉప్పొంగిన అభిమానం.. హీరో విజయ్‌‌పై తమ ప్రేమను చాటుకున్న కర్నాటక ఫ్యాన్స్.. నిలువెత్తు విగ్రహం

దళపతి విజయ్. ఈ పేరు విన్నా, విజువల్ చూసినా ఆయన అభిమానులకు బాడీలో కరెంట్ పాస్‌ అవుద్ది. ఆయనపై ఫ్యాన్స్‌కున్న అభిమానం అలాంటిది. ఇక విజ‌య్ అన‌గానే కోలీవుడ్ హీరో అనేది నిన్నటి మాట‌. ప్యాండ‌మిక్ టైమ్‌లో మాస్టర్ మూవీ క‌లెక్షన్లు చూశాక విజ‌య్ ‘ప్యాన్ ఇండియా స్టార్’ అనే మాట‌కే అంద‌రూ ఫిక్సయ్యారు. ఇదిలా ఉంటే తమిళనాడులో సూపర్‌స్టార్‌ రజినీకాంత్‌ తర్వాత అంతటి అభిమానం సంపాదించుకున్న హీరో విజయ్‌కు ఒక్క తమిళనాడులోనే కాదు, ఏపీ, కర్ణాటకలో విజయ్ ఫ్యాన్స్‌ ఉన్నారు. తాజాగా, కర్ణాటక అభిమానులు విజయ్‌ మర్చిపోలేని ఓ బహుమతి ఇచ్చారు. ఇప్పుడు ఈ విషయం హాట్‌ టాపిక్‌గా మారింది. కర్ణాటకలోని మంగుళూరుకు చెందిన దళపతి విజయ్ అభిమానులు, విజయ్ విగ్రహాన్ని రూపొందించి చెన్నైకి తీసుకువచ్చి బహుమతిగా ఇచ్చారు. ఈ విగ్రహాన్ని విజయ్ మక్కల్ ఇయక్కం పన్నైయూర్ కార్యాలయంలో శాశ్వతంగా ఉంచుతామని చెప్పారు. ఈ విషయం తెలుసుకున్న తమిళనాడులోని అభిమానులు విజయ్‌ విగ్రహాన్ని చూడటానికి తరలివస్తున్నారు. తమ అభిమానాన్ని చూపిస్తున్నారు. ఇది విజయ్‌ జీవిత కాలం గుర్తుంటుందని ఆయన అభిమానులు చెబుతున్నారు.

దళపతి విజయ్‌ సౌత్‌ ఇండియా టాప్‌ హీరోల సరసన ఎప్పుడో చేరిపోయారనే టాక్‌ ఇండస్ట్రీలో నడుస్తోంది. రజినీకాంత్, మమ్ముట్టి, మోహన్‌లాల్‌, చిరంజీవి లాంటి హీరోలతో సమానంగా విజయ్‌ అభిమానులను సంపాదించుకున్నారు. ప్రస్తుతం విజయ్ నెల్సన్ దిలీప్‌కుమార్ దర్శకత్వం వహిస్తున్న ‘బీస్ట్’ షూటింగ్‌లో బిజీగా ఉన్నాడు. దీనికి అనిరుధ్ సంగీతం అందించారు. చెన్నై నగర శివార్లలోని ఓ స్టూడియోలో ఈ సినిమా షూటింగ్ జరుగుతోంది.

Also Read: : తిరుమల శ్రీవారి భక్తులకు అలెర్ట్.. కీలక హెచ్చరిక చేసిన టీటీడీ

పోలీసులం అంటూ ఇన్నోవా ఆపారు, తనిఖీలు అంటూ అందర్నీ దింపారు.. కట్ చేస్తే