Anudheep KV: తెలుగులోకి ఎంట్రీ ఇస్తున్న మరో తమిళ్ హీరో… ఆ స్టార్తో మూవీ చేయబోతున్న “జాతిరత్నాలు” డైరెక్టర్..
ప్రస్తుతం కోలీవుడ్ స్టార్ హీరోల కన్ను టాలీవుడ్ పై పడింది. ఇప్పటి వరకు తమ సినిమాలను తెలుగులోకి డబ్ చేసుకుని సూపర్ హిట్స్ అందుకున్న హీరోలు ఇప్పుడు.. నేరుగా తెలుగులో సినిమాలు చేసేందుకు సిద్ధమవుతున్నారు.
TV9 Telugu Digital Desk | Edited By: Rajitha Chanti
Updated on: Jul 12, 2021 | 9:05 PM
ప్రస్తుతం కోలీవుడ్ స్టార్ హీరోల కన్ను టాలీవుడ్ పై పడింది. ఇప్పటి వరకు తమ సినిమాలను తెలుగులోకి డబ్ చేసుకుని సూపర్ హిట్స్ అందుకున్న హీరోలు ఇప్పుడు.. నేరుగా తెలుగులో సినిమాలు చేసేందుకు సిద్ధమవుతున్నారు. ఇప్పటికే తమిళ్ హీరోలు, విజయ్, ధనుష్లు తమ తెలుగు సినిమాలు ప్రకటించిన సంగతి తెలిసిందే. వీరితోపాటు మరికొందరు హీరోలు కూడా టాలీవుడ్లో సినిమాలు చేసేందుకు ఆసక్తి చూపిస్తున్నారు. అయితే ఇప్పుడు ఆ స్టార్ హీరోను తెలుగులోకి తీసుకువస్తున్నాడు డైరెక్టర్ అనుదీప్.
ఇటీవల “జాతిరత్నాలు” సినిమాతో బ్లాక్ బస్టర్ హిట్ అందుకున్న అనుదీప్ తన రెండవ సినిమాను తమిళ స్టార్ హీరోతో తీయబోతున్నారట. వీరిద్దరి కాంబోలో వచ్చే ఆ సినిమాను పాన్ ఇండియా లెవల్లో తెరకెక్కించబోతున్నట్లుగా టాక్ వినిపిస్తోంది. ఈ మూవీకి సంబంధించిన చర్చలు దాదాపు ముగింపు దశకు వచ్చినట్లుగా తెలుస్తోంది. ఈ సినిమాను ఏషియన్ అధినేత సునీల్ నారంగ్ నిర్మించబోతున్నారట. ఈయన కూడా గత కొన్ని రోజులుగా భారీ చిత్రాలను నిర్మించేందుకు ఆసక్తి చూపిస్తున్నారట. అయితే జాతిరత్నాలు వంటి సూపర్ హిట్ సినిమాను అందించిన అనుదీప్ ఏ హీరోను తెలుగులోకి తీసుకురాబోతున్నారో తెలుసా ? రెమో సినిమాతో తెలుగు ప్రేక్షకులకు దగ్గరైన శివ కార్తికేయన్ అనుదీప్ దర్శకత్వంలో టాలీవుడ్‌లోకి ఎంట్రీ ఇవ్వబోతున్నారట.
అయితే ఇప్పటివరకు అనుదీప్ జాతిరత్నాలు సిక్వెల్ చేస్తున్నట్లుగా టాక్ వినిపించింది. కానీ అనుహ్యాంగా ఇప్పుడు శివ కార్తికేయన్ పేరు వినిపించడం కాస్తా ఆశ్చర్యకరమే. ఇక వీరిద్దరి కలయికలో వచ్చే సినిమా తర్వలోనే సెట్స్ పైకి వెళ్లనుందట. పెద్ద ఎత్తున అంచనాలున్న ఈ కాంబో లో మూవీని కేవలం తెలుగు మరియు తమిళంలో మాత్రమే కాకుండా హిందీ మరియు మలయాళంలో కూడా విడుదల చేసేలా ఏర్పాట్లు చేస్తున్నారట. ఇక ఈ సినిమాలో మరో స్టార్ హీరోయిన్ నటించబోతుందని సమాచారం. ఏదైమైనా అనుదీప్ దర్శకత్వంలో శివకార్తికేయన్ సినిమా అంటే మరో జాతిరత్నాలే ఇక.
Ariyana Glory: నువ్వు ప్రేమలో ఉన్నావా ? ఆసక్తికర సమాధానమిచ్చిన అరియానా.. ఇప్పుడే ఎక్కువ ఇష్టమంటూ..
