A. R. Rahman: మరోసారి ఆస్కార్ అందుకోనున్న ఏఆర్ రెహమాన్.. ఏ సినిమా కంటే

లెజెండ్రీ మ్యూజిక్ డైరెక్టర్  ఏఆర్ రెహమాన్ సంగీత సారథ్యంలో  రూపొందించిన చిత్రం ‘ఆడు జీవితం’ ఉత్తమ సాంగ్, ఉత్తమ నేపథ్య సంగీతం కోసం ఆస్కార్ 2025 కోసం షార్ట్ లిస్ట్ చేశారు. ఏఆర్ రెహమాన్ ముచ్చటగా మూడోసారి ఆస్కార్‌ను అందుకుంటాడా అని ఆయన అభిమానులు ఆసక్తిగా ఎదురుచూస్తున్నారు. ప్లెసీ దర్శకత్వంలో మలయాళ స్టార్ పృథ్వీరాజ్ నటించిన ఆడు జీవితం మార్చి 28న థియేటర్లలో విడుదలైంది. కేరళకు చెందిన నజీబ్ పని నిమిత్తం అరబ్ దేశానికి వెళతాడు. అక్కడి బాస్ చేతిలో మోసపోయిన నజీబ్ గొర్రెల కాపరిగా మారుతాడు. నజీబ్ 700 మేకలతో ఎడారిలో ఒంటరిగా జీవిస్తున్నాడు.

నజీబ్ మానసిక, శారీరక స్థితి తనను తాను గొర్రెగా భావించే స్థాయికి దిగజారింది. ఈ పరిస్థితి నుంచి నజీబ్ తన స్వగ్రామానికి ఎలా తప్పించుకుంటాడనేది చిత్ర కథాంశం. రచయిత బెన్యామిన్ ఆడు జీవితం అనే నవలగా నజీబ్ జీవితాన్ని వాస్తవ కథగా రాశారు. ఆ నవల ఆధారంగా ప్లెసీ ‘ఆడు జీవితం’ చిత్రానికి దర్శకత్వం వహించారు. నజీబ్ పాత్రలో నటుడు పృథ్వీరాజ్ నటించారు. ఆయన భార్యగా అమలా పాల్ నటించింది. ఈ చిత్రానికి ఎ.ఆర్.రెహమాన్ సంగీతం అందించారు.

థియేటర్లలో విడుదలైన తొలిరోజే ఈ సినిమా అభిమానుల నుంచి మంచి ఆదరణ పొందింది. ఈ చిత్రం తమిళం, మలయాళం, తెలుగు, హిందీ, కన్నడ ఐదు భాషల్లో పాన్-ఇండియన్ చిత్రంగా విడుదలైంది. తన శరీరం కోసం ఎంతగానో శ్రమించిన నటుడు పృథ్వీరాజ్‌కి ఈ సినిమా తప్పకుండా జాతీయ అవార్డు వస్తుందని అంతా భావించారు. పృథ్వీరాజ్ ఈ సినిమాలో నటించాడు అనడం కంటే జీవించారు అని చెప్పొచ్చు.

పాన్-ఇండియన్ చిత్రంగా విడుదలైన ఈ చిత్రం అన్ని చోట్లా బాక్సాఫీస్ వద్ద మంచి వసూళ్లు రాబట్టింది. ప్రపంచ వ్యాప్తంగా 150 కోట్లకు పైగా వసూలు చేసింది ఈ సినిమా. ఈ సినిమా డిజిటల్ హక్కులను నెట్‌ఫ్లిక్స్ సొంతం చేసుకుంది. ఈ చిత్రం ప్రస్తుతం నెట్‌ఫ్లిక్స్ OTTలో అందుబాటులో ఉంది. సినిమాలో పృథ్వీ నటనకు ప్రశంసలు అందుకోగా, మ్యూజిక్ కంపోజర్ ఏఆర్ రెహమాన్ నేపథ్య సంగీతం అభిమానులను విశేషంగా ఆకట్టుకుంది. అలాగే ఈ చిత్రంలోని ‘పెరియోనే రఖుమానే’ పాట తమిళ, మలయాళ భాషల్లో సూపర్ డూప్ హిట్ అయింది.

మరిన్ని సినిమా వార్తల కోసం ఇక్కడ క్లిక్ చేయండి.