Sarkaru Vaari Paata: మొదలైన సర్కారు వారి పాట ..శరవేగంగా షూటింగ్.. హైదరాబాద్ లో కొత్త షెడ్యూల్

సూపర్ స్టార్ మహేష్ బాబు ప్రస్తుతం సర్కారువారి పాట సినిమా చేస్తున్న విషయం తెలిసిందే. ఈ సినిమాలో మహేష్ న్యూ గెటప్ లో కనిపించనున్నాడు. ఇప్పటికే ఈ సినిమా షూటింగ్ మొదలై దాదాపు 40శాతం పూర్తయింది. ఈ సినిమా షూటింగ్ కరోనా కారణంగా వాయిదా పడుతూ వస్తుంది. ఈ సినిమా బ్యాంకింగ్ రంగంలో జరిగే మోసాల నేపథ్యంలో తెరకెక్కుతుంది తెలుస్తుంది.  14 రీల్స్ ప్లస్ అలాగే మహేష్ బాబు ఈ సినిమాను నిర్మిస్తున్నారు. ఈ సినిమా ఫస్టు షెడ్యూల్ షూటింగు ‘దుబాయ్’లో జరిగింది. ఆ తరువాత షెడ్యూల్ హైదరాబాద్ లో జరుగుతూ ఉండగా, కరోనా కారణంగా షూటింగుకు బ్రేక్ పడింది. ప్రస్తుతం కరోనా ఉద్ధృతి తగ్గడం వలన, ఈ రోజున హైదరాబాద్ లో ఈ సినిమా షూటింగును మళ్లీ మొదలుపెట్టారు. మహేశ్ బాబు తదితరులు షూటింగులో పాల్గొంటున్నారు. ఈ ప్రాజెక్ట్ అనౌన్స్ చేసినప్పటి నుంచి సినీ వర్గాల్లో సోషల్ మీడియాలో భారీ సౌండింగ్ చేస్తూ వస్తోంది. ఇప్పటికే విడుదలైన ప్రీ లుక్ పోస్టర్ లో మహేష్ బాబు లుక్ అందరి దృష్టిని ఆకర్షించింది.

ఇప్పటి నుంచి పెద్దగా గ్యాప్ లేకుండా 3 నెలల పాటు చిత్రీకరణను జరిపి, షూటింగు పార్టును పూర్తిచేయనున్నట్టు చెబుతున్నారు. ఆగస్టు 9వ తేదీన మహేశ్ బాబు పుట్టినరోజు. ఈ సందర్భంగా ఆ రోజున టీజర్ ను రిలీజ్ చేసే అవకాశం ఉందని అంటున్నారు. అయితే తాజాగా హైదరాబాద్ లో కొత్త షెడ్యూల్ షూటింగ్ తిరిగి ప్రారంభించింది  ఈ చిత్రయూనిట్. ఈ షెడ్యూల్ లో ప్రధాన తారాగణం పాల్గొనే కొన్ని కీలక సన్నివేశాలను షూట్ చేయనున్నారు. ఈ విషయాన్ని మేకర్స్ వెల్లడిస్తూ.. మహేష్ తో పరశురామ్ ఏదో డిస్కష్ చేస్తున్నట్లు కనిపించే ఓ ఫోటోని వదిలారు. ‘సర్కారు వారి పాట’ చిత్రాన్ని 2022 సంక్రాంతికి ప్రేక్షకుల ముందుకు తీసుకురానున్నారు.

మరిన్ని ఇక్కడ చదవండి :

Anudheep KV: తెలుగులోకి ఎంట్రీ ఇస్తున్న మరో తమిళ్ హీరో… ఆ స్టార్‏తో మూవీ చేయబోతున్న “జాతిరత్నాలు” డైరెక్టర్..

Aamir Khan: అమీర్ ఖాన్‏పై వివాదాస్పద వ్యాఖ్యలు చేసిన బీజేపీ ఎంపీ.. అలాంటి వ్యక్తులు దేశ జనాభాలో…

ఈ ఫోటోలో ఉన్న టాప్ హీరోయిన్ ఎవరో గుర్తుపట్టగలరా ? టాలీవుడ్‏లో ఫుల్ బిజీ ఈ ముద్దుగుమ్మ..