Thalapathy 66: దళపతి బర్త్ డే గిఫ్ట్ రెడీ చేస్తున్న వంశీ పైడిపల్లి.. ఆసక్తి గా ఎదురుచూస్తున్న విజయ్ ఫ్యాన్స్
తమిళ్ స్టార్ హీరో దళపతి విజయ్ సినిమా వస్తుందంటే ఫ్యాన్స్ లో సందడి మాములుగా ఉండదు. ఈ మధ్య కాలంలో విజయ్ నటించిన సినిమాలన్నీ వంద కోట్ల మార్క్ ను అవలీలగా దాటేస్తున్నాయి.
Updated on: Jun 20, 2022 | 3:27 PM
తమిళ్ స్టార్ హీరో దళపతి(Thalapathy Vjay )విజయ్ సినిమా వస్తుందంటే ఫ్యాన్స్ లో సందడి మాములుగా ఉండదు. ఈ మధ్య కాలంలో విజయ్ నటించిన సినిమాలన్నీ వంద కోట్ల మార్క్ ను అవలీలగా దాటేస్తున్నాయి. రీసెంట్ గా బీస్ట్ సినిమాతో ప్రేక్షకుల ముందుకు వచ్చిన దళపతి ఆ సినిమాతో మరో హిట్ ను తన ఖాతాలో వేసుకున్నాడు. ఇక ఇప్పుడు దళపతి 66 తో ప్రేక్షకుల ముందుకు రానున్నాడు. టాలీవుడ్ డైరెక్టర్ వంశీ పైడిపల్లి దర్శకత్వం వహిస్తున్న ఈ సినిమా షూటింగ్ ఇటీవలే మొదలైంది. ఈ సినిమాలో విజయ్ సరసన నేషనల్ క్రష్ రష్మిక మందన్న హీరోయిన్ గా నటిస్తుంది. ఫ్యామిలీ ఎంటర్టైనర్ గా తెరకెక్కుతోన్న ఈ సినిమాను దిల్ రాజు భారీ బడ్జెట్ తో నిర్మిస్తున్నారు.
ఈ సినిమాకు వారసుడు అనే టైటిల్ న పరిశీలిస్తున్నారని టాక్. ఈ సినిమా తెలుగు తమిళ్ భాషల్లో విడుదల కానుంది. తాజాగా ఈ సినిమానుంచి అదిరిపోయే అప్డేట్ ఇవ్వడానికి రెడీ అయ్యారు చిత్రయూనిట్. దళపతి విజయ్ పుట్టిన రోజు సందర్భంగా అభిమానులను ఖుష్ చేయనున్నారు. ఈ సినిమా ఫస్ట్ లుక్ ని విజయ్ పుట్టినరోజు (22జూలై)కి ఒకరోజు ముందుగా అంటే జూలై 21వ తేదీన విడుదల చేయనున్నారు. ఈ విషయాన్ని మేకర్స్ అధికారికంగా ప్రకటించారు. విజయ్ షాడో ఫొటోతో పోస్టర్ ను డిజన్ చేశారు. ఈ సినిమాలో విజయ్ మునుపెన్నడూ చూడని పాత్రలో కనిపించనున్నాడని అంటున్నారు. తమన్ ఈ సినిమాకు సంగీతం అందిస్తున్నారు. త్వరలోనే ఈ సినిమాకు సంబంధించిన మరిన్ని విషయాలు తెలుపనున్నారు మేకర్స్.
మరిన్ని సినిమా వార్తల కోసం ఇక్కడ క్లిక్ చేయండి
